لقاء كـ،ــ،ـارثي

ليله…..بابتسامه مين علمهالك بقي انا امي واحده جارتنا هي اللي علمتها

امينه….بابتسامه لاه انا امي و ابويا اللي عرفتها منهم و ابويا اللي علم امي زمان جدي كان بيعمل للناس حجامه تسمعي عنيها

ليله….اه طبعا اعرفها

امينه….كان بيعالج بيها و كان معروف في البلد كلها ان الحاج سعيد شاطر في الحاجمه و كانت شغله وابويا اتعلم منه و بقي يعمل حجامه و كاسات هواء و لما اتجوز امي امي اتعلمت منه بقت هي تعمل لستات البلد و ابويا لرجالتها و انا كنت بشوف امي و هي اللي علمتني لانها اما كانت تعمل للنسوان كانت تفضل موطيه و رقبتها تزجعها ومتلاقيش حد يعملها فا علمتني وبس اللي ديما كنت اعملوا علي ديما كانت رقبته و فقراته تعبانين

ليله….وبتعرفي تعملي حجامه يا امون؟

امينه….طبعا تقدري تقولي انها وراثه اباً عن جد زمان اللي كان يتعب لا كان في حكيم ولا كل ده كان بيدور علي اي وصفه او طريقه و خدي بالك الحجامه دي مريحه جدا

ليله….بس صعبه اوي يا امونه

امينه…ولا صعبه ولا حاجه لو اتعلمتيها هتلاقيها سهله

ليله….ايوه بس موس و دم

امينه…ولا بتحسي تشريط خفيف ولازم يدك تكون خفيفه لو رايده تتعلمي اعلمك

ليله…. بابتسامه لا هعملها لمين و بعدين اخاف بصراحه

امينه….جمدي قلبك امال عشان لو ربنا افتكرني تبقي ورثتيها مني

ليله….بعد الشر عليكي متقوليش كده ربنا يديكي الصحه يا احلي امونه

امينه….اللي فيكي ده عين

ليله….بضحك عين ايه بس يا امونه انا نايمه كويسه

امينه…اسمعي مني عين و بصراحه انا كنت رايده اتكام معاكي في الحكايه دي شوفي يا بتي ربنا يعلم معزتك و غلاوتك في قلبي انتي و البنات كلهم بس الله يرضي عنك لما تبقي عندي و تلاقي الكل متجمع متحكيش اي حاجه ولو مين سالك علي اي حاجه تخصك انتي وجوزك بلاش تبقي كيف القطر تردي و داري علي حياتك انتي وجوزك انا قولت الملام ده لمحمد قولتلوا بلاش تهزر تضحط تدلع العين وحشه يابتي انا عارفه ان ولادي كلهم بيدلعوا حريمهم بس معلش داري و هما يداروا و كمان حريم ولاد عمته بيبقوا موجودين بلاش يابتي محدش يعرف حياة التاني جوه بيته شكلها ايه يعني ممكن واحده في البنات جوزها مش زي جوزك هي مش زيك وانتي الله اكبر عليكي حتي لو مبتنطقيش ليكي طله

ليله….بحب امونه انا بحبك اوي