لقاء كـ،ـ،ـارثي
نعيمه….بضحك ايه جبتها عليا
فضل…..لا مش كده بس انا مستني حضرتك يعني الفرش و تجهيز البيت بالنسبالي مش هياخدوا وقت عشرين يوم او شهر بالكتير
ليله…..لا ابدأ طبعاً و متسألش فيها هو انا يابت هتجوز و اروح لوحدي لازم تبقي معايا و بعدين زي ما اتخطبنا وراء بعض هنتجوز وراء بعض ولا ايه يا عم سلامه انت كمان مستني صيف وشتاء والجو ده
سلامه….بهدوء والله يا ليله ايه هي اللي حابه بردوا موضوع الصيف ده و انا مكانش عندي مشكله بس يعني الفتره دي موضوع اننا نتجوز بقي و منستناش مسيطر عليا شويه و بحاول اقنعها
ليله…..تقنع ايه علي اساس يعني انها مش موافقه ايه يا جزمه حابه الصيف اكتر من جوازك
ايه…..بابتسامه هاديه ااا لا بس يعني سلمي مشغوله و داخله علي جواز فا كده هنبقي مشغولين ومحدش فينا هيقدر يكون مع التاني
سلمي….انتي مالك ومالي اصلاً انا لو عليا اتمني تتجوزي قبلي عشان اكون مطمنه عليكي و بعدين يعني انا عارفه كويس انك مرتبطه بيا جداً و عارفه كمان ان جوازي قبلك ممكن يخليكي زعلانه
ايه….انتي عبيطه اكيد لا و بعدين انتي الكبيره
سلمي….انا مقصدتش كده يا متخلفه انا اقصد هتزعلي اني مبقتش معاكي و بعدين من امته في بينا كبيره و صغيره دي انا لو عليا والله بجد اتمني انتي وسلامه تتجوزوا قبلنا حتي لو بأيام
حسان….بابتسامه طب ايه رأيكم نعمل فرحنا مع بعض هي فكره مجنونه بس ممكن ولا ايه
ليله…..تصدق بالله انت راجل بتفهم وجدع
رشيد….بضحك طب والله حلوه ياريت
سلامه….بسعاده كبيره انا عن نفسي موافق
ايه….بضحك ايه الحماس ده
سلامه….انا حر انا موافق
سلمي….بابتسامه وانا كمان جداً
ايمي….ايه يا ست ايه
عشري….علي فكره فكره والله حلوه اوي و الفرحه تبقي اتنين
فضل…..انتوا اتخطبتوا مع بعض اتجوزوا مع بعض و الله هيبقي فرح يجنن
ايمي….بضحك انا عن نفسي موافقه
عسال….بضحك لا احظه بس خاسس ان فضل بيلمح لموضوع الخطوبه مع بعض ده ايه عايز تتجوز انت كمان مع عشري قبلي علي جثتي
فضل…..بضحك لو عليا اعملها عشان اضايقك يا واطي بس عشري وليله هما اول اتنين هيتجوزوا بعني نرجع من السفريه خلاص هيلعبوا في الوقت الضايع مش هنلحق احنا بس سلامه وحسان البيت عندهم يعتبر جاهز شويه ديكورات بسيطه هتتعمل و هيخلصوا فرشهم بسرعه و بما انهم هيبدأوا تشطيب البيت مع بعض ليه لا
عشري…..علي فكره انت كمان البيت عندك مش محتاج يعني تقدر تخلص بسرعه
ليله….اه والله خلصوا واتجوزوا معانا
فضل….احنا مش هنلحق يا ليله انا بيتي فاضي تماماً عكس عشري يعني مستحيل الحق في اسبوعين انا عايز نعيمه تختار براحتها و تجيب كل حاجه نفسها فيها مش عايزها تكون مستعجله كمان هيجي عليها وقت محتاجه تركز في الفرح و تجهيزاته هتتعب انا عايزها تخلص البيت و بعدين نبدأ نجهز للفرح فا خلينا نفرح بيكم انتوا الاول ونفرح بحسان و سلامه و بعدها اوعدكم افرحكم بينا قبل الواطي ده
عسال…..بضحك بعينك ده انا هتجوز بعد عشري و ليله اصلا لو ربنا اراد يعني
فضل….بضحك بس سيبولي بقي عسال نسابق الزمن انا وهو
ايمي…..بضحك انتوا نقركم من نقر بعض ليه
نعيمه…..بضحك والله هموت واعرف سر رخامتهم علي بعض دي
رشيد…..اعترفلكم انا بالسر ده
نعيمه….اه والنبي
رشيد….فضل و عسال بيحبوا عشري اوي و الاتنين بيغيروا من بعض في علاقتهم مع عشري يعني لو عشري قريب من عسال و بيهتم بيه فضل يغير و العكس مع عسال
ضحك عيال و فضل
عشري….بضحك انا سبب الخلاف القذر ده
نعيمه…..بتتكلم جد
رشيد….والله العظيم الاتنين من غير عشري يجننوا بس في وجود عشري انسي عشان كده هتلاقيهم ديما بيناقروا في بعض
ليله….بضحك طب ريح انت وهو بقي عشان جاتلكم اللي خدتوا خالص
حسان…..يلا قابلوا بقي لو هتعرفوا تسدوا علي ليله
عسال…..بابتسامه لا لو ليله عادي بس الرخم ده لا
رشيد…..طيب قولتوا ايه بجد في فكره حسان والله انا شايفها حلوه و تجنن
سلامه…..انا موافق هي توافق بي
ليله….اعتبرها وافقت يا سلامه
سلامه…..طيب و تامر هيقدر يلاحق علي البيتين
ليله…..هو مش قال اه تمام بس لو حسيت انه مش هيقدر او مش هيلاحق في مهندسين كتير عادي عشان بردوا ميبقاش ضغط عليه
سلامه….بتنهيده بس انا مش عايز تامر يزعل
سلمي…..مش هيزعل يا سلامه هو عرض و طلب هتقدر تخلص دي مع دي ولا لا لو قدر تمام مقدرش بردوا تمام هو عارف يقدر يمشي شغلوا ازاي
فضل…..بضحك بتطفشي زباين اخوكي
سلمي…لا بس الحق ميزعلش هو لو هيقدر هيدي كلمه لسلامه و هيبدأ في البيتين مع بعض مقدرش سلامه لازم يشوف الانسب ليه و اللي يرضيه كمان و يعملوا ودي حاجه متزعلش اخويا
بصتلها ايه باستغراب كانت فاكره ان ده مش هيبقي ردها و قفت معاها من غير ما تعرف حاجه مكانتش تعرف ان سلمي عارفه سلامه كمان كان مبسوط من سلمي و ليله و ايمي و حماسهم و تشجيعهم للفكره
ايمي…..علي فكره سلمي بتتكلم صح زي ماهو اخوها هي كمان اختها و ميتهيأليش تامر يزعل لما يعرف انه هيفرح باخواته مع بعض يعني مش هيفرق معاه مين عمل البيت المهم انه يفرح بيها
ليله….صح كده و بعدين حمودي هيفرح اوي لما تتجوزوا في نفس اليوم فا انا من رأيي في اسرع وقت تبدأوا تختاروا وتجهزوا بمجرد ما نرجع تشتغلوا علي طول تمام يا ايه يا هانم
ايه…بأبتسامه اااا تمام
ليله….بابتسامه لسلامه ابسط ياعم جاتلك الموافقه
ابتسم سلامه لأيه و سكت
ايمي…..طيب بما اننا اتفقنا علي السفريه و اتفقنا علي ترتيبات جوازكم و سمعنا كلام ليله ممكن بقي اخد البنات و نروح ننم مع بعض شويه و بعدين انا من وقت ما اتجوزنا هموت واجرب القاعده بره في الجنينه و مش عارفه يا ناس
رشيد….بضحك انا بدأت اتشائم من الجنينه دي بجد مفيش مره تقرر تخرج فيها الا و يكون بليل اوي الجو تلج بتمطر
ايمي….بضحك لا هخرج مع البنات الوقت
ليله….بأبتسامه طيب يلا قوموا حد يشدني انا اتحشرت
سلمي….بضحك تعالي هاتي ايدك
عشري كان لافف دراعه علي وسطها و اول ما جات سلمي تشدها مسكها
ليله….بصت لعشري بابتسامه سيب
عشري…..بضحك لا
ليله….اخلص يا بلطجي
عشري….بحب قومي يلا
عسال….حبيبي البسي الچاكت الجو برد
نادين….لا انا حرانه من الدفايه خالص
عسال….يالهوي علي الخدود القمر
عشري…..سمعوا ضحك بقت عامله شبه البلياتشو
نادين….بضحك بجد
عسال….والله في دايرتين كده بجد البسي هتتعبي
عشري…..عشان قريبه من الدفايه اشربي مايه قبل ما تخرجي ليله اشربي يا عمري مايه قبل ما تخرجوا عشان متتعبيش
عسال….لو ملبتستيش الچاكت هخرج اجيبك
نادين….حاضر هلبسوا والله
قاموا البنات كلهم و خرجوا علي بره شغلت ايمي الاضاءه كلها في الجنينه و راحوا عند التربيزات اللي شره الكافيه دي و قعدوا كلهم
ليله…..يالهوي علي البرد
ايمي…..عشان الدفايه جوه
نعيمه…..حرام صحيح كوبر قاعد كده ازاي
سلمي….ايوه برد عليه اوي
ايمي…..مش بيرضي والله يدخل الباب بتاع البيت مفتوح اهو سيبنا بقي من كوبر وحشتوني يا ولاد اللذيذه و وحشتني القاعده دي
سلمي…..بضحك انا وحشني النم بصراحه
ايمي….يلا بسرعه كل اللي عندها نم تقول قبل ما الرخمين دول يخلصوا و يرخموا علينا
نعيمه……نبدأ بليله اكيد عندها نم كتير
ليله….ليله قالت كل حاجه قولوا انتوا
ايمي…..هنستعبط يابت احنا عايزين نعرف كل حاجه سيبك من المشاكل و التكسير وتعبت عشري عايزين نعرف الجزء الحلو
ليله….بضحك عادي يعني مفيش
ايمي….ااااه واضح انها نسيت الشبشب
ليله….بضحك والله و حشني
نعيمه…..طب قولي بقي اي حاجه يعني لما الدنيا هديت بينكم عملتوا ايه كنتي بتنامي فين هبت منه ولا لا
ايمي….اه و ركزي علي كنتي بتنامي فين دي والنبي
ايه……انا بقي عايزه اعرف اللحظه اللي قررتي فيها ترضي بالامر الواقع
ليله….بضحك طيب اسمعوا سيبكم من كل ده انا عايزه اقولكم علي مصيبه عملتها
ضحكوا كلهم و قربوا علي بعض بحماس
ايمي….قولي بسرعه
ليله…..انا شربت حشيش
صوتوا كلهم و بصواها بصدمه
ايمي….احييييييه شربتوا مع بعض
ليله…..بضحك لا مش مع بعض هو عنده في الدريسنج درج مليان علب سجاير كل الانواع اللي تتخيليها و اللي متتخيليهاش و سيجار و بتاعه كده قالي اسمها و نسيتوا و من ضمنهم علبه فضي شكلها يجنن المهم يعني فتحتها و خدت منها سيجاره خدت نفسين طعمها معجبنيش بس قولت اخد نفس كمان و اطفيها بس اندمجت معاها و انا عماله اكمل تقليب في الدرج شربت نصها و عينك ما تشوف الا النور
ضحكوا كلهم
ايه…..سكرتي
ليله…يابت هي بتعمل دماغ يعني انا فاكره كل اللي حصل واعيه عادي بس مش انا مكنتش عارفه ابطل ضحكحاسه بنفسي بس مش عارفه اسكت
ايمي…..بضحك طب ايه وبعدين استغل الموقف
ليله…..بضحك لا والله حرام هو كان خايف يحصلي حاجه انا اللي كنت بتحرش بيه
نعيمه…..بضحك بتتكلمي جد
ليله….والله العظيم و خدني تحت الدش بهدومي عشان افوق نزل عليا مايه متلجه
ايمي….حرام عليكي الراجل واخد كلمه مع اخوكي
نادين…..طيب هو مش الحشيش ده بيبقي شبه الشوكلت ازاي حطتيته في السجاير
ليله…..يا هبله ده قبل ما يتحط في السجاير
ايمي….بضحك دي هبله سيبك منها انتي مشكتيش في الشمل في الطعم
ليله….الطعم لا والله انا اول مره اشربه و كمان حسيت ان ريحته اه غريبه بس السيجار كمان ريحته كانت غريبه فا قولت ده نوع او كارف عليه كمان شكلها مش زي اللي بتتعمل دي سيجاره ملفوفه زي السيجاره العاديه يعني معموله بحرفنه
ايمي….بضحك مش خابور
ليله…..بضحك لا خالص سيجاره عاديه بس الحمد لله عدت علي خير
سلمي….طيب متعصبش ولا عداها
ليله….لا خالص و الله هو كان فطسان من الضحك عليا اصلا و لما حس اني اتجنن و مش في وعيي خاف عليا عايزه اقولكم انه طول الليل حاسه بيه كل شويه يقوم يبص عليا و يحط ايده علي قلبي بس راسي كانت تقيله مكنتش قادره اقوم
ايمي…..انتوا عارفين اني جربته مره مع الواطي الاول
ايه….بضحك انا اتوقع منك اي حاجه يا خبره
ايمي…..بضحك لا والله كانت مره و محبتش احساسه رغم ان في ناس كتير بتحب الجو بتاعه و الدماغ بتاعته جداً بس انا بصراحه بشوف ان العقل الصاحي ده نعمه
ليله…..وانا كمان بس بصراحه كملت بضحك هو دماغه حلوه بس يعني محبش اني اجربه تاني خالص
نادين….بابتسامه يعني لو عشري قالك نشرب مع بعض مش هترضي
ليله…..مستحيل عشري اصلا مسك باقي العلبه فرتك ابوها في قلب الباسكت هو مش بيشرب دول مجامله يعني لو حد بيشرب من معارفه و اداله بياخدها عشان ميحرجوش بس هو قالي والله ما ليا فيه
ايمي…..لا صدقيه بيتهيألي مش جو الشباب كلهم
ايه….قولي بقي امته خدتي القرار تعفي عن الراجل
ليله….بصراحه هو انا اصلا عفيت عنه من اول يوم ما عرفت فيه سبب ارتباطه من الزفته دي و بعدها زاد اكتر لما رجعت و سمعت رسايله رجعت تاني اتجننت لما خدني و عرفت انه اتجوزني بس الحاجه اللي خلتني اهدي خالص لما قالي مش هلمسك و ده اتفاقي مع اخوكي انتي هنا بس عشان تسمعيني و تديني فرصه اشرحلك ابتسمت و بس كسرت شوبه و كسر شويه و بدأنا نهدأ
نعيمه…..طيب انا مش فاهمه هو كسر ليه و اتعصب عليكي ليه
ليله…..هو متعصبش عليا اصلا هو كان عامل زي الثور الهايج مع نفسه بيكسر في كل حاجه و انا اللي كنت بهديه كملت بضحك عشان بعد ما قفلنا معاكم قولتله انت هتفضل كداب و ده طبعك و مش هتغيره لاني من بدري عماله اقوله مش هيتصلوا يقولي شويه لما بتجمعوا بعدها عرفت ان انتوا مع بعض من بدري بس مكلمتونيش عشان اللي حصل معاكي فا اضايقت هو سمع بقي الكلمه كان جاب اخره
ايمي…..يا مفتريه و الله العظيم بيحبك
ليله…..بابتسامه خلاص بقي ده كان اول كام يوم الجنان ده اتجننت بثي انا عليه تاني بعد ما تعب و حبسني سبع ساعات معرفش هو فين و حصل معاه ايه و طلع كان بيعمل عمليه.
نعيمه….اه ما فضل قالنا
ايمي….حكولي اه بس صراحه حقك موقف مستفز بس اكتر حاجه تفرح بجد في الموضوع ان كل حاجه رجعت زي ما هي
سلمي…..ليله سؤال بجد و انا عارفه انك ميتحيل تكدبي بجد انتي مش شايله من عشري و لا مننا
ليله…..ورحمه امي يا سلمي ابداً يمكن لو علاقتي اصلا بعشري مش حلوه او لو كان في لينا مشاكل كنت هزعل و هضايق و هخسركم قبل ما اخسره بس انا بحب عشري و مكانش في بينا مشاكل اصلا و انتوا كمان عارفين علاقتنا ببعض كانت عامله ازاي مزعلتش والله في الاول اه بس لما هديت خلاص كنت مبسوطه لان انا بعترف اني مكنتش هقدر اخد الخطوه دي لوحدي كرامتي مكانتش هتسمحلي
ايمي….بضحك قولتلكم انا
ليله…..في حاجه كمان عايزه احكيهالكم
ايمي….خير
حكيتلهم ليله علي اللي حصل من مريم انهارده كانوا مصدومين
سلمي….يا نهار اسود هي ازاي بجحه كده
نعيمه…..البت دي عايزه علقه تصوم وتصلي بعدها
ايه…..والله تبقي عبيطه لو اضايقتي انها ترجع البيت خليها ترجع و سيبيني عليها انا ونعيمه نروح نفرم اللي خلفها
ايمي….ايه دي بجد دي مش طبيعيه
هي ازاي بجحه كده ازاي ليها عين تقف قدام عشري اصلاً و بعدين الراجل فضحك و وضح ان اللي عملوا ده كله عشان بس زعلتك ازاي قادره تكمل وهي كرامتها متسفلت بيها الارض.
نادين…..لولي بس خلي بالك من كلمه قالتها يعني اللي خسر فعلا كل حاجه مبيبقاش باقي علي اي حاجه انا خايفه عليكي منها
ليله….بابتسامه خايفه علي مين يابت ده واللي خلق الكون لا هديها درس يطلع من عينها يابت ده انا اكتر حاجه كانت قهراني في الموضوع كله ان عشري صمم يمشيهم من البيت قولت هجيبها ازاي دي و هتحتاج لفه كبيره و مجهود و مصاريف و دي رخيصه خساره فيها الجنيه بس كنت هجيب امها حتي لو في سابع ارض لكن يشاء المولي يجيبهالي لحد عندي و من غير ما اتعب نفسي تفتكروا بقي اسيب الفرصه دي
سلمي…..بس بصراحه شابو علي ثباتك الانفعالي و برودك و ثقتك
نعيمه….شابو ايه دي غبيه انا لو مكانك كنت جبتها من شعرها
ليله…..بهدوء و بنظره شر حاده عبيطه اللي تفكر ان العصبيه و الغلط و مد الايد اخد حق
نعيمه….انتي اللي بتقولي كده يا ليله دي انتي ضاربه رجاله و شباب قبل ستات
ليله…..بابتسامه صح بس عشان كانوا بيتشطروا علي بنت و فاكرين اني اضعف منهم لكن مريم دي بقي قصتها قصه اللي زي مريم دي خليها تتجرأ عليكي خليها تحس انها غلبتك بالكلام خليها تحس بضعفك و قلة حيلتك عشان تتفاجئ بعدين بوشك التاني اوقات البرود و الثقه بيقتلوا اللي قدامك بالبطئ
مريم اول مره كانت عامله زي الكتكوت المبلول لما خنقتها من رقبتها يومها قولتلها اخفي من قدامي قبل ما افقد اعصابي طارت و كنت واثقه انها خايفه مني اول ما نزلت من العربيه بس سكوتي و تجاهلي لكلامها و ابتسامتي خلوها ساقت فيها وده كان المطلوب
عشان لما اخد حقي منها لا يبقي في شفقه ولا في رحمه.
ايمي…..بابتسامه هتعملي ايه؟
لياه….بضحكه تجنن و هي بتنفخ سيجارتها كل خير
نعيمه…..معاكي انا في الليله دي
ايه….وانا كمان انا عندي طاقه غضب هموت واطلعها في حد
ليله…..تمام بس من غير لمس
نعيمه….من غير لمس ايه ده انا هنفخ امها
ليله…..لااااا هتمسكي العقل هقولك تعملي ايه مش هتمسكي هبقي لوحدي متنسيش انها حامل مش عايزين مصايب العقل احياناً افضل من الدراع
ايمي….وانا معاكي
سلمي….بضحك هي جات عليا معاكي طبعاً بس انا لا بعرف اضرب ولا اشتم
ليله…..بضحك لا متقلقيش الضرب و الشتيمه دول مبيعلموش وانا عايزه اعلم
نادين……بضحك بيتهيألي لو كده هتحتاجي دماغي
ليله…..بأبتسامه احيييييه كله الا دماغك هحتاجها طبعاً هظبط الدنيا و اقولكم
ايمي بضحك مدت ايدها كلهم حطوا ايدهم
ايمي…..اللي يجي علي واحده مننا نعمل في ايه يا بنات
كلهم مع بعض بضحك ناخده في حضننا
نعيمه…..دي هتاخد حضن يولدها قبل معادها ان شاء الله.
…………
فضل….هتعمل ايه طيب
عشري…..مش عارف بس مريم مينفعش تفضل حاسس انها ناويه علي الشر و بصراحه خايف علي ليله
عسال….خايف علي ليله من مريم ده بعد رد فعلها ده خاف علي مريم من ليله
عشري….بضحك ماهو انا خايف كمان من ليله رد فعلها اكدلي انها لو سامحت الكل مستحيل دي بالذات تسامحها
حسان…..طيب ما تتكلم مع ليله انت يا عشري و تجس نيضها ولو حاسس انها فعلا ناويه علي شر قولها بلاش و انك مش عايز مشاكل و قصه مريم دي تتقفل بقي عشان تعيشوا في هدوء
عشري…..مقدرش يا حسان اطلب منها طلب زي ده مقدرش اخليها تتحمل فوق طاقتها البت مستفزه بجد و بجحه و بعدين انا طلبت من ليله متنزلش عشان متستفزهاش و خوفت ليله تتهور و بيني و بينكم الحيوانه دي استفزتها كتير كنت انا اللي برد عليها عشان اتلاشي مشكله كبيره بس اتصدمت من رد فعل ليله
سلامه…..بصراحه ليله طلعت جدعه و انا اشك انها تعدي فعلا الموقف
رشيد….بضحك اقطع دراعي ان ماكنوا بيتفقوا عليها الوقت مع بعض
عشري…..بضحك مش بعيد
فضل…..ويمكن تكون عابزه تلعبها معاها حرب بارده بما انها شجعت فكرة ان مريم تفضل موجوده من الاخر عشان ترازيها بعد كده في الرايحه و الجايه
عشري…..لو علي كده مقدور عليها يا فضل بس انا مش ضامن مريم انت مشوفتش البجاحه والشر اللي في عينها خايف تغفل ليله بجد
حسان…..لازم حل قاطع للبت دي مع اهلها
عشري…..شكلهم شالوا ايدهم منها خالص و عموماً هي بتلعب في عداد عمرها مع ليله
……………..
سلمي…..بصوا هي زي القمر تجنن مفيهاش غلطه و يمكن انا مستغربه عشان كده و اللي خلاني مستغربه اكتر كمان نظراتها بجد يا بنات مشالتش عبنها من عليها كل ما ابعد عيني و ارجع ابصلها اللقيها بصالي و تبتسم
ايمي…..بابتسامه ده طبيعي يا سلمي يمكن علا انفصلت عن حسان و بإرادتها و اتجوزت و حبت جوزها و حياتها هاديه بس احنا الستات عموما بيبقي عندنا فضول نبص نركز حتي علي فكره الست لو مش بتحب الراجل و بتكرهه لما تعرف انه ارتبط
يبقي عندها فضول تعرف شكل اللي ارتبط بيها عامله ازاي بتتكلم ازاي بتشتغل ايه حياتها عامله ازاي بتلبس ازاي فضول
ليله…..ايمي معاها حق و هي كانت اول مره تتعرف عليكي وش لوش فا اكيد ده مجرد فضول
سلمي…..بس بصراحه هي في المجمل ست جميله لذيذه بتتكلم و بتاخد و تدي كده يعني مش رخمه
نادين…..طيب حسان موقفه كان ايه
سلمي…..عادي جداً بالنسباله كأنهم معارف كأن شادي ده صاحبه و هي مرات صاحبه فهماني حتي حوارهم مع بعض حوار عادي مفيهوش تكلف مفيهوش نظرات مثلاً نقاش عادي علاقه هاديه و مش ملفته حتي للنظر
ايمي……بس براڤو عليكي انك خليتي حسان يفضل
سلمي…..هنا صعبت عليا و بصراحه مكانش جوايا اي شعور بالغيره من ناحيتها يخليني اضايق انا سيبته و مشيت و انا تمام يمكن هو اللي كان مضايق مش انا
ليله…..المهم انك روحتي و شوفتيهم بنفسك و عرفتي علاقتهم شكلها ازاي عشان تبقي مرتاحه
سلمي….بصراحه مرتاحه
فضلوا يتكلموا مع بعض الشباب و البنات كل اللي كان في قلبه حكاها
معادا سلامه طبعاً اللي كان متحفظ جداً و ايه اللي كانت عارفه ان مفيش حد يعرف الحوار ده غير ليله بس
وبعد وقت طويل انتهت سهرتهم سلموا علي بعض و كل واحد اتحرك في اتجاه
سلامه خد ايه و سلمي يوصلهم و مرضيش يخلي حسان يجي
و عسال مشي مع عشري و فضل وراء بعض يوصلوا البنات
عشري كان حزين خالص و هو بيوصل ليله وقف تحت البيت و بصلها
ليله…..بضحكه جميله هتوحشني يا بلطجي
عشري…..انتي كمان هتوحشيني
ليله…..بضحك لا بص لو هتفضل مكشر كده هروح معاك و بالعافيه
عشري….بأبتسامه لا خلاص انا تمام
ليله…..لما تروح طمني
عشري…..حاضر يا عمري
ليله…..مش هتجيب بوسه
عشري…..بأبتسامه و تنهيده تعالي ضمها بحب و باسها من خدها بحبك يا ليله
ليله……بموت فيك يا قلب ليله بعدت عنه و بصتلوا بزعل خلاص بقي هعيط والله
خبطت نادين علي الشباك نزل عشري الازاز
نادين….بضحك هنام في حضن ليله وانت لا
عشري….بضحك تيجي منك انتي يا نودي
نادين…..بضحك طب خلاص صعبت عليا
عشري…..خد مراتك من قدامي يا عسال
عسال….بضحك و الله هي اللي جريت عليكم
نعيمه….ياعيني علي اللي حبيبته سابته
عشري…اااااه هكلع مسرح شكلي طب يلا يابت انزلي من هنا يلا و روحي لصحابك
ليله…..بضحك قلبت عليا يا بلطجي
عشري…..اه خلي صحابك ينفعوكي
ليله….ماشي يا عم شكراً
نزل عشري بهدوء و هو مبتسم
عشري….امشي يابت انتي وهي من قدامي الوقت
فضل…..بصحك ابعدوا عنه الوقت
راح عشري بهدوء فتحلها الباب
ليله…..بابتسامه ميرسي يا بلطجي
نزلت واول ما نزلت خدها في حضنه بكل قوته وباسها بحب
عشري……علي عيني يا بنت قلبي
ليله….بابتسامه خد بالك والله العظيم هركب و الجدع اللي يقدر ينزلني
عشري…..بحب لا خلاص انا تمام يلا يا حبيبي الجو برد عليكي انتي و البنات
ليله……ماشي
سلموا عليهم و خدوا ليله البنات و راحوا علي المدخل كانت عماله تبصلوا و هو واقف حزين و البنات عماله تغيظ فيه و فضل و عسال بيضحكوا عليهم طلعوا مع بعض و الشباب اتحركوا ومشيوا.
دخلت ليله بصت علي البيت كان واحشها اوي فضلت تلف فيه بس علي قد ما كان واحشها علي قد ما كانت حاسه انه بقي غريب عنها خلاص اتعودت علي بيتها الجديد
بصولها البنات و قربوا منها خدوها في حضنهم بسعاده.
بعد حوالي ساعه كانت غيرت و قاعده علي سريرها هي والبنات عشري روح و اتصل بيها كان صوته حزين من غيرها فضلت تتكلم معاه شويه و بعدين قفلوا عشان يناموا
نعيمه كانت بتنام علي نفسها راحت علي اوضتها و طلعت لياه علي السرير و خدت نادين في حضنها بس عقلها مع عشري.
……………..
في صباح يوم جديد علي الساعه واحده الضهر راحت نسمه لتقي زي ما اتفقوا فهمتها كل حاجه وليد كان هناك و اتبسط انها هتشتغل مع تقي و الشباب هو كمان فهمها تعمل ايه اتحمست اوي و كانت مبسوطه.
و بعدها اتحركت هي و ادهم علي عربيتين بس هي كانت وراء العربيه بعربيتها و تقي طبعاً مراحتش و كانت مقرره انها متروحش خلاص تاني .
في الطريق اتصلت نسمه علي نعيمه.
نعيمه…..الووو
نسمه….صباح الفل
نعيمه…..بابتسامه صباح الجنان خير ايه النشاط اللي في صوتك ده
نسمه….امممم يعني تقدري تقولي كده اني بدأت شغل
نعيمه…..حلووو مبروك فين
نسمه….بضحك يعني تقدري تقولي كده اني انضميت ليكم
نعيمه….يعني ايه انضميتي لينا
نسمه….بصراحه و من غير ما تتعصبي ده لو هتتعصبي يعني نزلت مع تقي و انكل وليد و صحاب تقي هشتغل معاهم في المزرعه و في تسليم الشغل
نعيمه….بأبتسامه احلفي كده
نسمه….بضحك والله و انهارده اول يوم
نعيمه…..طب وليه معرفتنيش يا جزمه
نسمه…..بصي هو الموضوع جه كده والله مكنتس متأكده منه و بصراحه كنت قلقانه ترفضي او تزعلي
نعيمه….انتي عبيطه لا طبعاً ليه اصلاً انا لو اعرف انك بتفكري في كده اصلا مكنتش همانع و بعدين انا كام مره اقولك تشتغلي اي حاجه معانا مكنتيش بترضي
نسمه…..واديني رضيت يا ستي و اختك هتشرفك
نعيمه…..لما نشوف و اهو بالمره استغلك و تعرفيني شيخ العرب بيعمل ايه من ورايا
نسمه….بضحك اوبااااا شاكه في من اولها
نعيمه…..لا والله ابداً ده حبيبي بس اهو اي رخامه كده
نسمه…..لا يا ستي مليش انا في شغل العصافير ده و بعدين هو لو عايز يعمل حاجه هيعملها قدام اختك يا غبيه سيطري انتي
نعيمه….مسيطره يا بت مش عارفه اختك ولا ايه بس قوليلي كده يعني ايه اللي حمسك كده بتقولي لتقي و مش بتقوليلي يا واطيه
نسمه…..والله ما قولت لتقي بصي قاكره لما تقي جات و روحت معاها و رجعنا بليل وصلناها انا و عدي و سليم
نعيمه….اه فاكره
نسمه…..بعد ما وصلناها واحنا راجعين كنت بتكلم انا وسليم و اتكلمنا عن الشغل و كده حكيتلوا يعني اني حاليا مش بشتغل و بدور علي حاجه مناسبه بس تاني بوم لاقيته بيتصل عليا عرض عليا الفكره دي قالي يعني تبقي مثلا فكره مؤقته بما اني زهقانه وكده و بصراحه الفكره عجبتني بس قولتله اني هتحرج اطلب ده منك او تقي فا قالي انا هتصرف فا غالبا هو قال لعدي بحكم ان تقي و عدي في بينهم كلام يعني و تقي لما عرفت قالتلي مقولتيش ليه و طبعاً انزلي و الشغل كتي ونساعد بعض و بس دي كل القصه
نعيمه….بابتسامه قولتيلييييي سليم اخو عشري طب والله حلو الكلام ده واضح يعني انه اهتم و كده
نسمه….بضحك لا بصي بلاش دماغك تروح لبعيد و سلكي نيتك شويه
نعيمه…..بضحك هو انا نطقت ولا علي راسك بطحه
نسمه….بضحك ااااه طب ققولك ايه انا هقفل ورايا شغل مش فضايلك و لا فاضيه للحفاه بتاعتك
نعيمه…..بضحك طب استني بس هقولك
نسمه….قولي
نعيمه…..كان في يعني كده سفريه اتفقنا عليها انا و البنات و الشباب يوم الخميس الجاي ده علي طول بعد الماتش و يعني علي حسب معلوماتي ان هي هتبقي سفريه كده فيها مجموعه حلوه يعن اخوات ايمي و تامر و ليله قالت هتقول لتقي و بيتهيألي يعني عشري هيقول لاستاذ سليم فا قولت اقولك يعني لو تحبي تيجي
نسمه….بضحك جايه وش طبعاً
نعيمه….بضحك اه يا واطيه نيتي انا اللي مش سالكه
نسمه….بضحك كنتب بتوقعيني ولا ايه و المصحف احنا صحاب عادي
نعيمه….والله مش بضحك عليكي
نسمه……طيب ابوكي هيرضي
نعيمه….ملكيش دعوه سيبيها عليا و هقول لنادر كمان
نسمه….بضحك ما بااااش يعني نادر
نعيمه….اااااه عايزه تصيعي براحتك لا متقلقيش ما انا مش هسيبك براحتك يعني لو نادر مجاش
نسمه…..بضحك انتي مقدور عليكي
نعيمه…..علي اساس اخوكي بيرخم يعني
نسمه….ياستي خلاص قوليلوا بس اقنعي انتي بابا
نعيمه….ماشي يا ستي
نسمه….يلا انا هروح بقي و نبقي نتفق بعدين
نعيمه….ماشي خدي بالك من نفسك و ركزي
نسمه…..حاضر يا قلبي يلا باي
نعيمه….باي
…………………
بعد حوالي ساعتين بالظبط و صلت نسمه و ادهم علي زايد و دخلوا علي الكافيهات سليم كان عارف انها جايه و كان مستنيها عدي كمان عرف منه و كان متوقع ان تقي تيجي معاها اول يوم بس اتفاجئ انها مجاتش
وهنا بقي كان اتجنن و بدأ يبقي مش علي بعضه من غير ما يحس احتلت تقي تفكيره طول الوقت بيفكر فيها مش مركز في شغلوا اوي عصبي شويه بيحاول علي قد ما يقدر يلهي نفسه في الشغل بس مكانش عارف يلف يلف و يرجع لنفس النقطه (( تقي))
سليم…..بابتسامه مبروك
نسمه….بضحكه جميله الله يبارك فيك انت السبب في الشغل ده علي فكره
سليم…..ولا سبب ولا حاجه المهم انك نزلتي و كويس يعني عشان نشوفك اكتر
نسمه…..بابتسامه ادعي بس معكش الدنيا و اتطرد انا اول مره اشتغل شغل زي ده
سليم….بضحكه جميله لا متقلقيش انا معاكي يا ستي لحد ما تبقي شاطره خالص بس في السر بقي
نسمه…..ايوه في السر احسن يفكروك بتغششني و يطردوك معايا
سليم…..بضحك صح لازم نمشيها كده بهدوء المهم مبسوطه
نسمه….جداً و متحمسه هو واضح يعني انه هيبقي في تعب و مشوره كتير بس مبسوطه
سليم….كام مره كده و هتتعودي و هتحبي الموضوع
نسمه….انشاء الله
قرب عدي منهم و ابتسم
عدي….اهلااااا بالموظفه الجديده
نسمه….بضحك اذيك يا عدي
عدي…..الحمد لله والله كله تمام
نسمه….خد بالك يا عدي انت كمان كنت سبب في شغلي ده يعني لولا انك قولت لتقي مكنتس هقول انا
عدي…..لا عادي انا معملتش حاجه و بعدين انتي مش محتاجه تستأذني من حد او تتوسطي يعني لو مش كلنا هنساعد بعض في الشغل ده مين هيساعد بس المهم صحيح هي فين المجنونه مجاتش معاكي يعني
نسمه….كانت في المزرعه مع انكل وليد و بعدين هي اتفقت معايا ان هي بعد كده هتسلمني انا و ادهم و تمارا من المزرعه و غالباً هتروح هي المطعم عند البنات و كام مكان تاني و انا وادهم هنبقي في زايد
بص سليم لعدي بهدوء.
سليم….يعني مش هتيجي هي هنا تاني
نسمه…..والله معرفش بس من كلتمها يعني اننا هنقسم الشغل علينا انا وادهم في زايد و كام مكان تاني و هي و تمارا المطعم و بردوا كام مكان تاني و هي هتروح المزرعه
سليم….امممم فهمت
نسمه…..صحيح عرفتوا موضوع السفريه ده
عدي…..مين مسافر
نسمه…..محدش مسافر دي سفريه فسحه يعني نعيمه كانت لسه بتكلمني و قالتلي عليها و المفروض بعني ان عشري يقولكم
سليم….سفريه ايه و عشري ايه مش فاهم حاجه
نسمه….بص هو اللي فهمتوا يعني ان نعيمه و البنات و عشري و الشباب متفقين يسافروا بعد الماتش يوم الخميس فين نسيت اسالها والله بس هي قالتلي هتيجي معانا و قالت ان كل واحد فيهم هيقول لاخواته و عشري المفروض هيقولكم
سليم…..هو لسه منزلش و حتي فضل مشفتهوش
نسمه…..فضل في الكافيه التاني لسه شيفاه و مسلماه بس يعني اكيد هيقولكم
سليم…..طيب و تقي جايه و لا ايه
نسمه…..اه نعيمه قالتلي ان ليله هتقولها
عدي….بابتسامه هاديه اااا عشري اكيد هيفهمنا لما ينزل
نسمه….طيب انتوا هتيجوا و لا لا
سليم….هشوف كده مع عشري ايه نظام السفريه دي بس لو زي ما بتقولي كده هاجي اكيد
نسمه…..بابتسامه وانت يا عدي علي فكره تامر و محمود اخو ايمي و نادر اخويا احتمال كبير هما كمان يجوا معانا
عدي….بهدوء هشوف بس انشاء الله هاجي
نسمه…..خلاص تمام و انا هبقي اتصل علي تقي كده و هشوفها هتعمل ايه
عدي…..خلاص تمام يلا انا هدخل ابص علي الشباب كده
نسمه….اوك باي يا عدي
عدي….باي
سليم…..بابتسامه بقولك ايه تشربي ايه كده لحد ما الشباب تخلص
نسمه….هما قربوا خلاص
سليم…..لسه قدامهم حبه يلا قولي و تعالي جوه كده من الهواء ده
نسمه…..بابتسامه ماشي
دخلت معاه علي الكافيه بحماس و سعاده ليها هي و سليم
اما عدي فا كان مبسوط و في نفس الوقت بدأ يحس ان تقي عامله ده قصد خصوصا بعد كلام نسمه عن اتفاقهم في توزيع الشغل و كان واثق ان لو هي قاصده ده ممكن اوي لو عرفت انه رايح مش هتروح هي فا كان بيفكر في حل عشان يقدر يشوفها او يكلمها فكر كتير يروحلها عند البيت بس محبش يعمل كده عشان وليد و عشان ميعرفاهاش معاد نزول ثابت فا ثرر يلاقي حل يخليها تروح و في نفس الوقت يقدر يشوفها و يعرف مالها.
و للحديث بقيه …..
