لقاء كـ،ـ،ـارثي
رشيد…..ايوه بس بيتهيألي هيزعلوا يا ليله و ممكن يفكروا اننا خوفنا منهم ولا انتي ايه رأيك
ليله…..انا قولت يا رشيد ان ده مجرد اقتراح وانتوا ليكم حريه القرار
رشيد….بص لايمي وانتي ايه رايك يا ايمي ؟
ايمي….انا رايي ان في الاخر الكل هيعرف يارشيد انا مش هخبيهم هيتولدوا و هيكبروا و الناس هتشوفهم فا مش عارفه
رشيد….بصي انا فكرت في اللي ليله قالته بصراحه كأنك بتقرأي افكاري يا بلطجيه بس يعني انا لو مقولتش للشباب اخاف يزعلوا مني بصراحه و بيتهيألي ايمي كمان موقفها زي موقفي من ناحيه البنات
ليله…بص انا واثقه ان البنات والشباب هيطيروا من الفرحه بس انا كلامي مكانش عليهم هما بالتحديد انا بتكلم في العموم يا رشيد و اي حد مكاني من البنات كان ممكن يفكر نفس تفكيري انا عارفه بس كل اللي قصدتوا ان ايمي تعدي اول ثلاث شهور مثلاً و بعدها تقول انهم توأم و قبل الولاده بوقت بسيط تقول انهم طلعوا تلاته يعني الخبر لما يتقال بالتدريج احسن ما يتقال مره واحده.
او مثلا تعملوها مفجأه ساعه الولاده و تقولوا انكم كنتوا عاملينها مفجأه مثلا
رشيد…اه و تيجي وهي داخله تولد يحصلها هي حاجه لا انا عندي نقول الوقت احسن
ايمي….بضحك نبقي خبينا كل ده و نيجي في الاخر نتروق
رشيد…..بضحك ماهو الموضوع يخوف فعلاً هي معاها حق طب انتي ايه رأيك انا معاكي في اي حاجه
ايمي…..مش عارفه يا رشيد بصراحه و بعدين يا بت انتي هو انتي اتعلمتي الكدب امته
ليله…..بابتسامه مش كدب يا ايمي الحسد مذكور في القرأن و ياستي لو هتعتبري انها كدبه فا انا معترفه خلاص ان في مواقف الكدب فيها مشروع
رشيد…..بضحك بركاتك يا عشري ليله غيرت مبدأها
ليله….لا يا اخويا انا لسه عند مبدأي بس ده خوف مش اكتر انت وهي تعبتوا كتير و صبرتوا عشان اللحظه دي و اكيد يعني خايفه عليكم و علي ايمي اكتر بس لو حابين تقولوا تمام قولوا بس للقريبين مش اكتر يعني مش لازم كل الخلق تعرف انها حامل في ثلاثه خليها يا عم تقوم بالسلامه الاول و بعدين اللي يعرف يعرف.
رشيد…..ماهو الخلق مين اللي هنقولهم مافيش غير صحابنا و اهلنا
ليله…..حلو بس هنأكد عليهم بلاش لت وعجن و يكتموا علي الخبر لحد ما تقوم بالسلامه بالذات لامك اللي مبيتبلش في بوئها فوله دي
