لقاء كـ،ــ،ـارثي
ليله….مقولتليش ليه ان فضل راح لنوني
عشري….. بابتسامه هو قال محدش يقول كان عايز يشوف رد فعلها و كده احسن خليهم براحتهم هي نوني مقالتلكيش حصل ايه
ليله….قالتلب بس مش هقولك روح اعرف من فضل
عشري….بضحك بترديهالي يا بلطجيه ماشي يا ستي المهم خلي بالك من نفسك و كلميني لو في حاجه وارتاحي
ليله….حاضر يا عمري
قرب منها باس راسها
عشري….يلا باي بقولك ايه صحيح لو سمعتي صوت بره متقلقيش في حد جاي ينضف السلم و محمود انهارده هيجيب جزء من العفش بتاعه
ليله…..طيب يا حبيبي طب واللي هينضف ده محتاج مايه
عشري….لا ومتفتحيش في حنفيه تحت في المدخل بيتعاملوا منها ملكيش دعوه انتي وانا شويه وهبقي اعدي عليكي تاني
ليله….اوك يا روحي
عشري….يلا باي
ليله….سلام.
…………………
استلم حسان اخر جزء من العفش بتاع البيت و بكده البيت كان جاهز و كامل..
و استلم سلامه البيت متشطب كامل من تامر و كان ناقص ينزل يشتري العفش هو وايه
اتصل سلامه علي ايه..
ايه…..الوو
سلامه…ايه يا قلبي ايه الاخبار
ايه….كله تمام
سلامه…بقولك ايه انا هعدي عليكي بعد ساعه كده عشان ننزل مع بعض
ايه…نروح فين ؟
سلامه…..هنشوف الفرش بقي ونخلص انا معايا ورقه بكل المقاسات خلينا نكمل الباقي
ايه….انا عايزه اعرف انت مستعجل ليه كده مش تستني شويه يمكن المعاد يرجع تاني بدل تسعه ده
سلامه…الله يخربيت ام الساعه تسعه اللي عملتلك روشه في دماغك يا بنتي خلينا نخلص من ام الشقه و نبقي نشوف حوار القفل ده بعدين
ايه….بغيظ وتلكيك طب انا عندي شغل محجوز اسبوع مش فاضيه
سلامه….ورب الكعبه هاجي اجيبك من قفاكي يا بومه بتتتتت خلصيني انا عايز اتجوز حسان استلم اخر جزء من العفش الصبح يعني الراجل مستني نخلص و لو علي القاعه و القفل وليكي عليا هنفضل واقفين تحت البيت لحد الساعه واحده او للفجر وبعدين نطلع
ايه….بضحك مش عارفه ليه حاسه اني هبقي نحس و بومه فعلا والاسانسير هيبقي عطلان
سلامه….بضحك لا وحياة امك الا دي ده الدور العاشر يعني علي ما اطلع هكون خلاصت
ايه…..بضحك و هتشيلني
سلامه…..كمان و ترجعي تقولي سلامه مطلعش راجل صح
ايه….فطست من الضحك عيب عليك انا ستر وغطاء
سلامه….بضحك انتي ده انتي اللي متغطي بيكي عريان بتتتت خلصي الغي الشغل انهارده
