لقاء كـ،ــ،ـارثي
نعيمه…ماشيه
مسكتها تاني بفوطه و حطها و صوتت
نعيمه…اااااا لا لا
لياه كانت ميته من الضحك هي و عشري اللي قاعد بيتفرج و ساكت
ايمي…. بضحك جدعه والله شوفتي معملتش حاجه
رشيد….يلا با جبانه
نعيمه…والنبي اسكت يا رشيد والله قلبي هيقف
رشيد…..صغيره والله متعملش حاجه
ايمي….يلا يا قلبي طلعي الوايبس و نضفيها
عشري…بضحك يارب تعضك
ليله…بس يا رخم البت قلبها هيقف
نعيمه…..الله يسامحك انا مش هرد عليك احسن تعضني بجد
عشري…بضحك لا والله بهزر دي صغيره متخافيش
قربت الوايبس و هي لابسه جلافز حاولت اكتر من مره فكره انها تمسك جسمها و تحس بيه كانت رعباها احد ما قدر بتشجيعهم و فعلا بقت تطلع وايبس و تنضف و بدات تهدا شويه من خوفها
نعيمه…بابتسامه نضفت بقت حلوه
عشري…طيب بسرعه بقي نشفيها لان الوايبس بلها اكتر
نعيمه…ماشي
ليله….نوني والنبي ممكن توريهالي عايزه اشوف وشها
نعيمه… بابتسامه عندها عين وعين
ليله….طب فرجيني والنبي
نعيمه…استني طيب والنبي
نشفتها كتير و راحت جابت الدفايه شغلتها قريب من البوكس
رشيد….نعيمه حاولي تفرشي حاجه في البوكس من تحت عشان تظفي اكتر
نعيمه ..الغطاء بتاع البوكس احطه عليها
عشري….يخربيت عقلك تموووا
ايمي….بضحك هتتخنق يا غبيه
نعيمه…طيب خلاص هحطلها فوطه تانيه استنوا بس افرجكم حلاوتها بعد النضافه
ليله….وريني
نعيمه….خليكي مؤدبه والنبي ماشي اوعي تعضيني انا نضفتك واكلتك
ماتوا من الضحك عليها
رشيد…بضحك انتي بتعايريها
ايمي…ده اللي فكرت فيه مفكرتش انها بتكلم قطه
نعيمه…..انا من بدري بكلمها اصلا استني رفعتها بالفوطه قدام الكاميرا
ليله…..يا روووووح قلبي علي القمر و الجمال ماشاء الله
ايمي….يا خرابي علي السكر بالذمه دي يتخاف منها
عشري….دي هربانه دي ولا ايه
رشيد….شكلها مخلط بس حلوه اوي
ليله….قلبي والله جميله
نعيمه…. بابتسامه جميله صح
ليله…اوي والله
عشري…..نوني اقولك حاجه
نعيمه….قول
عشري…تعرفي اني سمعت ان الفصيله اللي ليها عين وعين دي
نعيمه….لاااا استني بالله عليك اوعي تخوفني و تقول عفريت وجن هحطخا بره والله
عشري…لا والله مش هخوفك انا سمعت ان الفصيله دي مش بتسمع
نعيمه…يعني ايه مش بتسمع
عشري…مش بيسمعوا
ليله…ده لجد ولا بتهزر
