لقاء كار.ثي

عدي…..مش بالظبط بس تقدري تقولي كده ان مريم كل ما تحس انهم بيقربوا من بعض او في خطوه جديده في حياتهم تظهر تاني عشان تعكنن عليهم من الاخر

تقي……عملت حاجه مع ليله

عدي….مريم عماله تراقب تحركات عشري و تحركات ليله ليله لمحتها ماشيه وراهم بالعربيه و محبتش تعرف عشري عشان ميعملش مشكله و اول امبارح مشيت وراء ليله كانت بتعمل مشاويرها عادي فضلت وراها بالعربيه طول اليوم و لما ليله رجعت

راحت عليها وركبت معاها العربيه و قعدت تقول كلام اهبل زيها يعني كانها بتهدد ليله هي هتتجنن ان فرحهم قرب فا عماله بقي تقولها هوجع قلبك انتي و عشري علي اقرب ناس ليكم و حجات هبله كده

تقي…..انت بتتكلم جد ولا بتهزر ؟

عدي….اه والله العظيم بس الحوار عبيط يعني و هيخلص انهارده بأذن الله ابويا و اخواتي هيبعتوا يجيبوا ابوها و يعملوا قاعده كده و يتكلموا معاه

تقي…..طيب و ليله عملت ايه اكيد مسكتتلهاش

عدي….لا ليله سكتت عشان عارفه ان عشري لو عرف هيبهدل الدنيا

تقي….طب ماهو عارف اهو

عدي….مكانش يعرف ليله جمعت الشبا و البنات و علي و عمر اخواتي
في بيت رشيد و اتكلموا وعشري راح عليهم فجأه لانه الصبح علي اتصل عليه غصب عنه و سمت الحوار كله من عمر و هو بيتكلم مع علي و بيقولوا هنتقابل علي عشره عند رشيد فا راح علي هناك

تقي….يا نهار اسود يعني اتخانقوا مع بعض؟

عدي….لا لا متخانقوش بس عشري عرف

تقي….انا امبارح كنت بكلم ليله و مقالتليش صحيح انا حسيت ان صوتها متغير بس قولت جايز مرهقه من المشاوير

عدي….هي اكيد محبتش تقلقك بس هو لازم الكل يعرف و ياخد باله لان مريم شكلها مش عايزه تعديها علي خير

تقي….ايه مريم دي اصلا ولا تقدر تعمل حاجه مع اي حد

عدي….لو بتفكيرها ده يا تقي ممكن عشان توجع عشري و ليله هتأذي اي حد قريب منهم مريم شكلها اتجننت و متخيله ان ظهور ليله في حياة عشري هو اللي دمرها

ليله…..اديك بتقول متخيله يعني مش دي الحقيقه

عدي…. اه بس عشان تقنعني مريض نفسي بالحقيقه حاجه مستحيله

تقي….طيب و انتوا متخيلين ان الكلام مع بباها بقي هيعقلها

عدي….يمكن واهي محاوله علي الاقل عشان لما نتصرف معاها بنفس طريقتها يبقي عدانا العيب

تقي…..ماهي جايز تكون بتهدد او بتقول اي كلام اي حد مضايق من حد بيقول كلام عبيط عشان يثبت انه جامد و من كلام ليله يعني واضح انها تافهه و هبله