لقاء كـ،ــ،ـارثي
نعيمه…. بابتسامه تمام بس انا حابه اكمل اعرفك بيحصل ايه اخد رايك
الدكتور….وانا موجود طبعا كلامي مش معناه انك متجيش تاني لو لسه محتجاني انا موجود اللي اقصده انك بقيتي احسن و فهمتي اللي جواكي صح و افتكري ديما في كل حياتك يا نعيمه ان الهروب من الخوف مش حل واجهي ديما كل مخاوفك.
نعيمه…بابتسامه و الفضل يرجع لحضرتك في كل ده الحقيقه حضرتك شاطر اوي و قدرت فعلا تحطني قدام نفسي و دي كانت اكتر مواجهه لخوفي و نجحت ارتاحت كتير عبرت كتير عن نفسي و دي كانت حاجه مهمه بالنسبالي بجد فا شكرا لحضرتك
الدكتور….العفو يا نعيمه انا معملتش غير شغلي و زي ما قولت انا موجود اي وقت و هفضل معاكي احد ما تقولي خلتص استغنيت
نعيمه…بضحكه هاديه لا خالص والله بجد شكرا لحضرتك اوي و ان شاء الله المره الجايه هاجي باخبار احلي
الدكتور…..المهم تيجي بدعوه فرح و تعزميني
نعيمه….بضحك ده حضرتك اول واهم المعازيم طبعا
الدكتور….بابتسامه ربنا يوفقك ويسعدك في كل اللي جاي
سلمت نعيمه عليه و بعدين خرجت و مشيت..
……………..
عند نادين و صل عسال و دخل.
نادين….بهدوء و ملامح حزينه هعملك قهوه وهاجي
عسال…مسكها من ايدها لا تعالي هنا مش عايز قهوه انا عايز اعرف مالك
خدها من كفها وراحوا قعدوا
عسال….. ايه ياروحي في ايه ؟
نادين….بابا اتصل بيا انهارده و قالي
انه هياخد الاجازه السنويه بتاعته بعد عشرين يوم و طبعا هو عارف منك ان البيت خلاص بيجهز و قربنا نستلمه فا هو حاطت في دماغه ان مع انتهاء البيت هنحدد معاد الجواز
و علي الاساس ده قالي انه قدامه عشرين يوم و ينزل هيقعد هنا اسبوع و بعدين هيسافر تاني بس مش هيروح علي المغرب مراته هتسبقه علي فرنسا هيقضوا هناك الاجازه يعني هو الاسبوع ده متخيل اننا هنتجوز فيه طبعا انا فهمته الوضح و كل الي حاصل قولتلوا صحيح الشقه خلاص خلصت و فاضل بس نفرشها بس اننا نخلص بالسرعه دي مستحيل في عشرين يوم ولا احنا عاملين حسابنا اصلا علي الجواز الوقت لان في اصحابنا هيتجوزوا وكلنا مشغولين معاهم و احنا لسه مش جاهزين قالي بس دي معاد اجازتي و انا غصب عني هيبقي صعب انزل اي وقت تاني قالي طيب انا ممكن استني بعد العشرين يوم دول اقعد حوالي عشر ايام كمان و بعدين انزل يعني قدامكم شهر طبعا انا معرفتش اقولوا ايه قولتلوا طيب هشوف وبس
