لقاء كـ،ـ،ـارثي
محمود…..هو انا لما اروح اشتغل واعيش في مكان بحبه ابقي اتخبلت في عقلي
امينه…..لما يبجي ملكش اكل عيش في مكانك و تروح تدور عليه في خته تانيه لاه بس لما يكون ليك مال و شغل و بيت وعيله يبجي اتخبلت يا محمود انت متعارك مع ابوك او اخواتك
محمود….لا يا اميه قراري انا حابب اعمل كده
امينه…..منتاش حر في اي حاجه
محمود….بس انا مش عيل صغير
امينه…..والله لو اتچوزت وبجي عندك اورطة عيال منتاش حر مخلفتش اني و اتعلت وربيت عشان عيالي يهملوني ويبجي كل واحد فيهم في ناحيه فيك ايه ؟ ايه اللي چرالك من أمبارح وانت حالك مش عاچبني و لما سألتك طول اليوم كنت بتجول مصدع و تبعان سيبتك براحتك قولت يمكن تعبان من الشغل بس صحيت انهارده علي نفس الحال و دلوك چاي تجولي انا ههمل الدار و المكان و مسافر في ايه لكل ده ناسي ان اخوك كلها ايام و يتچوز هتهمل محمد لحاله
محمود…..لا يا امي مين قال اني ههملوا انا برجع علي الفرح
امينه….وفين وجفتك مع اخوك قبل فرحوا هو انت غريب جاي معزوم ده اصحابه محدش فيهم بيهملوا و انت عارف غلاوتك عنده زين
محمود…..محمد لو طلب عيني بديهالوا وانتي عارفه زين و اي طلب بيطلبوا بيبقي امر علي رقبتي
امينه…. امال في ايه كيف هتسيبوا في وجت زي ده انت متعارك مع خطيبتك
محمود….انا مش متعارك مع اي حد و ارتاحي يا امي انا بقيت لوحدي لا عندي خطيبه ولا واحده متعلقه في رقبتي
ضربت امينه علي صدرها بصدمه
امينه…..انت سيبت خطيبتك يا محمود
محمود….اه يا امي سيبتها و بس هسافر هعرف ابويا عشان يروح لابوها و ينهي كل حاجه
امينه…..يعني ايه ؟ يعني حتي مكلفتش خاطرك تقعد مع الراچل اللي مديت يدك في يده و سيبت بنته إكده من غير ما تعرفوا طيب واحنا كيف متجولناش
محمود….اديني بقولك اهو يا امي
امينه…..طب والراچل اللي فتحلك بيته و امنك علي بته كني مش عرفاك يا محموده لو الدنيا كلها عملت الحركه دي مصدجهاش فيك انت ده اخواتك الصغرين ميعملوهاش مخلفه راجل انا ولا عيل صغير عملت ايه البت عشان تعمل فيها اكده ايه السبب اللي يخليك تسيبها من غير ما تعرف راجلها
محمود….معملتش بس اني مش رايد اكمل لا معاها ولا في الشغل ولا في القاهره ولا في الدار ولا في اي مكان انا رايد اكون لحالي مخنوق يا امي مخنوق و حاسس ان روحي بتطلع من جسمي
