لقاء كـ،ـ،ـارثي
سليم ضحك هو و محمود
عدي….بقولكم ايه انا رايح اشوف شغلي قبل ما اطلع مسرح من محمد
عشري…..خد يالا قولي هتعمل ايه
عدي….اااا ماشي معاك ولو في تغيير هقولك
عشري….بضحك يبقي معايا قال تغيير قال
عدي…..بضحك شكراً يا اخوي علي الحفله
ضحكوا عليه هما الثلاثه و دخل عدي و سابهم.
………………..
في الكافيه عند مصطفي
سلامه…..ماشاء الله شكلوا بدأ يظهر
مصطفي….بجد حلو
سلامه….يجنن والله الديكورات والكلام المكتوب و المكتبه اللي شكل كتاب في الحيطه دي تجنن انا مليش في القراءه و الجو ده بس شيك و تحفه
مصطفي…..طب الحمد لله و انت يا ميدو ايه رأيك
عسال….ما انت عارف رأيي كل ده انا شوفته سلامه اللي مشافش التجديدات دي ماشاء الله المكان ناقص يتفتح بس
سلامه….ان شاء الله يفتح علي خير بيتهيألي انت كده خلصت خلاص
مصطفي…..اه فاضل بس اجيب الكراسي و الترابيزات و الزرع بره و شويه حجات كده و كام تظبيطة في الاضاءه و خلصت المهم ايه حوار السفريه دي اللي قولتلي عليها الصبح
عسال…..اه انت كنت نايم لما رجعنا هنسافر كده بعد الماتش يوم الخميس كام يوم و قولت لماما و ريهام هيجوا معانا و اخوات عشري و البنات هيقولوا لاخواتهم ايه رايك
سلامه….هو ايه اللي ايه رايك هيجي
مصطفي….الله رحله و سفر حلو ده بس اعمل ايه في المحل
سلامه….ولا حاجه هتعرف اللي ماسك الشغل و هناالعن من بعيد متقلقش
مصطفي….طيب انتوا هتقعدوا كام يوم كده
عسال….ثلاث اربع ايام يعني
سلامه….تعالي و ميبقاش دمك تقيل بقالنا كتير مسافرناش مع بعض
مصطفي….بأبتسامه جاي خلاص
عسال…..بجد
مصطفي….والله هاجي انا اصلا بقالي فتره مطحون في الشغل و المحل و عايز اغير جو
سلامه…..بضحك هنخربها هاااا
مصطفي…..لا دي بتاعتي انت بقي هعملكم اجواء كلها جنان
عسال….ابوس ايدك بلاش مقالب
سلامه….بضحك متسمعش كلامه ياض
مصطفي….مش هسمع طبعاً انا لو هاجي هاجي بس عشان المقالب و اللعب
عسال….بضحك طب متنساش تلعب مع الشباب عشان تتنفخ ضرب منهم
مصطفي…..بضحك ابعدوا عني بس عشري و رشيد و الدنيا هتبقي تمام
سلامه…..بضحك لا عايزك تروقهم
مصطفي….بقولكم ايه بامر الله يعني هخربهالكم و سيبوني بقي انا ايه اخطط كده للسفريه دي
عسال….ماشي ياعم ربنا يستر منك
سلامه…..يلا خلينا نمشي احنا بقي
مصطفي….كان نفسي اضايفكم
سلامه….بضحك اتنيل في المحل اللي تحت الانشاء ده لينا عندك عزومه لما تفتح
مصطفي….اتريق علي المحل اوي بكره تيجي تقف في الطابور بره و مش هتلاقي تربيزه
ضحك سلامه و عسال و سابوا و مشيوا.
…………….
عند عشري اتصلت ليله بيه و هي في العربيه
عشري….بابتسامه اول ما شافها قمر يا ناس
ليله…..بضحك انا نزلت يا بلطجي
عشري…طب ايه الحلاوه دي
ليله….انت اللي قمر
عشري…..بت اوعي حد يعاكسك
ليله…..متخافش محدش يقدر
عشري…..قوليلهم بس انا مرات عشري
ليله……بس كده عيوني
عشري…..خدي بالك من نفسك و نمشي عدل بلاش مياعه
ليله…..بابتسامه اوامرك يا سيد الناس
عشري…..ااااااه قلبي
ليله…..بضحك يلا بلاش رغي و دلع
عشري…..طب عايز بوسه
ليله….اموووووواه
عشري…..بأبتسامه خدي بالك من نفسك اه صحيح سليم و عدي اللي جايين معايا
ليله….احيه فكرتني اتصل بالبت تقي
عشري….بضحك هتيجي انتي قوليلها بس ان عدي جاي
ليله…..حبيبييييييي اخوك يا بابا اللي وافق لما عرف انها جايه
عشري…..بضحك ااااه بدأنا بقي شغل الحموات
ليله….بضحك اه فوق كده بنات المارديني يا حبيبي مبيجروش وراء حد
عشري….هتقوليلي ما انا مجرب بحبك يا بلطجيه
ليله….بضحك وانا بموت فيك يلا هروح اكلمها
عشري….ماشي يا حبيبي باي
ليله….باي
قفلت ليله و هي مبتسمه و اتصلت علي تقي اول ما شافت رقمها ردت بسرعه
تقي…..احلي سلام و تحيه علي عروستنا اللي نورت البيت
ليله….بضحك انتي فين مختفيه ليه
تقي…..ما انا موجوده اهو
ليله….موجوده فين بقي اخر مره شوفتك لما جيتي و بعدها معبرتنيش يا اوطي خلق الله
تقي…..بضحك مقدرش والله بس علي فكره بقي انا اول امبارح اتصلت بيكي معبرتنيش
ليله….امتي ده مشوفتش
تقي….والله اتصلت علي تسعه تقريبا بس لما مردتيش متصلتش تاني
ليله….مخدتش بالي والله المهم طمنيني عليكي
تقي….انا زي الفل
ليله…عرفت ان نسمه نزلت معاكي عامله فيها سيدة اعمال و مشغله الكل با بنت وليد
تقي…..بضحك والله ابداً انا غلبانه هي اللي عايزه تنزل و انا شجعتها
ليله….جدعه اهو بدل قعدتها دي هي كمان
تقي…..طب طمنيني عنك
ليله….زي الفل الحمد لله يا قلبي والله و حشتيني يا جزمه
تقي…..بكره لو قاعده هعدي عليكي بليل
ليله…..احتمال اروح لعمتك انا و عشري ابقي تعالي علي هناك او كلميني بردوا يمكن الخطه تتغير لسه مش متأكده
تقي….اشطا هتصل عليكي و نتفق مع بعض
ليله….طيب خلينا بقي في المهم نسمه قالتلك علي السفريه
تقي…..سفريه !! سفريه ايه
ليله….انا قولت هتقولك نعيمه عرفتها
تقي….انا شوفتها الصبح و راحت الشغل و من وقتها مكلمتنيش قولي ايه الحوار
ليله….ماشي يا ستي احنا اتفقنا يوم الخميس بعد الماتش هنسافر كده كام يوم مع بعض السخنه و انتي معانا وش
تقي…..بضحكه جميله طبعاً معاكم انتي جايه في وقتك اصلاً النفسيه مش احسن حاجه تمام معاكم يعني نسمه جايه اكيد
ليله….بابتسامه اه جايه و الله هنسافر كلنا كده نغير جو
تقي….بضحك خير الاستاذ عشري اداكي الامان مش خايف تكتي منه
ليله….بضحك لا متقلقيش كده كده خلاص اداني الامان بس هو جاي معانا علي فكره
تقي….بجد طب حلو ده
ليله….امممم حلو الشباب اصلا كلهم جايين اخوات نعيمه و اخوات ايمي و انتي وتامر اهو سلمي وايه و اخوات عشري كمان
تقي….نعممم
ليله….بضحك ايه رحله بقي
تقي….دي رحله مدرسيه انا فكرت بنات بس
ليله….بضحك خير مبتسافريش مع رجاله
ابتسمت تقي بصدمه
تقي….اااا احم لا عادي هو مين يعني بالظبط اللي جاي
ليله….بضحك ما انا قولتلك ولا انتي عايزه تسألي عن حد معين
تقي…..انا ااا لا
ليله…..عموماً يعني هتبقي سفريه شبابيه حلوه يعني البنات و الشباب و سليم و عدي هااا
تقي….بابتسامه امممم طيب ان شاء الله خير و تبقي سفريه لذيذه عموما انا هشوف كده هعمل ايه و هأكد عليكي
ليله….تأكدي عليا في ايه علي بكره و لا علي السفريه
تقي…..علي الاتنين ان شاء الله
ليله…..طب بكره و فهمنا انما السفريه تأكدي ايه مش لسه من ثانيتين كنتي بتقولي جات في وقتها و النفسيه مش احسن حاجه
تقي….اه اه بس يعني هتأكد بس من المذاكره و كده يعني انتي عارفه بقي المذاكره مش بتخلص
ليله….اممم طب بصي انتي معايا غصب عنك تجهزي نفسك كده و شنطه هدومك عشان يوم الخميس الاقيكي عندي حابه تيجي قبل ما نروح عند اهل ايمي نتفرج علي الماتش سوا تمام مش حابه بمجرد ما الماتش يخلص الاقيكي قدامي
تقي….بضحك استهدي بالله بس كل الحكايه اني افتكرت حجات كتير عندي و غالباً يعني عندي امتحان الخميس و السبت
ليله…تقي سمعتيني صح
تقي…..بصحد لا بصي شغل البلطجه ده ميمشيش غليا انا توأمك
ليله….والله انا توأمي سالك مش بتاع حوارات رأيك اللي اتغير فجأه ده و طريقتك اللي اختلفت و الحماس اللي نزل لما عرفتي ان في ناس كده جايه معانا عيب مش ليله اللي يتعمل معاها كده
تقي…..اسمعي بس والله انا كنت فاكره انها سفريه بنات و هنقعد براحتنا و كده لكن معاكم الشباب يعني مش هتبقوا فاضين
ليله….لا يا اختي متقلقيش دي سفريه لينا كلنا نغير جو و نتبسط مش رايحين نحب في بعض و بعدين لو حبينا في بعض يعني مش هتبقي لوحدك معاكي نسمه وباقي الشباب و اخت ميدو و سلامه كمان بس يعني قوليلي هو في حد معين مش حابه تشوفيه
تقي….بضحك يا ستي انتي هتلبسيني مصيبه كلهم زي الفل
ليله….طب امال عم ما انا هقول لابوكي
تقي….استني بس والنبي ما تقولي غير لما اعرف هعمل ايه
ليله….بت فيكي ايه هو انتي مخبيه عني حاجه
تقي….يا ستي مفيش قولتلك عشان المذاكره
ليله….طب تمام هو في حاجه بس انا مش رخمه و مش هسأل و ميهمنيش المهم الوقت انك جايه معايا و مش عايزه اعتراض يرضيكي يعني كل واحده في البنات و كل واحد في الشباب يجيب حد معاه وانا اروح بطولي
تقي….بلاش سكة الصعبنيات دي مش لايقه عليكي
ليله….بضحك طب هتيجي و الا انتي عارفه هخلي الماتش يخلص و هاجي اجيبك من قفاكي
تقي…..طيب يا ليله حاضر
ليله….اتفقنا يعني
تقي…..اتفقنا
ليله…..ماشي يلا اسحبي بقي عشان كلتي دماغي
تقي….بقي كده ماشي يا ستي سلام
ليله….سلام
………………
قفلت ليله معاها و وصلت قدام قسم التجمع كانت مقرره انها تروح تعتذر للشباب اللي في الكافيه اللي جنب القسم بعد اللي حصل لانها تعرفهم و لانهم اتضربوا بسببها كانت عايزه تريح ضميرها من اهانتهم و من اللي عملوا فيهم عشري و تشكرهم انهم اتنازلوا عن المحضر .
دخلت ليله بهدوء علي جوه كانت محرجه منهم جداً بس هما اول ما شافوها ابتسموا خرج احمد الكبير و ثرب منها رحب بيها و خرج الشاب الصغير شريف رحب بيها هو كمان.
احمد…..اتفضلي يا انسه ليله
ليله….تسلم يا احمد في الحقيقه انا مش جايه اقعد والله انا بس جايه اسلم عليكم و جايه اعتذر عن اللي حصل طبعاً مقدرتش طول الفتره دي اشوفكم لتن حصل ظروف كتير متعتني بس كان واجب عليا اني اجي و اعتذر ليكم علي وقفتكم معايا و اسفه بجد علي الموقف اللي حطتكم فيه بس سامحوني انا كنت بمر بظرف صحي و نفسي مش احسن حاجه فا غصب عني جات فيكم انا اسفه متزعلوش مني ودي حاجه بسيطه اوي اعتذار عن اللي حصل و يومكم اللي ضاع في القسم لحد تاني يوم اتمني تقبلوا الظرف ده عشان احس انكم قبلتوا اسفي
احمد….بأبتسامه اولاً شيلي الظرف ده عشان عيب احنا اخوات ثانياً حمدالله علي سلامتك انتي اختنا يا انسه ليله و معاكي و في ضهرك في اي حاجه لان انتي جدعه بجد و تستاهلي كل خير احنا مش زعلانين و محصلش اي حاجه و بعدين استاذ محمد جالنا علي فكره بعدها بيومين و قعد معانا و اتراضينا و صالحنا و مفيش اي حاجه
ليله…..محمد مين اللي جالكم ؟
شريف….اللي اتخانقنا معاه خطيب حضرتك
ليله….بابتسامه بتتكلم جد
شريف…الله العظيم و طلع راجل محترم و ذوق و جدع و عمل معانا الواجب و زياده والله احنا مرضيناش بس هو صمم و المهم ان الامور تمام و اتحلت
احمد…..هو شخص محترم اعتذر و احنا كمان اعتذرنا و فهمنا ان حضرتك كنتي تعبانه و الموقف عدي والله ونسينا خلاص ده انا فاكرك جايه تشرب يحاجه و بتخلصي ورق ولا خاجه في القسم
ليله….بضحكه جميله خالص والله انا جايه ليكم مخصوص لانكم تعزوا عليا و كفايه موقفكم معايا و ده واجب عليا اصلا
احمد….احنا مش زعلانين والله وربنا يديم المعروف و عشرتكم الطيبه اهم حاجه انك خفيتي و بقيتي احسن
ليله….بابتسامه انا في نعمه والله الحمد لله بس عشان خاطري لو بتعزوني بجد اقبلوا مني الظرف ده
احمد….والله ما يحصل اللي عملوا استاذ محمد كتير و زياده عيب يا انسه ليله حضرتك اختنا
ليله….بابتسامه تسلم يا احمد ده شرف ليا والله انتوا شباب جدعه و محترمه و ربنا يعلم اني بعزكم
شريفه…..طب عشان خاطرنا يعني اقعدي اشربي حاجه
ليله….هجيلكم تاني والله بس حقكم عليا انا مشغوله اوي انهارده هعدي عليكم تاني
شريف….ماشي يا انسه ليله
احمد….ده مكانك اي وقت
ليله….تسلمولي يارب يلا اشوفكم علي خير
سلمت عليهم ليله و خرجت و هي مبسوطه اوي ركبت عربيتها و اتحركت و بعدين رجعت وقفت في مكان هادي و اتصلت بعشري.
عشري……الووووو وحشتك ولا ايه
ليله…..بتنهيده وابتسامه و حشتني اكيد و بحبك اوي يا عشري
عشري….بأبتسامه الله الله الله ايه خير نبرة الصوت دي بتقول حاجه
ليله….بتقول اني كل يوم بحبك اكتر من اليوم اللي قبلوا كل موقف بيحصل بيأكدلي انك توأمي يا بلطجي
عشري….بضحكه تجنن و اره اللي حصل الوقت عشان تتأكدي اني توأمك يا بلطجيه
ليله…..مقولتليش ليه انك روحت للشباب
عشري…..شباب مين
ليله….اللي حضرتك ضربتهم اللي في الكافيه عند القسم
عشري…..بابتسامه هاديه اااا لا يعني عادي هو انتي روحتي
ليله….بضحكه جميله مش بقولك اننا شبه بعض اه روحت يا عشري ضميري كان بيأنبني حسيت ان هما كمان واحب عليا اعتذرلهم و اراضيهم بس مكنتش اعرف انك سبقتني زي ما عملت كده مع نور جاري
عشري…..بابتسامه اولاً انا المرادي مروحتش يعني عشانك اوي هو انا كمان ضميري كان مأنبني بصراحه مبحبش امد ايدي علي حد خصوصا لو ميستاهلش و هما مكانوش يعرفوا حاجه اينعم كنت مستفز منهم و هما بيدافعوا عنك قدامي و بيحاولوا يخلوكي وراء و الحركه دي جننتني اللي هو بتخبوها من مين يا اغبياء دي بتاعتي بس يعني مكانوش فاهمين و طلعوا جدعان يعني و اتنازلوا عشان كده حبيت اراضيهم و اعتذر بس
ليله…..وده عملتوا امته بقي
عشري…..بعد كتب الكتاب بليل روحتلهم و الشباب كانوا معايا قبل ما نجيلكم علي الكافيه روحنا و اتكلمنا و ضحكنا و هزرنا و الموقف خلص وبعدين انتي تعرفيهم و هما محترمين و جدعان معاكي مكانش ينفع اخلي شكلك وحش
ليله….بتأثر عشري انا عايزه احضنك الوقت
عشري…بضحكه جميله بس كده ما هصدق انتي عرفاني
ليله….بحبك يا عشري بحبك اوي و كل يوم بحبك اكتر ربنا يخليك ليا يا اخلي و اجدع راجل في الدنيا
عشري….ويخليكي ليا يا احن قلب شوفته في حياتي و اجدع بنت جات علي الدنيا دي بس تعالي هنا انتي ازاي متقوليش انك راحه
ليله….بضحكه جميله انت لسه فاكر امشي يا باطجي امشي مش وقتك
انا بصفي حساباتي و بعتذر من اي حد ضايقته عشان نبدأ علي نضيف ومحدش يبقي زعلان
عشري…..بابتسامه لا ياستي كله تمام خلاص الكل اتراضي و امورنا طيبه ومحدش زعلان مننا فاضل بس انا اراضي استاذ حمزه و خلاص
ليله….ماشي بقولك ايه نروح بكره لاميمه اخر النهار كده
عشري….اللي انتي عيزاه تمام معاكي
ليله…..طب امشي يلا جتك القرف في حلاوتك
عشري….بضحك يابت هاجي ابوسك في وسط الشارع
ليله….بضحك تعالي و انا لسه قريبه من القسم عشان ندخل سوا
عشري…..بضحك بقولك صحيح انا قولت للشباب بس محمود مش فاضي سليم و عدي بس اللي هيجوا قولتي لعروستنا
ليله….بضحك بقت عروستكم طب علي فكرن بقي عروستنا اتحمست اول ما عرفت كانت فاكره انها سفريه بنات و لما عرفت ان عدي جاي قالتلي هفكر و اقولك عشان عندي مذاكره
عشري…..بضحك هو احنا بنتقرطس و لا ايه العيال دي في لينهم حاجه شكلهم عدي كمان لما عرف قالي هأكد عليك
ليله…..بضحك و ده تفسره بايه
عشري….انا عارف بقي دول مجانين اسمعي مني شكلهم بيتكلموا و مقرطسينا و مش حابين اننا نعرف حاجه او ناخد بالنا او يمكن البلطجيه مزعله اخويا
ليله….وليه يا حبيبي ميبقاش اخوك البلطجي اللي مزعل بنت اخويا
عشري….بضحك طب انا بقول بلاش منها العلاقه دي عشان هنقفش في بعض بعد كده
ليله…..بضحك انت شايف كده
عشري……لا بجد والله ايه حوارهم
ليله…..ممم مش عارفه والله بس ماقلقش يعني انا قولتلها غصب عنك هتيجي مش هتقدر خلاص
عشري…ماشي يا مسيطر
ليله….يلا يا بلطجي اسحب
عشري….نهارك اسود بتقولي لمين اسحب يابت
ليله…..بضحك يلا بلاش رغي خليني اخلص اللي ورايا
عشري….ماشي يا قلبي علي مهلك
ليله….ربنا يستر باي
عشري…..باي يا قلبي
………………….
عند ايه اتصل سلامه عليها و هو ماشي في الطريق بالعربيه يشوفها
سلامه….الو
ايه….سلامه خليك معايا لحظه
سلام….تمام
غابت عليه بتاع نص دقيقه
ايه….الو
سلامه…في ايه ؟
ايه….مفيش معاك
سلامه….ايوه كنتي بتعملي ايه
ايه….كنت بدور علي برفيوم في شنطتي عشان مش لاقيه الكحول
سلامه…..اتعورتي و لا ايه؟
ايه….اه الكلب اللي معايا ده مفترس خالص
سلامه…..عضك
ايه….لا ده لابس ماسك بس خربشني
سلامه….خربشك جامد
ايه….لا لا مش اوي
سلامه…..هو ايه اللي مش اوي خربشك جامد ولا لا
ايه….والله مش جامد
سلامه….طيب نزلت دم
ايه….بسيط
سلامه….هو ايه اللي مش جامد و بسيط انتي عبيطه يا ايه لو في دم لازم تاخدي حقنه
ايه…..يا سيدي مش جامد قولتلك والله متقلقش
سلامه…..طب اقفلي صوريها و ابعتيها و هكلمك تاني
ايه….سلامه سلامه بلاش وسوسه الله يخليك بتخربش اكتر من كده و مبيحصلش حاجه
سلامه….طيب انتي سمعتيني صح يلا هققا و ابعتيلي صوره
قفل و مستناش ردها رفعت ايه راسها لفوق و هي مش طايقه نفسها و بتنفخ صورت ايدها و بعتتها ليه
ثواني و اتصل عليها
سلامه….ده خربوش صغير
ايه….والله باين كبير في الصور بس خربوش عادي
سلامه….يابنتي لازم تاخدي حقنه
ايه…بأبتسامه متقلقش مش هاهوهو
سلامه….انتي بتتريقي
ايه….والله ما تخاف بقي و بعدين انا باخد تطعيمات كتير كل فتره يعني متقلقش انا بس عقمتها عشان معرفش الكحول راح فين
سلامه…..ماشي
ايه…..انت فين كده منوقت ما اتصلت بيك مكلمتنيش تاني قولت نازل مع مصطفي و عسال و هتكلمني معبرتنيش
سلامه…..كنا معاه في المحل و مشينا خلاص المهم قولنا لماما و مصطفي و ريهتم علي السفريه و هيجوا معانا
ايه….بجد
سلامه….بجد ناقص بس تقولوا انتوا لعمي
ايه…..ماشي هقول لسلمي و بليل لما نروح هنقولوا
سلامه…..تمام وابقي عرفيني كده حصل ايه.
ايه…طيب
سلامه…..هو انتي مالك صوتك متغير ليه
ايه….مفيش
سلامه….متأكده
ايه…..و الله ما في بس انا من ساعت ما صحيت و حاسه اني مش تمام
سلامه…..ايه تعبانه
ايه…لا مش تعبانه بس مش في المود و مليش مزاج اصلا اشتغل
سلامه…..طيب انتي عندك شغل كتير اصلاً
ايه….اه المفروض يعني بس انا اتصلت ولغيت المواعيد هخلص بس الكلب اللي في ايدي ده و هقوم اغير و استني صاحبته تيجي تاخده
سلامه…..طب ليه ما كنتي اشتغلتي عشان تضيعي وقت
ايه….مليش مزاج خالص والله مش مركزه اصلاً
سلامه…..طيب هتعملي ايه هتروحي
ايه….لا لا مش هروح يا اما هفضل قاعده في المحل يا هتمشي
سلامه…..طيب لما انتي هتقعدي في المحل ما كنتي اشتغلتي
ايه…..بقولك مش مركزه يا سلامه
سلامه…..ايوه يعني في ايه يعني مالك
ايه ….هو لازم يكون في حاجه يا سلامه انا مس في المود مأريقه صحيت مزاجي مش رايق و معرفش ليه عادي بتحصل
سلامه….طب انتي متعصبه كده ليه انا بسأل عادي علي فكره
ايه….انا مش متعصبه انا بقولك بس اني مش فيا حاجه مزاجي مش حلو من غير سبب اصلا اليوم امبارح كان حلو و جميل و روحت نمت مفيش اي حاجه بس صحيت كده
سلامه…..طيب بتفكري في ايه ؟
ايه….تاني يا سلامه بقولك والله ما في
سلامه…..يا حبيبي انا بسأل عادي ممكن تكوني بتفكري في حاجه مشغوله بحاجه حتي لو بالشغل علي فكره ده بيعمل ضغط و يخليكي من غير ما تحسي مودك يبوظ بس عشان كده بسألك
ايه….ولا اي حاجه والله كله تمام انا شويه كده هقوم اقفل و هتمشي اكيد هظبط شويه
سلامه….تتمشي تروحي فين
ايه….معرفش اي مكان
سلامه…..طيب عايزه تروحي فين و انا هجيلك
ايه…..مش عابزه اروح في مكان انا عايزه اتمشي كده مع نفسي
سلامه…..اه مش عيزاني يعني
ايه….ياااارب عليك يا سلامه انا مقولتش كده و بعدين انت عندك شغلك
سلامه….لما اشتكيلك ابقي سمعيني الجمله دي
ايه….طيب يا سيدي انا عايزه اكون لوحدي كده تمام
سلامه ….لا مش تمام مفيش خروج لوحدك
ايه….انا هتمشي مش خارجه في مكان يا سلامه
سلامه…..ولا في تمشيه لوحدك كده كويس
ايه…..يعني ايه ؟
سلامه….زي ما سمعتي يا اما اجيلك اوديكي اي مكان انتي عيزاه يا تروحي يا تكملي شغل
ايه….ده اسمه ايه ده بقي
سلامه….هو ايه ؟
ايه….التحكم ده
سلامه….انا كده متحكم
ايه….امال انت كده ايه هو يعني مينفعش اقعد لوحدي او اخرج لوحدي و انا حاسه اني مش تمام
سلامه…..لا مينفعش عايزه تموني لزحدك هاجي اخدك اوديكي المكان اللي تحبيه و مش هتكلم معاكي خالص و اعتبري نفسك لوحدك اظن ده حل كويس
ايه….ابوه وليه مبقاش لوحدي يعني مش واثق فيا مثلا
سلامه….ودي مالها ومال الثقه ما انتي بتعملي حجات كتير لوحدك من غيري مش بتكلم
ايه….ايوه طيب اشمعني الوقت
سلامه….الوقت انتي مضايقه و انا مش هسيبك مضايقه و تخرجي لوحدك
ايه….مش عايزه اخرج يا سلامه ولا عايزه اروح في مكان انا هقوم اكمل الكلب و اغير وهستني صاحبة الكلب تيجي و هغور علي البيت حلو كده
سلامه…..حلو كده
ايه…..سلامه امشي عشان انت بجد مستفز
سلامه…..تمام همشي حاضر
ايه….سلام
سلامه….باي
قفلت ايه و هي مخنوقه هي فعلاً مكانتش مضايقه من حاجه او مش حاسه ان هي فيها حاجه بس اللي كان جواها ضغط كبير و تفكير مش بيقف حتي لو هي مش ركزه في اللاوعي بتاعها المشكله اللي حصلت مع خوفها و توترها طول الوقت مع احتمالية ان تامر يروح معاهم السفريه مع تقديم معاد فرحهم كل دي حجات كانت ضغطاها و كانت حاسه بعدم راحه غريب مش من ناحية سلامه و لا حتي من ناحية تامر بس كل اللي مروا بيه في الموقف ده خلوها تحس انها مش مرتاحه و مش عارفه تكون طبيعيه
سلامه كان فاهم بقي هي حاسه بأيه و بتمر بأيه عكسها كان واثق ان موضوع الفرح شاغلها و موضوع السفريه كمان و تبريرها ليه امبارح انها قالت لايمي ورشيد علي السفر و تعمدت انها تفهمه بطريقه غير مباشره انها ثالت كده قبل سفرهم يعني قبل المشكله كان فاهم كويس الضغط النفسي اللي هي بتمر بيه
و ده خلاه بدأ يشيل همها و يخاف عليها لانه عارف ايه كويس و عارف كمان انها مضغوطه و الموضوع اكبر من استيعابها فا كان حابب يخليها ترجع لطبيعتها تاني عشان ترتاح
لف بالعربيه و قرر يروحلها و يحاول يغير مودها بأي طريقه ..
