لقاء كـ،ـ،ـارثي
رشيد….والله بتكلم جد
عشري…..الله اكبر يا الللللللله عالخبر انا قولتلك شد حيلك بس مش اوي كده
ضحكوا كلهم
رشيد….بضحك بااااااس انت علي الاسبيكر يا مصيبه
ايمي…خير يا اسي عشري مش عاجبك ولا ايه
عشري….بضحك والله يا ايمي انا من الفرحه مش مصدق الله يقومك بالسلامه و ما تشوفي شر ابداً انتي و البشاوات الصغنين
ايمي…..يا قلب اختك انت عقبالك يا بلطجي لما تجيب سته من اول مره
عيزاك تغلب رشيد
رشيد……بضحك مش هيقدر
عشري….بضحك انا غلبان علي قدي يا ايمي
ايمي…..بضحك لا شد حيلك كده
عشري…..يا فرحه قلبي بيكم والله يا ايمي الف مبروك يا غاليه و مبروك يا صاحبي الله يقومها بالسلامه و يرزقك بشوفت عيالك سالمين يارب يا حبيب اخوك
رشيد…..حبيبي يا عشري متحرمش منك يارب علي فكره انت اول واحد يعرف بعد ليله وشها كان حلو علينا
عشري….بابتسامه طبعاً وشها حلو علي الكل
ابتسمت ليله بهدوء.
رشيد…..انت فين كده
عشري…راجع علي زايد
ايمي….عملت ايه في حجز الفرح يا بلطجي
عشري…..يعني خلاص كله تمام بس بكره هروح تاني عشان نكمل باقي التجهيزات واتفق معاهم علي كل حاجه
ايمي…..ان شاء الله خير
رشيد….خد يا عشري ليله معاك اهي
عشري….هات
قفلت ليله الاسبيكر و ردت عليه
ليله…..ايه يا حبيبي
عشري…..ايه يا قلبي مش قولنا تخلي بالك من موبايلك
ليله….نسيت افتح الصوت والله من الفرحه و الخبر مكنتش علي بعضي
عشري….بأبتسامه مبروك يا قلبي عقبالك
ليله….الله يبارك فيك يا روحي انا وصلت خلاص لما اطلع بقي واظبط نفسي كده ابقي اكلمك
عشري…..تمام انا راجع
ليله….مال صوتك
عشري….مفيش يا قلبي بعدين بقولك
ليله….في حاجه طيب
عشري….لا لا بس سليمان و محمود شدوا مع بعض شويه و مش عارف في ايه فا هروح علي هناك افهم
ليله…..طيب خير يا حبيبي علي مهلك بس
عشري…..تمام يلا أطلعي علي طول
ليله….حاضر يلا باي
عشري…..باي يا حبيبي.
قفلت ليله و مدت لرشيد ايدها بالموبايل.
ليله……يلا انا هطلع بقي متروحش تجيب الشنط يا رشيد روحها علي طول عشان ترتاح و انا بكره هجيبهم واجيلكم
رشيد…..تمام بس لو هتروحي مخصوص خليكي انا هبقي اجيبهم بكره بليل وانا راجع
ليله….انا كده كده بكره عندي كميه مشاوير كتير فا هاجي اشوفها الصبح و اطمن عليها فا هروح اجيب شنطكم بالمره و لو عرفت اجيلها بليل هاجي
