لقاء كـ،ــ،ـارثي

ليله….اه صحيت لاقيتها واقفه خالص مش قادره احركها و الصبح جاتلي البريود فا وجع من كل ناحيه انا اتصلت علي ريهام قولتلها مش هاجب المطعم

سلمي….طيب ريحي يا قلبي و هاتي كريم باسط عضلات و خدي شاور دافي كده عشان تفك

ليله….هعمل كده بس اجهز الفطار عشان عشري ينزل

ايمي…..بضحك هو عشري نام فوقيكي ولا ايه

ضحكوا كلهم

ليله….بابتسامه اتلمي يا سافله عالصبح مش وقتك

ايمي…بضحك بطمن عليكي بس يا قلبي شكل الاتجاهات والزوايا عشري اتلغبط فيها اهو ده عيب النور المطفي

ضحكوا كلهم عليها

ليله….بضحكانا مش هرد عليكي عشان تعبانه افوق بس وهروقك

نادين…طيب تعالي اسمعي يلا فضل راح لنوني امبارح

ليله….بصت لنادين بصدمه وابتسمت احلفي بت جالك بجد؟

نعيمه….بذمتك مكنتيش تعرفي زي العيال دي؟

نعيمه….ورحمه امي ما اعرف

نعيمه…عشري مقالكيش هما كانوا مع بعض امبارح

ليله….والله ما قال معرفش غير منك الوقت المهم قولي حصل ايه..

حكيتلهم نعيمه اللي حصل كله بالتفصيل كانوا عمالين يسمعوها زي الهبل و مبتسمين

نعيمه…بس و محصلش حاجه تاني

سلمي…الحمد لله اخيرا المهم محصلش مشاكل

ايه…لحظه بس يعني انتوا كده هتبداوا تتعرفو ايه الهبل ده

ايمي….يابت مش يتعرفوا يعني يبداوا من جديد يحطوا فرص مساحات كده يعني و بصراحه مع اني مشيقاه ولسه مخصماه من اخر مره بس هو جدع و بصراحه متوقعتش رد فعله انا شايفه ان الحل ده انسب حل

نعيمه….يعني انا مغلطتش لما وافقت صح

ايمي….لا طبعا مغلطتيش بصي الحل اللي قالوا فضل ده لازم تعرفي انه حل يضحك بيه علي نفسه عشان يرضي الراجل اللي جواه فضل لو مش بيحبك يا نعيمه مكانش وافق اصلا كلنا كنا عارفين انه مش هيقتنع و هتاخدوا وقت وهو بنفسه قالها صريحه لازم اقتنع و بما انه مقتنعش ومع ذلك قال الحل ده يبقي بيحبك يا بنت الهبله

ليله….نوني خلينا نتكلم بصراحه فضل كان شايط و كان تعبان و بيكابر بس انه شوفته و عشري كمان قالي ان فضل مش بخير و اي راجل في الدنيا مش هيقفل علي نفسه الطريقه اللي اتساب بيها يعني فكك من موضوع السفر انا بتكلم في الطريقه نفسها مفيش راجل يقبلها الا لو بيحب بجد و فضل بيحبك يعني متاخديش الموضوع كرامه جايز اوي يكون حب يشوف رد فعلك هتوافقي ترفضي ماهو رفضك معناه انك خدتي الموضوع علي كرامتك وهنا وقتها هيقولك يبقي انا لما انمسك بكرامتي محدش يلومني وفعلا محدش هيلومه لكن انتي كده خلتيه حس ان في تنازلات بتحصل و بعدين قولتي بعتلك مسدج و رجع كلمك قالك انه وصل يعني الدنيا حلوه اهي