لقاء كـ،ــ،ـارثي
عشري….مالك
ليله….رقبتي واقفه خالص وانت شدتني جامد
عشري….طيب من ايه
ليله….معرفش صحيت لاقيتها كده
عشري….طيب وريني
ليله….اااااه لا لا سيبني يا عشري مش قادره
عشري….بتوجعك اوي
ليله…مش قادره احركها ولا ابص شماا او يمين
عشري…طيب قومي خدي دش و نزلي عليها مايه سخنه هتفك و حطي اي باسط للعضلات
ليله….طيب قوم بس خلصني يلا
عشري….حاضر هقوم والله.
قامت ليله دخلت الدريسينج طلعت هدوم عشان تبقي تاخد شاور و بعدين خرجت بهدوء راحت علي المطبخ كانت تعبانه اوي و حاسه ان هي مش هتقدر تنزل الشغل مسكت الموبايل واتصلت علي ريهام.
ريهام….صباح الفل يا لولي
ليله….صباح الفل يا قلبي اخبارك ايه
ريهام….زي الفل الحمد لله
ليله….ريهام هو انا لو مجتش انهارده عادي تبقي لوحدك
ريهام…..طبعا عادي و انا قولتلك لو مش حابه تنزلي انا كده كده اتعودت علي الشغل و نزلت كتير لوحدي انتي اللي مصممه متسبنيش بس الاول طمنيني مالك صوتك تعبان
ليله….اه والله يا ريهام تعبانه اوي البريود جاتلي و كمان صاحيه رقبتي واقفه خالص مش قادره احركه موقفه كل فقرات ضهري و مأريفاني خالص
ريهام….الف سلامه عليكي يا قلبي لا خليكي انا في الطريق وداخله علي المطعم خلاص المهم ادهني اي حاجه طيب و ارتاحي
ليله….انا هعمل كده المهم حقك عليا والله
ريهام….بطلي عبط يا ليله متقوليش كده حق ايه بس و بعدين بقب بتيجي بتشاركيني في المكتب
ليله…..بضحك ليه مش بسيبلك الكرسي بتاع المكتب و بقعد في الكنبه يا واطيه
ريهام….بضحك حصل بس معلش مش عايزين زحمه
ليله…ماشي يا ستي
ريهام…..سلامتك يا لوووولي
ليله….الله يسلمك يا قلبي لو في حاجه كلميني
ريهام….اوك يلا باي يا قلبي
ليله…باي باي
قفلت ليله و بدات تجهز الفطار و هي بتتحرك زي الانسان الالي
شويه و سمعت رنه علي الواتس من الشات بتاعها هي و البنات فتحت لقتهم كلهم موجودين و بيتكلموا في صوت واحد و يضحكوا وهي مش فاهمه حاجه.
سلمي….اهي لولي جات
ايمي….صباح الفل يا موووزه
ليله….صباح الخير يا بنات
ايه….بضحك ايه ده مالك عامله زي الريبوت كده ليه
ليله….ريبوت في عينك يا جزمه
نادين….وهي بتلبس لولي مالك انتي تعبانه
ليله….اه والله با نودي تعبانه و ماريفه اخر اريفه
ايمي..في ايه يا بت رقبتك ولا ايه
