لقاء كـ،ــ،ـارثي

ايه….كيوت في عينكم بت ارجعي نعيمه الاولي و اشتمي براحتك و طولي لسانك مش لايق عليكي الادب ده انا عايزه اغيظ البت دي مش كفايه معرفتش اجيب مريم من شعرها مع ليله دي فرصتنا

ليله….لا وانتي كنتي هتجيبيها من شعرها اوي

ايه…بضحك او علي الاقل ابقي متفرجه مش مهم

نعيمه….بصي يا ايه نتكلم بصراحه لما جوجو اتكلمت معايا حسيت ان رحاب ملهاش ذنب بعيدا يعني عن تصرفاتها اللي حكيتولي عنها بس الغلطه غلطتي من الاول انا اللي سيبتلها الباب مفتوح و هي بس استغلت الفرصه و كان ممكن حد غير رحاب علي فكره يعمل زيها الفكره هنا ان رحاب تعتبر من العيله انا لو حد اتعامل مع نسمه كده هاكله بس رضوي طيبه و موقفها مش حلو وزي ما قولت دي غلطتي كل اللي عليا اني هصلحها وبس هي بقي اكيد هتنسحب بهدوء من غير شوشره او قلق و بس نفضل زي ما احنا..

ليله….نوني انا بحبك و بجد فخوره بيكي

ايمي…. بابتسامه البت دي عقلت اوي صح

سلمي….بضحك اه والله تجنن

ايه….ماشي يا ست نوني اللي تشوفيه بس لو عرفت و فضلت مصممه مش هسكت

نعيمه…..بضحك ياستي لو حصل هنبقي نصور الڤديو اللي مجننك

سمعت ليله صوت عشري بيفتح الباب

ليله….بنات عشري خلص هروح بقي افطروا و ابقب ارجع اكلمكم لو لسه فاتحين اوك

ايمي….روحي يلا سلمي عليه

ليله…الله يسلمك يا قلبي باي يا بنات نوني هبقي اكلمك

نعيمه…اوك يا قلبي سلام

خرج عشري و قرب منها قفلت ليله و بصتلوا براحه عشان رقبتها

ليله….يلا يا حبيبي عشان تفطر

عشري….ليله انتي شكلك تعبان اوي

ليله….رقبتي مأريفاني خالص

عشري…طب انتي مش هينفع تروحي الشغل كده

ليله….انا فعلا مش هروح كلمت ريهام و قولتلها مش هقدر اسوق او اتحرك

عشري….طيب نروح المستشفي او اشوف دكتور كويس

ليله….لا لا انا هخلص و هاخد شاور دافي و هحط كريم و ان شاء الله هبقي كويسه

عشري…..طيب انا هفضل تحت شويه هروح المافيه الجديد علي سته كده يعني اي حاجه كلميني هبقي عندك

ليله….ماشي يا روحي ممكن بقي تاخد معايا الاطباق دي

عشري….لا تعالي كده روحي اقعدي وانا هحط كل حاجه

ليله….اوك

قعدت ليله و هو حط الاطباق و قعدوا فطروا مع بعض و شويه خلصوا شال هو كل حاجه وظبط المطبخ مرضيش يخليها تعمل حاجه.

عشري….حبيبي انا هلصت خلاص هنزل بقي اشوف الشباب واعدي كده علي فضل و هكلمك