لقاء كـ،ــ،ـارثي

نعيمه …العفو يا قلبي بصت لنادين وابتسمت بتعملوا ايه بقي

نادين…..زي ما انتي شايفه بنشتغل

نعيمه…..مطلعه عينك يا نغم طبعا صح

نغم….بضحك لا والله نودي جميله و الشغل حلو و مش متعب

نادين ….الهانم ايه اللي منزلها و خلاها تيجي بقي

نعيمه…اممممم اقول الصراحه ولا اكدب

نادين….بضحك دي بتسألني اكدبي يا نعيمه عشان حاسه ان وراكي مصيبه

نعيمه…لا والله مفيش مصايب و امري لله هقول الصراحه

نادين….قولي يا ستي

نعيمه..امممم يعني هو بصراااحه

نادين….بضحك ايووووه استر يارب

نعيمه…خليني اكمل بقي

نادين…كملي

نعيمه….هو يعني بيقولوا الاعتراف بالحق فضيله و اني اعترف بغلطي ده ميقللش مني ولا ايه

نادين….بضحك طبعاً اعترفي خير

نعيمه….هو انا يعني بصراحه زهقانه و مفيش حاجه اعملها و اكيد يعني مش هفضل قاعده كده في البيت فا قولت يعني اجي اسالك الاقي شغل عند القمر و اقدر ارجع شغلي ولا لا

ابتسمت نادين ورفعت حاجبها وحطت ايدها في وسطها

اما نغم فا اتاخدت خافت رجوع نعيمه يبعدها عن الشغل

نادين…..امممم قولتيلي بقي

نعيمه….بضحك بت بلاش البصه دي احترمي نفسك

نادين….بضحك لا انا برااااحتي انتي سيبتي الشغل بمزاجك ارجعي هنا بمزاجي و من غير طولة لسان وافكر اصلا نرجعي او مترجعيش

نعيمه….بضحك انا مؤدبه وساكته قولي حاجه يا نغم

نغم….. بابتسامه اااا انتوا حرين مع بعض انا مليش دعوه

نعيمه….بضحك احيه نغم خابفه اخد الشغل منها

نغم….بضحك لا مش كده والله بس هو لو رجعتي انا ممكن امشي

نعيمه….بضحك لا طبعاً انا هبقي مساعده ليكم انتوا الاتنين يا ستي بس اتوسطيلي عند اللي مبترحمش دي

نغم….بضحك خلاص يا نودي معلش قلبك ابيض

نادين….بضحك انتي اطمنتي فا وقفتي في صفها ولا امشيكم انتوا الاتنين

نغم….بضحك لا لا خلاص بس يعني سماح المرادي

نادين…اممممم والله يا نغم ادوني فرصه افكر لاني مش طيقاها ولا ضمناها

نعيمه….طب جربيني هبقي مؤدبه

نادين….موافقه بس بشرط

نعيمه….بضحك ضربتها هي كلها بقت تحطلي شروط اتلمي في ليلتك الزرقه كفايه شيخ العرب

ضحكت نادين و حضنتها

نادين…..لا خلاص صعبتي عليا دي شايله و معبيه

نعيمه….بضحك علي اخري سكلي هرجعلكم نعيمه القديمه

نادين…لا خلاص خليكي عموما ياستي موافقه بس لو اتكررت احممي علي نفسك