لقاء كـ،ــ،ـارثي
نادين….بابتسامه و كفايه اعترافه يا نعيمه من موضوع رحاب يعني كلمته ليكي دي لوحدها كفيله تاكدتلك انه متمسك بيكي
ايمي….صراحه الجمله دي شيخ العرب بتاعك ياخد فيها عشره من عشره و قلبي راضي عنه خلاص سامحته
ضحكوا كلهم علي ايمي
ليله….نهدأ كده بقي و نعقل و براحه علي الواد اللي حيلتنا عايزين نفرح بيكم و تيجي جنبي بقي هنا
نعيمه…. بابتسامه حاضر والله هعمل كده المهم يعني انا مبسوطه اوي
ايمي….ربنا يفرح قلبك و يفرحني بيكم كلكم في بيوتكم يا حبايب قلبي
ليله…اللهم امين
نعيمه….طيب قولولي يعني ابقي اتصل او ابعت مسدج اطمن عليه او لو نازله اقولوا ولا ايه
ايمي….بضحك امسكي العقل مش هو يابت صاحب الفكره و عايز يرجع مراهق يتحمل بقي هو اللي يسأل ولو نزلتي وقالك مقولتيش ليه قوليله ليه خطيبي جوزي
ضحكوا كلهم
ليله….بضحك احيه علي المغامرات اللي هنشوفها مع الجوز دول والله متحمسه بت يا نوني اعملي زي ما ايمي بتقولك خليه يسحبلك زماره و يقولك انتي صدقتي يا روح امك و يكتب عليكي و نخلص بقي
نعيمه….بضحك ماشي هو اللي اختار
ايه…..و بالمناسبه دي بقي احنا لازم نتجمع عشان نصور مع نوني ڤديو كده علي اغنيه الصلح خير و الحربايه اللي اسمها رحاب تشوف الڤديو وتفهم انكم اتصالحتوا
نعيمه…..بابتسامه لا بلاش
ايه….هو ايه اللي بلاش دي اللحظه المنتظره نعمل منشن محترم لفضل عشان تشوفوا و تبعد عن الراجل
ايمي…هي اكيد هتعرف من اختها
نعيمه….بهدوء بصوا انا مش عايزه ادخل السكه يمكن لو حصل ده بشكل تاني قبل كده كان ممكن بس الوقت لا اولا عشان خاطر فضل و عشان خاطر جوجو بصاحه الست دي اللي عملتوا معايا كبير اوي و كمان عشان رضوي البت دي غلبانه وطيبه و بعدين جوجو مش حابه ان يحصل مشكله لان في النهايه دي اختها و جوجو علاقتها كويسه برضوي و رحاب يعني مش حابه يحصل مشكله بسببي وانا اصلا اللي كنت غلطانه فيها من البدايه باختصار يعني زي ما قالت ايمي هي اكيد هتعرف من اختها و هتبعد مش عايزه لما ادخل البيت يبقي داخله بمشاكل او رضوي تاخد مني جنب
سلمي…. بابتسامه هو حد ملاحظ ان نوني متغيره بجد ولا انا بس
نادين….بضحك جدا بقت كيوت
ليله….هي طول عمرها كيوت يا جزم بس كانت بتدلع علينا
ايمي….يا اختي يكملك بعقلك
