لقاء كـ،ــ،ـارثي
فضل شاف ضعفك في الوقت ده ضعف صادق بمعني انه عارف ان ضعفك و خوفك و توترك نابعين من جواكي لانك عارفه انك غلطتي في حقه وهو حس ده منك و لما جصل التكسير و اتجرحتي و اتحرقتي هو مقدرش يشوفك في الحاله دي و قرر انه يطمنك وبسرعه حضنه ليكي في التوقيت ده كان عايز يوصلك انه جنبك بيحبك قرر انه يشيلك من الضعف اللي كنتي فيه و يزرع جواكي قوه بحضنه..
تاني حاجه فضل عمل حاجه كويسه اوي بعد كل اللغبطه اللي حصلت اةل ماشوفتيه قرر يفتح معاكي نقاش خفيف و لطيف يسأل عنك عن احوالك عن الوقت اللي قضتيه هناك في حرب حط روح من الفكاهه في كلامه عن عدم معرفتك بالمطبخ
وانه مش مصدق انك بقيتي ست بيت شاطره من الاخر قرر انه يشتت تفكيرك عن السبب الحقيقي لوجوده عشان يعرف يطلع منك الكلام
وده يثبت انه شخص ذكي و عرف يحتوي الموقف نيجي بقي للسبب الرئيسي و المواجهه اللي انتوا الاتنين كنتوا مستنينها بعيداً عن كلامك و كلامه و بعيداً عن عدم اقتناعه بكل اسبابك الشرط اللي حطه فضل ليكي..
دي اكبر خدمه خدمهالك و الحقيقه انا بحييه علي اختياره للشرط ده
اولاً شرط فضل هيفيدك يا نعيمه بمعني عارفه لما تفضلي تشخبطي في صفحه و تمليها شخبطه بافكار و حجات حابه توصليها بس تبصي علي شكل الصفحه تحسي بدوشه و متعجبكيش و بعدين تقرري تقطعيها
وتجيبي صفحه بيه جديده و تبدأي تكتبي فيها علي نضيف اهو ده اللي فضل عملوا جايز جزء كبير من شرطه نوع من انواع رد الكرامه قدامك و قدام كل اللي عرف انه هيدي فرصه بس بشرطه هو
و جاي. كمان زي ما بتقولي حب يشوف رد فعلك و يمكن كان مستني الرفض منك لانه عارف انك شخصيه متقبلش شروط في العلاقه و ممكن تعتبريها اهانه انه حاطت شرط لرجوعه ليكي و كان مستني الرفض ده عشان يقولك ادام بترفضي يبقي حقي ارفض اسبابك و احافظ علي كرامتي كا راجل بس هنا فضل اتصدم من موافقتك ليه و براڤو عليكي انك وافقتي لان موافقتك فيها نوع من الاعتراف بالغلط و تحمل النتايج انتي غلطتي و واجب انك تتحملي اي نتيجه او شرط يتحط عليكي ..
صدمته هنا بقي خلته سكت مش هيقدر يتكلم تاني في كرامته او الموقف اللي حصل منك لا انتي وافقتي فا قطعتي اي كلام يخص الموضوع ده…
و خدي بالك فضل كان عايز رفضك مش موافقتك لان الشرط ده يزعجه هو مش انتي و الدليل مكالمته ليكي انهارده هو مش مقتنع بالشرط اصلا ولا كان حاسب حساب انك هتتعاملي معاه علي انكم لسه بتتعرفوا او في بدايه علاقه و فكره انه مش من حقه يسال انتي فين راحه فين بتعملي ايه مضيقاه لانه بيحبك و شايف ان ده حقه عليكي بس التزامه بالشرط اللي هو حطه يلزمه بعدم السؤال لانه لو رجع في كلامه قدامك يبقي تصريح منه قوي انه عايز يرجع العلاقه زي ما كانت و هو لسه كرامته وجعاه و مش عايز يظهر ضعفه قدامك..
