چاسمين

اتصل ياسر علي بلال وهو مع فريد.
بلال….الووو ايوه يا متر
ياسر….انت فين يا بلال
بلال….في الصاله انا وفريد
ياسر….طيب في معلومات مهمه لما ترجع عايزك تشوفها ضروري
بلال….ماشي قول
ياسر….عايزك تجيبلي كل المعلومات الخاصه باسم عائشه عبد الرحمن محمد العريف
بلال…..ودي مين
ياسر….دي الست اللي كان سعيد الصاوي متجوزها واللي شاكك بنسبة كبيره انها ممكن تكون والده بيري
بلال….والده بيري
فريد….بانتباه فيه ايه عرف مين
بلال….هو جاب اسمها زي ما انت جيبته
فريد….افتح الاسبيكر
ياسر….ايوه يا فريد انت عرفت الاسم
فريد…اه بس مل معلوماتها مقدرتش اوصلها
ياسر….هنوصلها اطمن
فريد…طيب قولي وصلت لاي حاجه غير الاسم
ياسر…..انا وصلت للاسم بتاعها السنه اللي اتجوزت فيها من سعيد الصاوي مكان محل الاقامه بس هبعت لبلال كل المعلومات دي و هو يحاول بقي يجيب المعلومات اللي هقولوا عليها لو قدرنا نوصل للمعلومات دي بنسبة كبيره هنعرف هي فعلا والدة بيري ولا لأ هنعرف كمان القصه اللي قالها سعيد الصاوي لبيري حقيقه ولا كدب
—
و لو حقيقه يبقي سهل نوصل لابو بيري الحقيقي نعرف عايش ولا مېت ونعرف اذا كان اهل والدتها من الصعيد فعلا ولا لأ ليها اهل اب و لا لا
فريد….طيب انت فين يا ياسر يعني بدل ما احنا بنتكلم كده في الموبايل ما تعدي علينا في الصاله تفهمنا القصه كلها
ياسر….ممكن مقدرش اصل سهر جيالي الوقت
فريد…جيالك فين وليه هتقابلها اصلا يا ياسر ما انت عارف اللي فيها
ياسر….اسمع الاول من غير متتعصب اصل انا بصراحه لما عرفت اسم الست اللي سعيد الصاوي كان متجوزها كلمت سهر اسألها اذا كانت سمعت الاسم ده قبل كده ولا لا قولت يعني يمكن اجيلكم بمعلومه كامله
فريد…الله يخربيت عقلك طب ليه قولتلها يا ياسر انت عارف ممكن سهر تغلط قدام بيري انا مش حابب اعرفها اي حاجه الوقت خالص لازم نتأكد من كل المعلومات لازم نتأكد معرفة بيري بمعلومات زي دي هتفيدها ولا هتضرها اصلا
ياسر….متقلقش انا عارف ان سهر مستحيل تقولها هي صحيح متهوره بس فحاجه زي دي هتخاف علي مشاعر بيري و هتخاف انها تتعلق بأمل يمكن يطلع مش صح
فريد….طيب هي هتجيلك ازاي اصلا قدر في حد مراقبها و ده الاكيد
ياسر….وهي  جايه في الطريق كلمتني وقالت انها خرجت مع نفس السواق اللي ساعد بيري لما هربت من البيت و خرجوا من باب خلفي وعربيتها بره راكنه يعني لو حد مراقبها اكيد شايف ان العربيه في مكانها
فريد…طيب اسمعني اول ما سهر توصل هاتها وتعالي و اتأكد كويس ان مفيش مخلوق كان ماشي وراها قبل ما تشوفها انت
ياسر…اطمن انا اكيد عامل حسابي لحاجه زي دي المهم اجيلكم عالصاله
فريد….اه اول ما توصل عرفني وادخل من الباب اللي وراء بلال هيكون واقف وهيفتحلكم وهنطلع فوق عالمكتب
ياسر….خلاص مش هتأخر عليك
فريد….مستنيك سلام
ياسر…..سلام
…………….
في مكتب رأفت الباشا
رأفت…..احنا كده خلصنا كل النقاط المهمه اللي هنتكلم فيها بخصوص المشروع بتاع شركة الانتاج
مهيب…طيب تمام احنا كده علي معادنا يوم 14 اتنين
رافت….ده لو محصلش اي تأجيل تاني
مهيب….تأجيل تاني ايه بقي لا ميتهيأليش ده كده المعاد الاخير
رأفت….تعرف خالد بالمعاد مش عايزين اي لغبطه لازم يكون جاهز
مهيب…اكيد هو جاهز متقلقش صحيح هو ايه اللي غير راي امجد انا عارف يعني انه مكانش حابب الشغل من الاساس مش غريبه يعني انه يحضر اجتماع زي ده
رافت….بتلمح لأيه يا مهيب هيكون عايز يحضر ليه يعني
مهيب….لا يا باشا انا مقصدش دماغك متروحش لبعيد انا بس مستغرب انه مش بس وافق عالشغل لا ده كمان هيحضر الاجتماع الكبير ده
رأفت….لو علي امجد فا هو مش حابب اصلا بس انا اللي اصريت عليه و اقنعته وهو وافق متنساش انهم لازم يعرفوا و يتأكدوا بنفسهم ان الاطراف المشاركه في مشروع زي ده متفقين مع بعض و كل حاجه بينهم تمام ده هيزود ثقتهم فيهم وفي المشروع وهيدعموا بكل طاقتهم
مهيب….معاك حق و متزعلش مني انا مكنتش قاصد حاجه
رأفت….تمام يا مهيب حصل خير
مهيب….يلا انا همشي انا بقي و علي معادنا بعد بكره
رافت….تمام اتفضل يا مهيب
…………..
في الموقع الخاص بشركة الانتاج
مازن كان سرحان و مش مركز اوي في الشغل قربت منه مريم
مريم….مازن ماااازن
مازن….هاااا في حاجه يا مريم
مريم….اه في مالك كده بقالك ساعه سرحان وساكت حتي. الورق اللي في ايدك انت مش مركز فيه قولي ايه اللي شاغلك
مازن…بص حواليه وبعدين ساب القلم وبص لمريم بقولك ايه يا مريم انتي مش ملاحظه حاجه غريبه
مريم….بضحكة سخريه اغرب من اللي احنا فيه ده
مازن…..انا بتكلم جد علي فكره
مريم….والله وانا بتكلم جد اصل بيتهيألي اللي احنا بنمر بيه الوقت ده مفيش اغرب منه بس عموما قولي تقصد ايه
مازن…..مريم انتي مش واخده بالك ولا ملاحظه اختفاء حمزه
مريم….حمزززه !! اه صحيح هو فين بقاله اكتر من اسبوع مش ظاهر
مازن….مش بس كده خالد مش بيجيب سيرته و كأنه اصلا مش موجود بعد ما كان دراعه اليمين الوقت بيعمل كل حاجه بنفسه مفيش معاه غير رجالته اللي ماشين وراه في كل مكان
مريم….ايوه صح انا ازاي مخدتش بالي تقريبا الاحداث اللي حصلت الفتره اللي فاتت دي  خلتني مركزتش بس تفتكر راح فين ممكن يكون حصل بينهم مشكله و رفده
مازن….ميتهيأليش خالد بعد اللي حصل و معرفته ان بيري هربت مستحيل يبعده عنه بسهوله كده اللي زي خالد مريض و ممكن يتخيل انه لو عمل حاجه زي دي انه يرجع لبيري
مريم….بس بيري عمرها ما هترجع لحمزه
مازن….انا عارف يا مريم انا بتكلم عن تفكير خالد هو ممكن عقله يصورله انه لو رفد حمزه و حمزه راح قال كلمتين حلوين لبيري ممكن ترجعله لانه مقتنع ان بيري لسه بتحب حمزه فا موضوع انه يرفده دي صعبه
مريم….منطقي بردوا طيب ما يمكن بعته مكان او سفره مثلا او بيعمله شغل في اي مكان تاني او مش بعيد يكون باعته يراقب سهر او يراقبنا مثلا
مازن…..مش عارف بس اختفائه غريب اوي و بعدين لو فرضنا انه مخليه يراقب سهر او يراقبنا كان هيظهر في اي وقت حتي لو صدفه قدامنا لكن ده مختفي اختفاء تام و حتي اسمه مش بيجيبه علي لسانه
مريم….يبقي مسافر زي ما قولتلك في شغل
مازن….شغل ايه اللي حمزه هيسافر ليه بقولك خالد بيعتبره دراعه اليمين يعني مش مقنعه
مريم…طيب انت هتوجع دماغك ليه ما تتصل كده بأمجد و أساله يمكن يعرف عنه اي حاجه
مازن…..امجد
مريم…اه جرب كده
مازن…طيب استني طلع مازن موبايله واتصل علي امجد
امجد…..الووو
مازن….ايوه يا امجد اخبارك ايه
امجد….تمام الحمد لله طمني انت اخبارك واخبار مريم
مازن….تمام الحمد لله انا بس متصل اسألك علي حاجه
امجد….خير قول
مازن….متعرفش اي معلومه عن حمزه !
امجد…حمزه لا خالص انت عارف اني مش بتعامل اصلا مع الشخص ده ولا بطيقه بس قولي بتسأل عليه ليه
مازن….حمزه بقاله حوالي اسبوع او يمكن اكتر مش ظاهر ملهوش اي اثر مختفي تماما لا خالد بيجيب سيرته ولا بشوفه معاه
امجد…..تقصد ايه
مازن….مش عارف بس هو موضوع اختفائه بالنسبالي غريب
امجد….يمكن حصل بينهم مشاكل بعد موضوع بيري ده طلعه عليه و مشاه من الشغل
مازن….خالد ميعملش كده هو متخيل انه طول ما هو قدام عينه هيبقي مسيطر عليه ومش هيقدر انه يرجع لبيري تاني.
أمجد…..بس خالد عارف ان بيري اصلا مبقتش تطيقه
مازن….يمكن عارف بس اللي زي خالد ميصدقش بسهوله لانه مريض اصلا و بيفكر غلط طول الوقت
امجد….طيب انت جربت تسأل خالد
مازن…لا
امجد….طب ليه ما تسأله
مازن….اولا لسه مركز في الموضوع الوقت ثانيا زي ما قولتلك خالد مريض هو عارف ان كلنا مبقيناش نطيق حمزه فا سؤالي عنه ممكن يشكك خالد فيا
امجد….هيشك في ايه يعني لما تسأل عن حمزه
مازن…يعني ممكن يقول ان السؤال ده بيري اللي عايزه تعرف اجابته
امجد….حتي لو عادي اسأله خليه يفكر زي ما يفكر المهم تسأله وشوف هيقولك ايه
مازن …ماشي هجرب كده
أمجد….هو انت شاكك في حاجه اصلا
مازن…..وهو انا في حاجه مبقتش اشك فيها يا امجد اكيد طبعا شاكك
امجد….شاكك في ايه
مازن….شاكك ان ممكن يكون خالد عمل فيه حاجه
امجد…انت
—
بتقول ايه مستحيل توصل للدرجه دي يا مازن
مازن….وليه لأ يا امجد انت نسيت ان ابوه و اللي معاه كان ليهم يد في مۏت سالي و كانوا عايزين يموتوا سهر و ضربوا طنط امل بالعربيه يعني قتالين قټله و خالد نسخه طبق الاصل من ابوه يبقي ليه لأ
امجد….طيب هيعمل كده ليه
مازن….اصل انت مشوفتش يا امجد خالد كان عامل ازاي لما عرف ان بيري هربت كان بيعيط ومڼهار عامل زي الطفل او المړيض اللي مش في وعيه نفسيا كان يخوف بجد سكوته الغريب وهدوءه طول الوقت يخلوني اشك فيه كمان مبيحاولش يتكلم معايا او مع مريم عن بيري او يسال عنها ساكت و ده بالنسبالي غريب
امجد….طيب حاول تسأله و تشوف رد فعله يا مازن وعرفني هيقولك ايه
مازن….طيب تمام هسأله و هقولك
امجد….تمام يا مازن يلا سلام
مازن….سلام
بص لمريم بع. ما قفل
مازن….ملمحتيش خالد خالص يا مريم
مريم….كان هنا من شويه شوفوا يمكن جوه بس لما تسأله متسألش مره واحده كده عشان ميشكشك
مازن….يشك ولا ميشكش بقي مبقتش فارقه خليني افهم ايه اللي بيحصل انا هروح اشوفوا
مريم….طيب تمام
دخل مازن جوه المبني و لمح خالد واقف بعيد مع العمال قرب منه بهدوء
خالد….بابتسامه تعالي يا مازن
مازن…..في اي حاجه تاني المرفوض اسجلها
خالد….لا مفيش ايه عايز تمشي ولا ايه
مازن….لا امشي ايه لسه بدري ولسه في شغل انا بس سجلت الملاحظات اللي قولتهالي
خالد….طيب تمام
مازن…..هو فين حمزه صحيح
بصله خالد بسرعه وسكت شويه
خالد….ليه اقصد عايزه في حاجه
مازن….و هعوزه في ايه بس بقالي شويه مش بشوفوا خال قولت يمكن رفدته وفرحت فيه بصراحه
خالد….مبتحبوش انت صح
مازن…. لا بحبه ولا بكره بس هو بني ادم واطي كل الحكايه اني لاحظت انه مختفي فا حبيت اسألك عادي حابب ترد تمام مش حابب عادي
خالد….ااا يعني هو تقدر تقول انه مشي
مازن….مشي راح فين ساب الشغل يعني
خالد…اه هو قدم استقالته
مازن….غريبه مع انه كان طاير بالشغل ده و اتنازل عن حجات كتير عشان يشتغل معاك
خالد….معرفش واحد جه وقالي انه عايز يسيب الشغل هقوله لا ليه يعني براحته هو اللي خسران
مازن….اكيد هو اللي خسران بس تفتكر ليه خد القرار ده
خالد…مش عارف بس يظهر انه شاف شغل تاني احسن
مازن…احسن من الشغل اللي معاك ميتهيأليش
خالد….و الله يمكن و بعدين انا واضح اني مكنتش مصدقكم وكنت فاكر انكم ظالمينه وفعلا البني ادم ده طلع وصولي وبتاع مصلحته ويمكن شاف مصلحته في حته تانيه
مازن….وارد بردوا اتوقع اي حاجه منه يلا خد الشړ وراح
خالد…اه احسن بردوا علي الاقل لما بيري ترجع تعرف اني ضحيت بدراعي اليمين عشان هي بس تبقي مبسوطه
بصله مازن باستغراب حقيقي مريض بعد كل ده لسه عنده امل ان بيري ترجعله
مازن…طيب يا خالد انا هروح ابص علي مريم عشان متفضلش لوحدها
خالد….طيب روح يلا ولو محتاجه اي حاجه تاكلها او تشربها خلي البوفيه يجهزولها اللي هي عيزاه
مازن….ماشي يا خالد يلا بعد اذنك
خالد….اتفضل
مشي مازن وراح بلغ امجد بكل اللي حصل وقفل معاه.
…………….
وصلت سهر للمكان اللي ياسر بعته ليها كان عباره عن شارع طويل واصل بشارع جانبي عاليمين و الشارعين كلهم كانوا عباره عن محلات كتير و مطاعم و كفايهات و بازارات ومحلات ملابس كان زحمه جدا
نزلت سهر من عربيه معاذ بعد ما شكرته كتير طلب يستناها بس هي قالتله يمشي و بعد ما مشي اتصلت علي ياسر و هي عماله تمشي وتبص وراها وتتأكد ان مفيش حد وراها
سهر….ايوه يا ياسر انا وصلت عالمكان انت فين
ياسر….انتي فين بالظبط
سهر….انا قدام بوخاريست
ياسر….جميل كملي الشارع لاخره وادخلي يمين
سهر….ماشي وبعدين
ياسر…امشي بس وخليكي معايا و اتاكدي ان مفيش حد وراكي
سهر….اطمن مكانش في حد ورانا اصلا من وقت ما طلعت من الاستديو
ياسر…معلش بصي بردوا بس من غير ما تلفتي النظر
سهر….تمام
فضلت سهر مكمله و بعدين دخلت يمين
سهر….دخلت يمين انت فين
ياسر….امشي شويه لقدام هيقابلك اول يمين تاني هتلاقي نفسك عالشارع بره
سهر….انت خاطفني ولا ايه
ياسر….لا مټخافيش امي مش داعيه عليا
سهر….لا يا شيخ انت تطول اصلا
ياسر….بضحك والله شكلك نفسك تتخطفي
سهر….بضحك لو عالحصان الابيض انا موافقه
ياسر….اااه ده تلميح رسمي و معاكسه انا لا اقبلها انا لسه صغير عالكلام ده
سهر….بضحك معاكسه ايه انت ما صدقت اخلص انت فين انا خرجت ومش شيفاك
ياسر….بس انا شوفتك يا قمر ياللي لابس اسود انت
سهر….بأبتسامه وهي بتتلفت حواليها ااااه مين فينا اللي بيعاكس بقي اخلص انت فين انا حاسه اني في فيلم اكشن
ياسر….قرب بالعربيه و وقف قدامها اركب يا قمر عشان نبدأ الاكشن اللي علي حق
ضحكت سهر وركبت بسرعه وهي بتسحب ضهرها لتحت عالكرسي
ياسي….بضحك انتي هربانه بجد ولا ايه مالك بتستخبي كده ما تطلعي
سهر…اطلع انت الله يباركلك قبل ما نتقفش
طلع ياسر بالعربيه بسرعه وهو بيضحك عليها
سهر….احنا رايحين فين انا قولت اكيد هنقعد في اي كافيه هنا
ياسر….لا انا قررت اخطفك واوديكي للعصابه بأيدي اصل انا نسيت اقولك اني خاېف وعميل وجاسوس كمان
سهر …يلا وماله خليني اخلص بدل ما كل شويه ټهديد وحوادث وهروب اخلص يا عم خلينا نرتاح من الحياه دي
ياسر….اوباااا انتي بايعه القضيه بقي و مقطعه بطاقتك
سهر….من ناحيه مقطعه بطاقتي فا ده من زمان بس انا تعبت من الحري والفرهده خليني اخلص بقي
ياسر…..لا خلاص متهونيش عليا هديكي فرصه
سهر….بضحك ايه انط من العربيه
ياسر….لا يا مجنونه
سهر….طب قول بجد احنا رايحين فين
ياسر….هنقابل فريد وبلال
سهر…..ليه
ياسر…مفيش كنت بكلم بلال بخصوص الموضوع اللي كلمتك فيه و فريد كان معاه وقالي تعالي عالصاله نتكلم هناك
سهر….نهار اسود ده لو عرف اني قابلتك هيعلقني
ياسر….لا متقلقيش هو علقني انا في الموبايل و روق عليا
سهر….احسن تستاهل ما انت ما صدقت قولتلك هشوفك
ياسر….بضحك لا يا شيخه الوقت انا ما صدقت طب يلا بقي انا هركن واتكلي علي الله ادام بتبعيني في اول الطريق كده
سهر….بضحك لا خلاص مش هبيعك هقوله انا اللي صممت
ياسر…..قوليلي صحيح انتي مالك عامله شكل اللهو الخفي كده ليه لابسه اسود في اسود و حاطه الزنط بتاع السويت شيرت وفوقيه كاب و لابسه نضاره مالك متقمصه دور السڤاح كده ليه
سهر….بغرور رفعت كتفها حبيبيبيييي بعيدا عن جو المطاردات والاكشن ده انا شخصيه مشهوره و مقدرش اظهر عادي كده الناس تتلم عليا
ياسر….يا واد انت يا مشهور لا بس بعيدا عن الغرور كويس انك عملتي كده بدل ما الناس تعرفك و تبقي جرسه و لو حد بيراقبك هيعرف يلاقيكي بسهوله
سهر….لا متقلقش عليا انا بردوا بعرف افكر
ياسر….بعيدا عن الكدب ده بس عاش
سهر….بضحك قصدك اني مش بعرف افكر
ياسر….والله من معرفتي بيكي الفتره البسيطه دي ساعات عقلك بيبقي شغال وساعات بيبقي عطلان عالاخر
سهر…..شكرا يا سيدي عالصراحه دي
ياسر….اي خدمه يا قمر
سهر…..بطل معاكسه من فضلك
ياسر…..انا بجبر بخاطرك قال معاكسه قال
سهر….ليه ان شاء الله مستنيه منك جبر خاطر و لا ھموت واسمع كلام حلو من جنابك
ياسر…..بغمزه ايه المعجبين كتير ولا ايه
سهر…..بغرور مبحبش اتكلم في المواضيع دي عشان الحسد بس متقلقش ملهمش عدد بس النفس
ياسر…..رفع حاجبه ملهمش عدد هااا طيب يا ستي مبروك عليكي
سهر….بضحك الله يبارك فيك يا بيبي
—
عقبالك
ياسر….لا يا اختي طوابير بس النفس
ضحكت سهر بصوت عالي علي طريقته
ياسر…..بابتسامه يخربييييتك اسكتي هتفضحينا
سهر ….سكت خلاص ركز بقي في الطريق بدل ما ندخل في العربيه اللي قدامك
ياسر….هركز ماشي هركز اوي
ابتسمت سهر و كمل ياسر طريقه
وبعد وقت مش طويل وصلوا اخيرا قدام الصاله كلم ياسر فريد و راح بلال بسرعه فتحلهم وطلعوا من درج يطلع علي الدور التاني اللي فيه مكتب فريد.
ابتسمت سهر لفريد اول ما شافته و كأنها عامله عامله
فريد….اضحكي اضحكي هو انا مش قولت نخف مقابلات و لا فرط الحركه اللي عندك انتي وهو متحملتهوش
سهر….بضحك صراحه متحملتش فرط الحركه بس علي فكره بقي ياسر اللي غلطان
ياسر…..پصدمه انااااا
سهر…اه لو انت ملتزم بالاتفاق المفروض مكنتش وافقت اني اقابلك
فريد….هي صح
ياسر….والمصحف ارتكب فيكي چريمه انتي عايزه تلبسيني مع اللي مبيرحمش ده بقولك ايه هي اللي ذنانه و فضلت تذن عشان اقابلها
سهر….ولو يعني ايه تبوظ الاتفاق عشان ذنيت عليك ده اسلوب غير لائق للاكشن اللي بنعيشه ده
بلال….بضحك اهي باعتك في اقرب محطه
ياسر….والله و قبل اول محطه دي باعتني من اول ما شوفتها و عرفت اني جاي عليك قالتلي هتقولك ان انا اللي ملتزمتش بالاتفاق
سهر….محصلش يا فريد اوعي تصدقه
فريد….ااااه مش هنخلص احنا بقي من لعب العيال ده هي ملتزمتش لا هو اللي ملتزمش و اقعدوا حدفوني لبعض
ياسر…..هتصدق صاحبك ولا هتصدق المجنونه دي
فريد….والله لا هصدقك ولا هصدقها
ضحكوا كلهم علي فريد وراحوا قعدوا قدامه
فريد….تشربي ايه يا سهر
ياسر…اشمعني سهر يعني ليه مش ياسر مثلا
سهر….اعوذ بالله حتي في دي باصصلي.
فريد…علي اساس انك ضيف وكده ده انت قارقني
سهر….بضحك بيحبك اوي
ياسر…اطلعي انتي منها بس متدخليش بيني وبين صاحبي
سهر….و هو صاحبك طايقك اصلا
فريد…يا بنتي بس انتي وهو ايه اللي جرالكم قاعد مع عيال صغيره اخلصي تشربي ايه
سهر….قهوه مظبوط
فريد….وانت يا استاذ ياسر
ياسر….ما انت عارف اني بشرب قهوه
فريد…امال اتسحبت من لسانك ايه لما انت عارف انك هتشرب قهوه
سهر …معلش اصله بيحب يحس بالاهتمام
ياسر….شايف جر الشكل
بلال….بضحك و الله دي اللي هتطلع عليك القديم والجديد
ياسر….طب هات القهوه اخلص بدل ما اقوم اطلع انا عليك قديم وجديد
بلال….لا وعلي ايه
راح بلال طلب بالتليفون القهوه من البوفيه و راح قعد قدامهم
فريد…..ايه يا عم ياسر قول اللي عندك
ياسر…طب مش لما القهوه تيجي عشان محدش يقاطعنا
فريد….مش عارف ليه يا ياسر حاسس انك جاي رحله و ناوي علي بيات ما تخلص
ياسر….ھموت علي فنجان قهوه والله
فريد….استعجلنا القهوه يا عم بلال خلينا نخلص من المصيبتين دول
سهر…..قصده مين بالمصېبه التانيه
ياسر….بضحك مش محتاجه ذكاء اكيد انتي
فضلوا قاعدين يضحكوا و يتكلموا لحد ما طلع عامل البوفيه خبط راح بلال بسرعه فتح الباب و خد منه القهوه وقفل وراه.
مسك ياسر القهوه شرب منها
ياسر….يا سلاااااام اۏلع سېجاره بقي و كده ابقي انا تمام
سهر….و انا كمان نسيت سجايري في العربيه
فريد….ما تخلص انت وهي بدل ما اقوم اۏلع فيكم وفي نفسي وفي بلال واخلص
ياسر…..ماشي يا عم المستعجل صلي علي النبي
فريد…اللهم صلي وسلم وبارك علي محمد
بلال…سهر….عليه افضل الصلاه والسلام
طلع ياسر من شنطه يد صغيره ورقه و فتحها قدامهم وبدأ يقولهم كل المعلومات اللي جابها.
ياسر…..مبدأيا كده كنت في المحكمه و قابلت واحد حبيبي يعني شغال هناك في ارشيف المحكمه و قولتله لو في شخص حابب اعرف اذا كان متجوز غير مراته او كان متجوز قبل مراته يعرف يخدمني
طبعا هو قلق في الاول لان اي معلومه بتخرج من تحت ايده لازم يكون بورق رسمي بس عشان هو عارفني كويس قالي ممكن بس من غير ما حد يعرف عشان متاذيش قولتله اكيد المهم طلب مني اسم الزوج و اسم الزوجه او الست اللي شاكك انه ممكن يكون متجوزها قولتله انا معرفش اسمها ولا شاكك في حد معين انا يعمني اعرف بس معلومات عن الراجل نفسه
طبعا اديته اسمه بس ملقاش اي معلومات عنه غير زواجه من الست اللي معاه اللي هي فاتن
قالي طيب لو انت شاكك في موضوع جوازه ده ممكن يكون كان سنة كام بالظبط لان الورق في ارشيف المحاكم بيكون لفتره معينه و بعد كده الورق بيتحول علي مصالح حكوميه تانيه
قولتله بصراحه مش عارف ممكن يكون كان سنة كام بالظبط بس الاكيد انه اكتر من عشرين سنه و ده كان افتراض مني يعني علي حسب كلام سعيد الصاوي و فاتن لبيري هما قالولها انه اتجوز من والدتها بعد ما ولدتها علي طول يعني لو سن بيري الوقت 24 فا جيز يكون متجوزها من اربعه وعشرين سنه او ثلاثه وعشرين
المهم قالي يبقي حلك عندي هبعتك لواحد حبيبي في دار المحفوظات تسأل علي واحد اسمه عبد النبي محمد و تقوله انك جاي من طرف مصطفي السباعي و تقوله طلبك وهو هيخدمك بس ابقي ايه اديله اي حاجه طبعا انا مكدبتش خبر و طلعت علي دار المحفوظات سألت عن الراجل و لاقيته و عرفته اني تبع مصطفي السباعي شو به كلام ملهمش اي لازمه ده حبيبي وصاحبي و الكلام اللي لا بيودي ولا يجيب قالي طلباتك فا فهمته انا محتاج ايه و كرمشتله ورقه بمتين في ايده
فريد….بنظرة استياء حاسس اني قاعد مع تباع مش محامي
ياسر….بضحك الحق عليا اني تعبت نفسي والله المهم طبعا الراجل شاف الفلوس عينه طلعت قلوب قالي اقعد هنا اشرب قهوتك زي الباشا و انا هجيبلك طلبك المهم خد اسم سعيد الصاوي و بدأ يدور في الورق اكتر من نص ساعه لحد ما قالي اهووووووو
قالها بصوت عالي سهر اتخضت
سهر…يا اخي حرام عليك خضتني
بلال….منك لاه قطعت خلفي
فريد….عايزين ايه من واحد ساب مهنته وبقي تباع
ياسر….بضحك طب والله هو عمل كده وقطعلي الخلف المهم طلعلي الورق و قالي عيش انت بقي
فريد…ايوه انا عايز المفيد
ياسر….الاسم عائشه عبد الرحمن محمد العريف مواليد القاهره وتحديدا مواليد 1031981
سهر….يعني فعلا طلع كان متجوز مش بيكدب
ياسر….اه المهم تاريخ الزواج كان 1612001
وقدرت كمان اعرف من الرقم القومي بتاعه مكان محل الاقامه و اللي لفت انتباهي ان الرقم القومي بتاعها هي كمان كان نفس محل الاقامه بتاع سعيد و مقدرتش افهم النقطه دي بصراحه هلي هي غيرت كل بيانتها بعد جوازها من سعيد ولا حصل ايه بالظبط مش عارف المهم مكدبتش خبر طلعت علي العنوان كان في الدقي المهم وصلت علي العنوان و قابلت البواب كرمشتله ورقه حلوه هو كمان و بدات اساله في هنا شقق فاضيه قاللي لا طيب الدور الرابع ده واضح انه مقفول ما تشوفوا كده قالي دي بتاعت استاذ سعيد الصاوي و ده بيت اهله اصلا وبقاله سنين سايب المكان و الشقه دي ملك اصلا مبيجيش هنا خالص الا لو في اي حاجه في العماره يعني اصلاحات صيانه هو بيكلمه و حكالي شويه معلومات ملهاش اي لازمه عنه انه كانت متجوز و بعدين مراته اټوفت و اتجوز تاني و بعدين مقعدش كتير ساب البيت و ميعرفش مكانه هو بس بيتواصل بيه عن طريق الموبايل بس ودي كل الحكايه
بلال….خدتها يعني
—
كعب داير من الصبح
ياسر…انت بتقول فيها انا قولت اخلص بقي مره واحده بس زي ما قولتلك يمكن المعلومات لحد الوقت مش كافيه بس انت هتقدر تكمل ورايا لان زي ما قولتلك الست ملهاش اي معلومات تانيه مقدرتش الاقي معلومات عن جوازها الاول و لا كان في محل اقامه تاني غير بتاع سعيد مش عارف بقي الراجل مدورش كويس ولا بياناتها اصلا محزوفه بقصد
بلال….طيب قولي محتاج ايه وانا اكيد هقدر اوصل لاي خيط
فريد كان سرحان ومكانش معاهم
ياسر….سرحان في ايه يا فريد
فريد….بيتهيألي اهم معلومه لحد الوقت انت جبتها وانا واثق انها اكيده هي ان عائشه دي تبقي فعلا والدة بيري
سهر….طيب ايه اللي اكدلك.
فريد….هقولك هو الموضع محتاج حسبه شويه بس ركزوا معايا في اللي هقوله ده
مسك فريد قلم وقطع ورقه وحطها قدامهم علي الترابيزه وبدأ يكتب فيها حجات وهو بيشرحلهم قربوا منه هما التلاته وبصوا علي الورقه
فريد….ياسر بيقول ان عائشه مواليد 1031981 اتجوزت من سعيد الصاوي في 1012001 يعني بالتقريب كده كان عندها 19 سنه إلا 53 او 54 يوم يعني تمت ال و هي متجوزه سعيد
ياسر….باعجاب من دماغ فريد صح عاش
فريد….الاهم بقي من كل ده عائشه اتجوزت من سعيد في 1612001 وده تاريخ مهم لازم نركز فيه كويس بص لسهر
اليوم اللي قابلت فيه بيري لأول مره و هي بتهرب من خالد قالت انه كان عيد ميلادها و ده كان بتاريخ 101 وبيري تمت 24 سنه يعني بيري مواليد 2001
و ده معناه ان عائشه اتجوزت من سعيد بعد ست ايام من ولادتها لبيري ولدت بيري يوم 10 واتجوزت يوم 16 ي نفس السنه و نفس الشهر اللي هو يناير 2001
سهر….صح براڤو عليك يا فريد بيري مواليد 1012001 فعلا ده كده مامتها يا حرام كانت صغيره اوي
بلال….يعني لو هي عايشه الوقت كان زمانها 43 او 44
فريد…لو كانت عايشه و علي حسابي اتجوزت وهي قربت علي ال فا كان زمانها الوقت 44 سنه
سهر….دي صغيره اوي
فريد…..يبقي كده سعيد مكدبش و فعلا اتجوز من الست دي بس باقي القصه لسه بالنسبالنا مش اكيد يعني والدها ماټ و كانت هربانه من اهلها واللي هما من اصل صعيدي
بلال…..ياسر قال انها مواليد القاهره يعني بيتهيالي الجزء ده كدب
سهر….بس قال كمان ان محل الاقامه بتاعها نفس سعيد فا ممكن تكون غيرته بعد جوازها علي طول عشان محدش يوصلها مثلا
ياسر…..طيب انا في كمان حاجه عايز اقولها
فريد….حاجه ايه
ياسر…بيتهيألي انت حسبت صح و كل اللي قولته حقيقي يثبت انها والدة بيري بس انا معايا اللي يثبت ان الست دي ام بيري اكتر بكتير من مجرد حسابات
سهر….معاك ايه
فريد….ما تقول يا ياسر
ياسر….بابتسامه فخر اصل انا بردوا مش سهل خليت الراجل مشغول و بيرجع باقي الورق اللي قلب بيه الدنيا في مكانه و طلعت الموبايل خدت صوره من القسيمه و صورتها كانت موجوده
طلع ياسر موبايله و فرجهم علي صورتها
بص فريد پصدمه للصوره و صډمته مكانتش تقل عن صډمه سهر
سهر…..دي نسخة طبق الاصل من بيري
بلال…..ايه ده دي شبهها اوي بجد
ياسر….مش بقولكم بيتهيألي مفيش اثبات اقوي من كده
فريد…..فعلا كأنها بيري بالظبط
سهر….طيب انا عندي سؤال
ياسر….سؤال ايه
سهر….ايه السبب اللي يخليها تتجوز بعد ولادتها بست ايام
ياسر….عادي في اسباب كتير
سهر….زي ايه يعني ليه مثلا متجوزوش بعد فتره اكيد كانت لسه والده وتعبانه و اسفه يعني اني هقول كده بس لا حياء في العلم هي في الوقت ده لا تصلح للزواج غير بعد الاربعين
ياسر…..بضحك اموت واعرف دماغك دي معموله من ايه اسلكي بقي
سهر….بضحك الله مش بفكر معاكم بصوت عالي
فريد….سهر معاها حق علي فكره ايه اللي خلاهم يستعجلوا يعني مثلا كانت محتاجه حمايه من اي حد و الجواز هو الحل ولا عشان كان مثلا مقعدها في بيت اهله زي ما قالوا لبيري علي ما افتكر يعني بيري قالت ان سعيد قالها انه قابل والدتها بالصدفه و كانت تعبانه و مش لاقيه مكان فا ساعدها وقعدها في بيت اهله
بلال….انا شاي ان اجابة السؤال ده عند سعيد
ياسر….مش محتاجه ذكاء يا بلال الله يباركلك ما هو اكيد الاجابه عند سعيد بس هنعرف كل ده ازاي ده المهم
بلال…..هو لو احنا هنحط امل علي سعيد فا ده مستحيل طبعا  بس بيتهيألي انا اقدر اوصل لمعلومات عن عائشه يمكن تخلينا نربط كل الاحداث دي ببعض
فريد….المشكله اني جبت اسمها من قبل ما ياسر يقول بس مقدرتش اوصل لأي معلومه خالص زي اللي اتمسح كل معلومتها عند عمد
بلال….لا سيب الموضوع ده عليا انا بيتهيألي انا هقدر اوصل خصوصا بعد المعلومات اللي وصلنا ليها دي
فريد….خلاص يبقي همتك معانا بقي يا بلال كثف شغلك و حاول تلاقي ولو معلومه واحده عنها يمكن توصلنا لاي خيط نمشي وراه
بلال….ما قولتلك سيبها عليا انا دي عيب عليك انت مش واثق فيا ولا ايه و بعدين في حاجه تاهت عنك يا باشا بس تلميذك صاحي متقلقش
فريد…..بأبتسامه حاجه ايه قول
سهر….طيب معلش انا عندي سؤال اسفه لو هقاطعك يا بلال
بلال….لا قولي
سهر….انا عايزه اعرف بس يا فريد انت بتدور علي المعلومات دي عشان تساعد بيري في انها توصل لاهلها او حتي تكتشف الحقيقه و لا انت شاكك في حاجه تانيه و ده اللي انا حساه اكتر
فريد….الاتنين يا سهر يمكن في الاول انا بجد كنت عايز اساعد بيري و اخليها تعر اصلها من فصلها عشان صعب علي اي بني ادم انه فجأه يكتشف ان الناس اللي عاش معاهم عمره كله طلعوا مش اهلوا و الاصعب لما ميبقاش عارف مين اهلوا الحقيقين بس بعد كده بدأت اشك ان في حاجه غلط اولهم لما عرفت اصلا ان بيري بنت سعيد الصاوي و ليها علاقه بمهيب و بعدها رأفت الباشا الدايره دي كلها عليها الف علامة استفهام
بعدها ركزت في كلام بيري قالت ان فاتن لحقت سعيد قبل ما يتكلم منعته يعني. من انه يقول الحقيقه لبيري ودي كانت تاني علامة استفهام ثالثا بقي لما دورت وراء سعيد وقدرت اوصل لاسم عائشه اتفاجئت ان بياناتها مش موجوده و دي بالنسبالي اكبر علامة استفهام يعني مين يقدر يحذف اوراق و معلومات الا اذا مان حد واصل و بيتهيألي لو اهل والدة بيري فعلا صعايده مش هيعملوا كده يعني ايه اللي يخليهم يعملوا كده بالعكس لو عليهم هيحاولوا يلاقوا اي معلومه توصلهم بيها
سهر…..تقصد ان ممكن سعيد الصاوي اللي عمل كده
فريد…..مش عارف بس لو فرضنا ان اهلها صعايده فعلا ممكن بنسبه كبيره يبقي هو لو كان ليه في الوقت ده معارف يقدر يعملها بحجة حمايتها منهم مثلا
بلال….طيب خليني انا اكمل كلام وبيتهيألي انا هرد علي الجزء بتاعك ده يا سهر وبتاعك انت كمان يا فريد لو فرضنا ان اي معلومه عن عائشه اتحذفت عن قصد فا دي اول حاجه تخليني اشك ان الست دي كان وراها لغز كبير لان اللي يقدر يحذف بيانات لشخص اكيد
—
حد واصل ثانيا يا باشا بقي النقطه اللي تاهت عنك جايز اوي تتحذف بيانات عائشه بس بيتهيألي يا صاحبي لو حاولنا نعرف اي معلومه عن والد عائشه اللي بقي معانا اسمه بالكامل وقتها هنعرف مين هما عيلتها نعرف هما من اصل صعيدي فعلا ولا لأ نعرف في منهم حد عايش ولا لأ ليها اخوات مين والدة عائشه اكيد اسمها موجود علي بطاقة والد بيري هنعرف ليها اعمام عمات اخوال خالات هنقدر نوصل لكل تفصيله عنهم
فريد….بابتسامه براڤو عليك يا بلال انت صح انا مفكرتش امشي وراء اسم ابوها خالص
بلال….متقلقش انا فكرت و من هنا بقي هنقدر نعرف حذف البيانات ده كان عن طريق اهلها لو هما ناس واصله ولا عن طريق سعيد بحجة انه يحميها من اهلها و لا من حد تاني خالص اكيد هنعرفه بعدين
ياسر…..صح يا بلال والاهم نعرف اصلا جوزها اللي هو ابو بيري الحقيقي عايش ولا مېت وايه هي الظروف اللي اتجوزته فيها يعني لو كانت بتهرب من اهلها وخاڤت علي بيري فا ده معناه انها مثلا هربت معاه واتجوزته في السر
بلال…..ويمكن متجوزتهوش و لو فرضنا ان اهلها صعايده يبقي خۏفها كان في محله انت عارف ان الموضوع ده عار و عشان يخلصوا منه لازم ېموتوها
سهر….ويمكن يكون عايش و هروب عائشه كان منه هو مش من اهلها
فريد….صح سهر صح و يمكن ده اللي فكرت فيه اصلا
بلال….كل اجابات الاسئله دي ان شاء الله هلاقيها من انهارده مش هركز في اي حاجه غير الموضوع ده
رن موبايل فريد في الوقت ده لمح اسم امجد
فريد….ده امجد
سهر….افتح الاسبيكر كده طيب
فريد….طيب متعملوش صوت انا قايل قدامه مفيش مقابلات خالص الفتره دي
سهر….بضحك ولا هنطق
فريد….طب اسكتي فتح فريد الخط و فتح الاسبيكر الووو
امجد….ايوه يا استاذ فريد
فريد….ازيك يا امجد
امجد…بخير الحمد لله اسف لو ازعجتك بس عندي حاجتين حبيت اقولهم ليك
فريد….قول يا امجد سامعك
امجد…اول حاجه هو حاجه مهمه اكيد عن الاجتماع عرفت انه اتحدد يوم الجمعه 142 يعني بعد بكره
فريد…..اكيد
امجد…ايوه لسه عارف من الباشا من شويه كان بيعرفني
فريد….طيب والخبر التاني
امجد….مش عارف هو مهم او هيفيدك ولا لا بس مازن كلمني من شويه و قالي حاجه عن حمزه غريبه
فريد…..حمزه مين
امجد….اللي بيري كانت مرتبطه بيه
فريد….پغضب بسيط ماله سي زفت
امجد…بابتسامه حاول يخفيها مازن قالي ان هو بقاله اسبوع او اكتر مختفي تماما ملهوش اثر حتي خالد مش بيجيب سيرته و بما انه دراعه اليمين مكانش بيسيبه خالص طبعا قولت لمازن يمكن مكلفه بمراقبته هو ومريم او مراقبة سهر علي اساس يعرف مكان بيري بس قالي مستحيل كلن ممكن يشوفوا ولو صدفه قولتله يمكن مسافر قالي شغله مع خالد وبس و هو بصراحه معاه حق قولتله يمكن رفده قالي بردوا خالد ميعملهاش ېخاف انه يروح لبيري يضحك عليها بكلمتين ويعتذرلها وترجعله فا قولتله اسال خالد وشوف رد فعله
فريد…وبعدين
امجد….قالي انه اتوتر و بصراحه رد انا نفسي استغربته قاله ان حمزه استقال وطلب يسيب الشغل و دي حاجه انا استبعدها تماما عن حمزه لان شغله مع خالد فرصه بيتهيالي مش هيلاقي احسن منها صحيح حمزه طموح و كلب فلوس بس طموحه و امكانياته مش كفايه انه يلاقي حد اهبل غير خالد يشغله معاه يعني خالد كان مشغله لهدف و هو انه يبعده عن بيري و يشتريه بفلوسه لكن حد تاني غير خالد صعب لاني زي ما قولتلك امكانيات حمزه مش قويه لدرجه تأهله انه يشتغل مع حد تقيل و ياخد الفلوس اللي كان خالد بيديهاله
فريد….تقصد ايه انه عمل فيه حاجه مثلا
سهر….بهمس ياريت يبقي غار في ستين داهيه
ياسر….بهمس شششش اسكتي
امجد….شوف انا استبعدت حاجه زي دي بس مازن فكر بنفس الطريقه وصراحه اقنعني يعني اللي خلي مهيب و اللي معاه يطلعوا وراء قتل سالي مش بعيد خالد يعملها عادي
بصوا كلهم في نفس اللحظه لسهر اللي بصت علي الموبايل پصدمه كبيره
فريد….امجد هكلمك تاني هااا سلام سلام
سهر…..لا لا لحظه متقفلش هو قال ايه
ياسر….مقالش يا سهر اقعدي
سهر….بقولك هو قال ايه سالي مين اللي اټقتلت هااا سالي اختي
فريد…قام و قف قدامها هو وياسر سهر خلينا نفهمك بس
سهر…..اه اه انا محتاجه افهم اللي سمعته ده كان مقصود بي ايه هااا سالي اختي اتقلت مكانتش حاډثه عاديه مهيب قتل سالي
فريد….سهر اهدي من فضلك و هنفهنك
سهر….تفهموني اييييييه هااا اختي اتقلت بجد طيب انتوا كنتوا عارفين امجد عارف و مازن عارف و انا اللي معرفش
ياسر…..طيب اهدي و هنتكلم
سهر….نتكلم في ايه انت سمعت اللي اتقال هااااا انت عارف ده معناه ايه
ياسر….يا سهر ارجوكي اهدي و هنفهمك صدقيني
سهر…..ماشي انا سامعه اهو قولوا اللي سمعته ده صح طب ازاي انا اللي اعرفه ان اختي اتخبطت بالعربيه قدام الجامعه وهي مع ملك وبيري واللي عماها هرب و لما عرفت من بيري وملك رقم العربيه عملت محضر و اكتر من شهرين بيدورا علي صاحب العربيه كأن الارض اتشقت وبلعته و المحضر اتحفظ يعني اللي خپطها هرب يبقي ازاي كانت مقصوده وليه طيب بيري وملك كانوا عارفين و مخبين عني هااااااا ما تنطقوا ساكتين ليه انتوا كمان كنتوا عارفين ان مهيب عمل كده في اختي و محدش فيكم قالي طب ليه هاااا ليه انا من اول يوم قابلتكم فيه اتفقنا اننا نقول كل اللي عندنا لبعض كنتوا شاكين فيا يا فريد صح مش انتوا كنتوا شاكين فيا و عشان اقدر اخليكم تثقوا فيا بجد شرطتوا عليا اني اجيبلكم معلومات عنهم و انا مقصرتش و جيبتلكم و خليتكم تثقوا فيا بس كان المقابل ايه خدعتوني خبيتوا عليا كان عندكم معلومه زي دي و محدش فيكم قالها
فريد…..سهر انتي فاهمه غلط يا سهر
سهر….باڼهيار طيب فهمني الصح قولي ايه الصح وانا هصدقك
ياسر…..ما انتي لو هديتي و قعدتي هتفهمي
سهر…..بدموع وۏجع مبقتش فارقه يا ياسر خلاص كل حاجه بقت واضحه خدوا مني اختي و كانوا عايزين ياخدوا امي و انتوا كنتوا عارفين و سكتوا و خبيتوا عني انا مش عايزه اعرف حاجه منكم ولا عايزه اعرفكم تاني كلكم و حق اختي هجيبه و بايدي
مسكها ياسر بسرعه قبل ما تخرج
ياسر….پغضب لا هتقفي وهتسمعي و هتعرفي احنا ليه عملنا كده احنا كنا خايفين عليكي عشان اللي انتي بتعمليه ده الوقت عشان جنانك وتهورك
سهر…..خايفين عليا تخلوني علي عمايا كلنا بنساعد بيري عشان تخرج من ورطتها و بنساعد فريد عشان يجيب حق ابوه ومراته واخته اللي مش عار عنها حاجه طب وحق اختي هاااا محدش فيكم فكر يقولي عشان اجيب حقها معاكم عشان بدل ما ابقي حارقه نفسي علي بيري وفريد و بحاول اساعد بقلب عشان حقوقهم ترجعلهم كنت علي الاقل احړق نفسي بقلب اكتر عشان حق اختي اللي ماټت وهي لسه يادوب بتفتح عينها عالدنيا
فريد…..ومين قالك ان حقها مكانش هيرجع
سهر….ازاي ازاي وانا وامي منعرفش عن مۏتها غير انه كان حاډثه قضاء وقدر
ياسر…..يا سهر افهمي احنا
—
عارفينك كويس وعارفين ان خبر زي ده لو كنتي عرفتيه كنتي هتعملي ايه خوفنا عليكي
سهر….لا انتوا مخفتوش عليا انتوا خفتوا علي نفسك ما هو بما انكم عارفين اني متهوره ومجنونه اول ما هعرف خبر زي ده مش هسكت و وقتها الخطړ هيبقي علي فريد وعليك و علي بلال و علي بيري كلكم خفتوا علي نفسكم مش عليا يا ياسر لاني لو كنت نطقت كل اللي بتعملوا ده كان هيبوظ و كان هيبقي صعب تكملوا فا انتوا بقي قررتوا انكم تخبوا عليا عشان اللي انتوا عايزينه يكمل مش كده
ياسر…..لا مش كده يا سهر
فريد….لا كده يا ياسر انتي صح يا سهر بس مش زي ما انتي شايفه الموضوع من وجهة نظرك يمكن لو كنتي عرفتي ومسكتيش زي ما بتقولي كل تخطيطنا كان هيدمر بس وقتها مكنتيش هتكسبي حاجه لان مهيب واللي شارك في قتل سالي اختك كانوا هيطلعوا منها بسهوله وهيقدروا يثبتوا انهم ملهمش يد في قټلها لا من بعيد ولا من قريب زي ما عملوها في حاجات كتير قبل كده و طلعوا منها و وقتها حق اختك كان هيضيع و مكانوش هيسيوكي و لا يسيبوا امك و في نفس الوقت كانوا هيعرفوا اننا علي علاقه بيكي و كل حاجه هتتكشف و حق ابويا واختي ومراتي كان هيضيع و بيري كان حقها هيضيع وهترجع ڠصب عنها ليهم و تتجبر علي جوازها من خالد يعني معرفتك يا سهر مكانتش هتعمل اي حاجه غير انها تضيع حقوق الكل واولهم اختك
سهر….يعني انت عايزني اعرف حاجه زي دي و اسكت
فريد….لو شايفه ياسهر ان كلامي غلط بنسبة واحد في الميه وان كلامك او اتهامك ليهم هيرجع حق اختك اتفضلي الباب مفتوح قدامك روحي اتهميهم و بلغي عنهم و اوعي تفكري في حق ابويا ومراتي واختي و حق بيري هاتي حق سالي يا سهر و متفكريش فينا و صدقيني محدش فينا هيزعل او يلومك روحي يا سهر اعملي كل اللي تقدري عليه عشان تجيبي حقها و اوعي تنسي و انتي رايحه انك مش معاكي دليل علي ادانتهم و ده كان سبب من الاسباب اللي تخلينا منتكلمش او نقولك لان وقتها لو كنتي عرفتي كنتي هتبقي في نفس الحاله اللي انتي عليها الوقت بس بردوا مكنتيش هتقدري تثبتي اي حرف لان مكانش في دليل غير رقم العربيه اللي قدروا يخفوها روحي يا سهر لو ده هيخليكي ترتاحي روحي
بصتله سهر وهي بټعيط پقهر و قعدت علي الكنبه تاني وهي ايدها علي وشها ومڼهاره
ياسر….سهر فريد معاه حق يمكن محدش فينا هيلومك لو عملتي كده لاننا مقدرين خبر زي ده لما تسمعيه اكيد لازم دي تبقي حالتك بس كمان مفيش دليل ووقتها مهيب و اللي معاه هيبقوا عايزين يردوا كرامتهم و كرامتهم دي هتترد بأذيتك و اذية امك اللي ملهاش غيرك احنا خوفنا عليكي صدقيني
بلال….سهر محدش فيهم قصد يخبي عليكي كل ده كان عشان مصلحتك انتي اولا الحاډثه حصلت من ثلاث سنين يعني نفس توقيت حاډثه فريد بس للاسف مكانش في دليل ولو كان في دليل واحد يدينهم كان وقتها ممكن تتكلموا لكن للاسف مفيش و عشان كل واحد فيكم حقه يرجع محتاج يصبر خوفهم عليكي كان اول سبب في انهم يخبوا عنك الخبر ده لان انتي اصلا الفتره دي في دماغهم اوي يعني مكنوش هيسموا عليكي صدقيني
رفعت سهر راسها و هي دموعها نازله
سهر…..و المفروض اننا نفضل ساكتين عشان معناش اي دليل مش كده
فريد….لا مش كده يا سهر و إلا مكناش كلنا اتجمعنا و بقينا ايد واحده الوقت كل واحد لبه حق هياخده بس محتاجين نستني محتاجين نوقعهم كلهم غلطة الشاطر بألف يمكن حظهم انهم كل مره بيقدروا يطلعوا منها بس الاكيد واللي واثق منه ان نهايه كل فاسد و ظالم بتقرب و ربنا مش هيخذلنا طول ما احنا علي حق لازم نحط ايدنا في ايد بعض نركز علي هدفنا نتحد يا سهر منغلطش لان غلطه واحده هتضيع حق الكل
سهر……مين اللي عمل كده في اختي و من امته عارفين حاجه زي دي ومخبين عليا
فريد….صدقيني يا سهر مش من بعيد و يمكن من قريب اوي كمان
ياسر….انا اول واحد عرف يا سهر
سهر….انت يا ياسر
ياسر….اه انا يا سهر عرفت عن طريق الصدفه يمكن اول معرفتي بيكي انتي وبيري كنت في مقابله مع المحامي سالم عبيد و قالي ان حاډثه اختك كانت مظبره لان وقتها انتي كنتي بتطلعي لا يڤات و ليكي محتوي قوي كان عامل صدي كبير و مسمع فا عملوا معاكي زي ما عملوا مع فريد فكروا ان لما يأذوا اختك هتتهدي وتبعدي عن المحتوي ده خالص
سهر….ولما بقيت اقوي وبقي عندي جمهور اكبر و بقيت معروفه اكتر ومبعدتش قرروا يخلصوا من امي
ياسر….بالظبط وقتها انا عرفت فريد و قولتله بلاش يقولك الوقت لان كنا عارفين ان الكلام عليكي كتير اوي الفتره دي. و كانوا حاطينك في دماغهم
فريد…..و انا عرفت بيري بردوا عن طريق الصدفه واحنا بنتكلم و بالمناسبه الكلام اللي كانت عايزه مريم تقولوا و مازن منعها هو خبر قتل سالي مريم سمعت فاتن وهي بتتكلم مع سعيد وبتقولوا ان مهيب حاطتك خلاص في دماغه و ناوي يعمل معاكي زي ما عمل مع سالي وخپطها بالعربيه هو والجماعه و وقتها امجد عرف وقالي بس انا قولتوا ميقولش بس هي دي كل الحكايه
سهر…..و يقصدوا ايه بمهيب والجماعه مين تاني شارك في قتل اختي
فريد….صدقيني لسه محدش يعرف كل الاټهامات الوقت بتروح ناحيه مهيب بس مين هما الجماعه مش عارفين
سهر…..رافت الباشا اشترك في الحاډثه بتاعة امي يعني ممكن يكون هو كمان
ياسر….وارد مش بعيد بس لسه مش متأكدين عموما هي مش هتخرج من تحت ايدهم كلهم
فريد….الكل مشارك يا سهر حتي لو كان عارف وساكت
سهر…..بدموع اختي مقتوله من ثلاث سنين و انا معرفش و فاكره انها حاډثه عاديه
بلال…..مفيش سر بيفضل مستخبي يا سهر طول العمر بس يمكن ربنا عمل كده عشان وقتها كنتي لسه اضعف كنتي لوحدك مكنتيش هتقدري تتصرفي
سهر….والوقت لما عرفت يا بلال حصل ايه ما انا حاطه ايدي علي خدي و مفيش حاجه في ايدي اعملها
بلال…..بالعكس يمكن الوقت انتي هتضطري تفضلي ساكته بس انتي مش لوحدك بقيتي اقوي كلنا معاكي و الاهم ان يوم عن يوم بنقرب من الحقيقه وبنكتشف عنهم بلاوي اكتر عشان وقت ما يقعوا تحت ايدنا محدش فينا هيرحمهم و كل واحد كان ليه حق هياخده.
سهر….طيب انا المفروض اعمل ايه الوقت امي لو عرفت خبر زي ده هتروح فيها
ياسر…..و هي مينفعش تعرف اصلا يا سهر معرفتها لا هتقدم ولا هتأخر
فريد…..هتزيدي ۏجع فوق ۏجعها يا سهر يعني مش هتساعديها بالعكس هتتعبيها اكتر بلاش تعرف و انتي خليكي هاديه و كانك معرفتيش حاجه
سهر….ازااااي ازاااي
فريد…انا عارف ان اللي بطلبه صعب بس لازم تحاولي
—
لو عايزه حق سالي من كل اللي شارك في قټلها يبقي لازم تكوني عاديه لازم تبقي هاديه لازم تتظاهري انك متعرفيش اي حاجه لازم تفضلي قدامهم شايفه ان سالي عملت حاډثه عاديه و انا واثق فيكي وعارف انك هتقدري احنا وصلنا لحجات مهمه اوي يا سهر وصلنا لمعلومات عن مصايبهم تفيدنا و الاهم لسه الاجتماع لما نعرف بيحصل في ايه او هيتقال في ايه كل دي معلومات بنجمعها يعني احنا بقينا في موقف قوه مش موقف ضعف
ياسر….عشان خاطري يا سهر حاولي انتي قويه و من يوم ما عرفتك و انا بشوفك ثابته و قادره علي المواجهه كملي للاخر و خلي نفسك طويل والاهم اوعي تزعلي من حد فينا كلما خوفنا عليكي خوفنا غلطه منك في لحظه تهور وضعف تضيع كل المجهود اللي عملناه واللي لسه بنعمله صدقيني ده كان في مصلحتك
سهر……بتنهيده طويله تمام يا ياسر و انا مش هعمل اي حاجه و هفضل نفسي طويل بس من النهارده لو كنت بحاربهم عشانكم و عشان الفساد اللي بيعملوا فا انا الوقت بحاربهم عشان اختي اولا و عشان باقي مصايبهم ثانيا
فريد…..طارنا بقي واحد يا سهر و هنجيبه منهم صدقيني
هزت سهر راسها لفريد وفي الوقت ده رن موبايلها
سهر….باستغراب بصتلهم
ياسر…في ايه
سهر…..سعيد الصاوي بيكلمني
ياسر….سعيد الصاوي ليه
سهر….مش عارفه غريبه هو في العادي مش بيتصل عليا
فريد….طيب ردي بسرعه وافتحي الاسبيكر كده
سهر…احمممم الووو
سعيد…..الو ازيك ايه سهر اخبارك ايه
سهر….بخير الحمد لله يا انكل سعيد حضرتك عامل ايه
سعيد….بخير يا سهر الحمد لله
سهر…..خير يا انكل سعيد في حاجه
سعيد بتوتر كان باين علي صوته اوي فضل ساكت ثواني
بصتلهم سهر باستغراب
سهر….انكل سعيد حضرتك معايا
سعيد…..معاكي معاكي يا سهر اااا سهر انا عايز اشوفك ضروري جدا و الاهم اني مش عايز حد يعر بالمقابله دي خالص
بصتلهم سهر بقلق هز فريد راسه بمعني طيب
سهر….ااا حاضر يا انكل سعيد معنديش مانع بس قولي في حاجه
سعيد….لما اشوفك هتعرفي بس انا عايزك اشوفك الوقت حالا لو مش مشغوله
سهر….اه طبعا انا فاضيه
سعيد….طيب كويس اوي قوليلي تحبي اجيلك فين بالظبط
سهر بصتلهم و هي مش عارفه تقوله علي مكان
قرب منها فريد بهمس
فريد…..شوفي اي كافيه بعيد عن المكان هنا
سهر….طيب يا انكل سعيد انا هبعتلك لوكيشن المكان علي تليفون حضرتك
سعيد….تمام وانا مستني و زي ما قولتلك مش عايز حد يعرف اني هقابلك
سهر….طيب تمام
سعيد….سلام يا سهر
سهر….سلام
ياسر…..وده عايز ايه ده
بلال….غريبه نبقي بنتكلم عنه من اول القاعده عن موضوعه هو والدة بيري و فجأه يتصل بيكي
سهر…..انا هعمل ايه هقابله بجد
فريد….لازم تقابليه و تشوفي عايز ايه
ياسر…..طيب تفتكر يا فريد دي لعبه منه يعني يكون وراء حاجه زي دي مهيب او رأفت و يكون كمين
فريد….ميتهيأليش الراجل واضح علي صوته انه مرتبك خاېف عنده حاجه محتاج يقولها و بسرعه في حاجه موتراه و ده واضح اوي