لقاء كـ،ــ،ـارثي
ابتسم فضل و باس ايدها
فضل….ويخليكي لينا يا ست الكل اظن الوقت اطمنتي اروح انام بقي
نجود….بسعاده روح بس قبل ما تروح في كلمتين تاني محشورين في زوري
فضل….خير اللهم اجعله خير
نجود…رحاب
فضل….تاااااني
نجود…اه تاني و يكون في علمك بقي انا اتكلمت مع رضوي عشان تكلم اختها و عرفت انها راحتلها واتكلمت معاها
فضل…طب ليه يا امي عملتي كده ليه بتكبري الموضوع رحاب مين دي اللي في بالي ليه بتصغريني قدامها البت عملت معايا كل خير مينفعش نردها كده
نجود…اولا انا مقولتش حاجه غلط لا جرحت رضوي ولا طلبت منها تجرح رحاب قولتلها تتكلم بهدوء و من الاخر بقي ده الصح نقطع عرق و نسيح دم
فضل….افهميني يا امي انا مفيش في حياتي غير نعيمه و لو خايفه من كلامي او خروجي مع رحاب اللي حصل ده متخافيش ابنك مش عيل انا راجل يا امي قلبي ده مفيهوش غير نعيمه يعني ارتاحي و اطمني انا بس مش عايز البت تزعل
نجود…لا هتزعل ولا حاجه ارجع انت بس يا اخويا لنعيمه و انا هبقي اراضي رحاب حلو كده
فضل….بضحك انا شايف انك تنضمي لحزب نعيمه و ليله وايمي و الشله كلها دماغك راكبه علي دماغك تنفعوا عصابه محترمه
نجود….بضحك زي ريا وسكينه كده
فضل….بضحك اه بس علي اكبر بقي وسعوا الشبكه الله يهديكي يا نجووود يلا انا رايح انام
نجود…..نوم الهنا
فضل….بصلها وضحك وهز راسه والله العظيم انتوا الحريم ما ليكم مالكه تقلبوا و ترضوا في لحظه الوقت بقي نوم الهنا تصبحي علي خير يا ست الناس
نجود…بضحك وانت من اهل الخير يا قلب امك من جوه
ضحك فضل وهز راسه شمال ويمين وراح علي اوضته.
………….
في الصباح البنات صحيوا واول واحده صحيت فيهم كانت ليله كانت تعبانه و مأريفه جداً عندها مغص خفيف و رقابتها واقفه مش قادره تحركها خالص
ليله….عشري عشري
عشري…امممم
ليله….يلا يا حبيبي الساعه 12 عشان تروح شغلك
عشري….طيب هصحي الوقت
ليله…..طيب يلا قوم اخلص هروح اجهز الفطار و انت اصحي يلا خلينا ننزل
عشري….حاااااااضر
ليله….انت بتزعق
عشري…..و هو نايم و مغمض عينه لا مقدرش يا قلبي
ليله…. بابتسامه طيب يلا قوم بلاش شغل عيال صغيره
فتح عينه و رفع حاجبه و شدها ليه
ليله…..بالم ااااااااااه
عشري….ايه في ايه
قامت ليله و مسكت رقبتها بوجع
