لقاء كـ،ـ،ـارثي
عند عدي هو كمان مكانش علي طبيعته مشتت دماغه مش مبطله تفكير محبش يتكلم مع سليم في السبب اللي هو شاكك فيه من ناحية تغير تقي بخصوص حبيبته..
هو كان حاسي ان ده السبب بس مكانش متأكد و مكانش فاهم اصلا لو هو ده السبب الرئيسي طيب تصرفها ده معناه ايه غيره مثلاً و لا اضايقت من كلامه عنها رجع تاني قال لا لان هي اللي سألته وهي اللي فتحت الموضوع و رجع تاني فكر انها مثلا بعدت عشان هو مرتبط و لا بتعمل كده عشان تشوف رد فعله
مكانس لاقي إجابه لكل الاسئله اللي في دماغه الحاجه الوحيده اللي كان متأكد منها انه مخنوق و حاسس انها فرقت معاه و دي كانت حاجه اول مره يحس بيها..
مسك عدي الموبايل و اتصل عليها و هو في قمة خنقته من كتر التفكير رن مره اتنين تلاته اربعه و دي كانت اول مره يعملها انه يتصل وراء بعض كده كأنه بيقولها هفضل وراكي لحد ما تردي بس هي مردتش.
مسك الموبايل بغضب فتح الرسايل و بعتاها رساله طويله بعد ما خلاص كان جاب اخره.
اذيك يا تقي بصي اما بقالي يومين معرفش عنك حاجه اتصلت بيكي كتير مرات يرن مرات تكوني وايتنج
و مع ذلك مش بتتصلي فكرت كتير انك تكوني تعبانه او عندك مشكله او في حاجه حصلت معاكي انا معرفهاش و بيتهيألي في كل الرسايل اللي بعتها كلن باين من سؤالي اني حابب اطمن و بردوا مردتيش مع انك بتشوفي الرسايل و عارفه كويس اني شايف انك قرأتيها
و بردوا مفرقش معاكي مع اني بردوا عرفتك اني بضايق من التجاهل و مش بحب الطريقه دي و طلبت منك اكتر من حل يا تكنسلي يا تردي برساله او مكالمه سريعه انك مش عارفه تتكلمي و قولتي حاضر و بردوا منفذتيش كلامك و انا بعد كل ده مكنتش حاطت في دماغي لا نجاهل و لا حاطت في دماغي قلة تقدير ولا حاطت في دماغي غير اني بجد كنت قلقان عليكي لدرجه اني فكرت كتير اجيلك وافضل مستني تحت بيتك لحد ما تنزلي واطمن عليكي بس مرضتش عشان معملكيش مشكله مع وليد او احطك و احط نفسي في موقف محرج وقولت استني اكيد هترد او تتصل
لحد ما جات نسمه انهارده و شوفتها و عرفت منها انك اتفقتي معاها انك مش هتيجي هنا تاني و هي و ادهم و تمارا بس اللي هيجوا و انتي هتروحي اماكن تانيه عرفت ان انتي كويسه و بخير و فهمت ان في مشكله من ناحيتك ليا بس حاولت افهم ممكن اكون زعلت او ضايقتك في ايه ملاقتش اي حاجه غير انك مش حابه تتكلمي معايا مش حابه نكون صحاب مش حابه يكون في تعامل بينا و انا يا ستي متعودتش اكون تقيل علي اي بني ادم و لا اتعودت اكون شخص غير مرغوب فيه و متقلقيش انا لا هتصل تاني ولا هضايقك تاني برسايل و حتي لو حبييتي تغيري رأيك و تتابعي شغلك زي ما كنتي لو شوفتك مش هقرب منك بس انا كان نفسي يعني انك تقوليلي ده بنفسك من غير ما تلجأي للطريقه دي لانها بجد مش حلوه و فيها اهانه يعني مش ظريفه من الاخر بيتهيألي انتي مشوفتيش مني حاجه وحشه خالص الكام مره اللي شوفتك و خرجنا فيها مع بعض اتفقنا مكون صحاب و كانت الدنيا بينا حلوه و انتي فجأه اتغيرتي عموماً حصل خير و من بعد الرساله دي مش هضايقك متقلقيش..
بعتلها الرساله و حط الموبايل في جيبه و هو بجد مخنوق يمكن هو كان باعتلها كل الكلام ده عشان يستفزها و يخليها ترد لكن اما كتبه كان حاسي بيه و بدل ما يستفزها حس هو بخنقه و غضب غير مبرر بالنسباله.
اما عند تقي بمجرد ما سمعت صوت اشعار بعد اتصاله عرفت انه بعت رساله استنت شويه و بعدين فتحتها قرأتها كلها و حست بخنقه فظيعه هي كمان كانت بتحاول تبعده عنها بكل الطرق و كانت مضايقه انه فهمها غلط او يمكن هي كانت عايزه كده عشان يبعد عنها بس الحقيقه اللي مقدرتش تنكرها بينها و بين نفسها ان الرساله ضايقتها و حست انه مضايق جداً من اسلوب الكلام و مكانتش عارفه تعمل ايه يمكن هي وصلت للي هي كانت عيزاه طول اليومين دول بس أضايقت بجد بينها و بين نفسها…
………………
بعد وقت مش طويل اوي وصل سلامه قدام المحل عند ايه كانت واقفه بضهرها بتقفل المحل بعد ما سلمت الكلب و كانت هتروح سمعت صوت الكلاكس بصت وراها لاقيته شاورلها بأيده تيجي
قفلت وراحت وقفت قدام الشباك اللي جنبه.
ايه…..انت اللي جابك
سلامه…..ايه اشتريتي الشارع
ايه….بأبتسامه هاديه انا بتكلم جد
سلامه….اركبي
ايه…..مش راكبه انا مروحه
سلامه….هو ابه اللي مش راكبه اركبي يا بت بدل ما انزل اجيبك من شعرك
ايه……سلامه بص انا علي اخري قولتلك اخرج لوحدي انتي مش راضي سيبني بقي امشي الله يباركلك عشان متقلبش معانا بخناقه
سلامه….ده علي اساس يعني انتي شبح و كده اركبي بدل ما انزل اوريكي الخناق اللي علي حق
ايه…..طب انت شكلك رايق و انا مش رايقه سلام
نزل بسرعه و مسكها من كفها قبل ما تعدي الشارع
ايه….انت بتعمل ايه انا عايزه اروح
سلامه….هديكي بوكس في وشك هكسر صف سنانك اركبي يلا
ايه…..يا عم مش عايزه اخرج انا و مش عايزه اروح في حته انا عايزه ابقي لوحدي
سلامه….اخللللصي الناس بتتفرج علينا
ايه…اوووووف
سلامه….انفخي انفخي اووووي
ركبت و رزعت الباب
سلامه….ده مش باب بيتكم ده اقفلي كويس
ايه….اركب وخلصني
سلامه……براحه شويه مش شغال عندك انا
بصتلوا بغضب و سكتت ركب سلامه و اتحرك بيها
ايه…..ايوه هنروح فين ان شاء الله
سلامه…..هرميكي من علي جبل المقطم او من فوق النيل او ممكن البرج و اخلص منك بقي مش ناقصه قرف
ايه…..طب وعلي ايه الفرهده تروح وتيجي ليه ما افتح الباب و اخلصك في ثانيه
سلامه….بضحك يا بنت المجانين بت بتعملي ايه
ايه…..انت عايز ايه الوقت
سلامه…..عايز العب معاكي لعبه اللي هيفوز فينا هيعزم التاني علي الغداء
ايه….مش عايزه اكل
سلامه….عادي متاكليش بس لو فوزت اعزميني و لا انتي بقي بخيله و مش حابه تعزميني و لا خايفه تخسري
ايه….سلامه انت عبيط
سلامه…..لا بس سعات ليه
ضحكت ايه و بعدت وشها عنه
سلامه……بضحك اخلصي بقي موافقه
ايه….موافقه علي ايه
سلامه….نلعب
ايه….وهنلعب ايه بقي
سلامه…اهو دن السؤال الصح استني
ركن سلامه العربيه علي جنب و فتح الدرج بتاع التابلوه طلع نوت و اقلام قطع و رقتين و فضل بكتب حاجات و بعدين اداها ورقه
سلامه….هتلاقي كشكول هنا تاني اسندي عليه
ايه….وهي باصه علي الورقه انت بتستعبك جماد حيوان ايه عندك طفوله متأخره
سلامه…..طب بلاش تريقه مش تتريقي لو عرفتي تلعبيها اصلا يا بنتي انا محدش يقدر يغلبني فيها
ايه….والنبي اسكت انا بصباعي الصغير اغلبك
سلامه….الورقه والقلم في ايدك و المايه تكدب الغطاس كل واحد فينا هيقول حرف و هي مره عليكي و مره عليا هنشوف الحرف اللي هقولوا هتجيبي كام و الحرف اللي هتقوليه هجيب كام و الاكتر هو الكسبان و الاقل هو الخسران و هيعزم التاني قدامك اهو ولد بنت جماد حيوان بلد و اكله يعني سته كل حاجه صح من عشره يعني المجموع ستين جاهزه
ايه …اااا اه جاهزه انت الاول لحد ما افكر في حرف.
سلامه…..ماشي يلا ابدأ
ايه…..ماشي ابدأ
سلامه….حرف الصاد
كتبت ايه بسرعه و هو كمان كتب بسرعه عطلت ثواني في الاكل و هو في البلد
سلامه….اتوبيس كومبليت
بصتلوا ايه بغضب طفولي
ايه….انت بتخم علي فكره ده حرف صعب
سلامه….مليش فيه في دورك اختاري حرف صعب يلا قولي كتبتي ايه و انا هقولك الولد
ايه….صابر
سلامه….صبري
ايه….صابرين
سلامه….صبا
ايه….صندوق
سلامه….صندوق
ايه….علي فكره انت بتقول زيي وريني كاتب ايه
سلامه….انا مقولتش ذيك غير صندوق هو ايه اللي انت بتقول زيي اخلصي الحيوان
ايه….صقر
سلامه….صقر البلد
ايه…..معرفش مكتبتهاش مفيش بلد بحرف الصاد
سلامه….هبله سيريلانكا
ايه….صربته في كتفه انت بتستعبط دي بالسين ايه ساقط ابتدائيه
سلامه…..بضحك انا بردوا اللي ساقط هي سيريلانكا
ايه….والمصحف هشخبط علي وشك دي بالسين الغيها
سلامه…..بضحك طب نحسبها خمسه طيب عشان المحاوله
ايه….ولا واحد صفر صفر
سلامه…..ماشي طب الاكله انا كتبت صامولي
ايه….انت كده بتألف و هزعلك
سلامه….بضحك طب والمصحف مش بألف اعملي سيرش ده زي الفينو عندنا كده بس في بلاد عربيه بتقول عليه صامولي انا بصراحه كنت بخمك في البلد بس والله دي بجد
ايه…..طيب هعمل سيرش
سلامه….ماشي اعملي
بصت ايه علي الموبايل فضلت تقلب شويه و بعدين بصتلوا و سكتت
سلامه….ايه صدقتي
ايه….ماشي مافرحش اوي كده مع انك يعني مجبتش اكله انت اختارت حاجهب تتنطق في بلاد تانيه باختلاف يعني ممكن اقولك لا بس هطلع اجدع منك و اعديها
سلامه….اتنيلي لما نشوف كتبتي ايه
ايه….بابتسامه صراصير
سلامه…..بصلها بقرف الله يقرفك انزلي يابت ابو اللي يلعب معاكي
ايه….بضحك ايه طب علي الاقل انا جيبت اكله انت جبت حاجه باختلاف لهجات
سلامه…..هو انتي بتاكلي صراصير يا معفنه يابت ده بياخد بالشبشب
ايه….بضحد اه الصين بياكلوها تبقي اكله اعترض بقي
سلامه…..وجعتي معدتي ربنا ينتقم منك
ايه….بضحك والله لا هحسبها ادي عندك ولد و بنت عشرين واكله يبقوا ثلاثين البلد مكتبتش و الحيوان و الجماد زي بعض يعني اربعين
سلامه…..بقرف وانا اربعين ذيك لو مش هتحسبي البلد
ايه….مش هحسبها طبعاً يا ساقط
سلامه….بضحك طب يلا دورك
ايه…..اممممم بقولك ايه هو يعني في البلد مثلا عشان نسهلها علي بعض ممكن مدن و محافظات
سلامه….اه حلو ده ماشي
ايه…..اشطا حرف الـ ظ
سلامه…..ااااايه
بقت تكتب بسرعه وهو عمال يفكر و يضحك
سلامه…استني بتكتبي بسرعه كده ليه علي اساس الحرف سهل
ايه…..بضحك اخلص و المصحف لو هلصت ما هسيبك تكتب حرف
سلامه…ااااا يابت استنييييي
ايه كانت ميته من الضحك و هو بيضحك
ايه…..اتوبيس كومبليت سيب سيب و المصحف هدب القام في عينك
سلامه….بضحك خلاص و الله سيبت
ايه…..يلا قول الولد ظافر
سلامه….زكريا
ايه…..يخربيييييتك انت بتهزر و لا بتتكلم جد
سلامه….بضحك ايه مش صح بردوا
ايه….انت خرجت من الابتدائيه زق
سلامه….بضحك يابت ما انا مش لاقي
ايه….لو فكرت هتلاقي يا غبي طب البنت
سلامه….ظررررريفه
ايه….بضحك والله مافي اظرف منك
سلامه….والله في بنات اسمهم كده انتي بقي كتبتي ايه يا اذكي اخواتك
ايه…..ظافره
سلامه….وحياه امك لا مش لاعب انتي غشاشه
ايه……بضحك وهي بتموت جنبه والله في بنات اسمهم كده
سلامه….بنرفزه تضحك والله انتي غشاشه
ايه …طب اعمل سيرش والله
سلامه….بغضب مش عامل اخلصي
ايه…..كتبت الجماد ايه
سلامه….مفيش جماد بالحرف المنيل ده
ايه….بضحك ظرف
بصلها بطرف عينه و هو مش طايقها وهي ميته من الضحك
ايه…..ايه في ولا مفيش
سلامه….اخلصي يا بت
ايه…..البلد
سلامه….اه اخترعي بقب والله مافي بلد بحرف ال ظ المنيل ده
ايه….انا قولتلك ينفع مدن او محافظات قولت اه
سلامه…..ولا في مدن ولا في محافظات يلا اخترعي بقي عشان اجيبك من شعرك
ايه….فطست من الضحك لا في ظهران و دي مدينه في السعوديه
بصلها بغيظ و هو بيعظ علي شفايفه
سلامه…..اه انتي فكرتي بقي في الخرف و جايه تعمليهم عليا مجهزه نفسك
ايه…..بضحك علي فكره انت اللي قولت علي اللعبه و فجأتني يعني انت اللي كنت مجهز الحرف في راسك انا قولت علي طول اخلص كتبت الحيوان ايه
سلامه…..متنيلتش و مفيش
ايه….بضحك ظبي
بصلها و ابتسم بغيظ
ايه …ايه قول غلط
سلامه….اخلصي يلا عشان هتغابي عليكي الاكله كتبتيها ايه
ايه……بضحك انت كتبت ايه؟
سلامه…..يابت ده حرف واطي اكتب فيه ايه ده
ايه….بضحك الاكلي ظبي بردوا
سلامه…..لا انتي كده بتستظرفي
ايه …ياغبي ماهو اللحم بتاعه بيتاكل والله كملت بضحك يا فاشل يا فاشل لا وجاي يترسم عليا و هكسبك جمع يلا و لا استني انت كنت اربعين و معاك عشره بتاعت ظريفه ودي جدعنه مني عشان مبقاش في حد يسمي الاسم المهزق ده يعني خمسين
بصلها بغيظ و هو مبتسم
ايه…..انا بقي كنت اربعين و جبت في كله عشره يعني ستين كدن يبقي ميه هاااااااااااا كسبت يلا يا حبيبي يلا يا بابا انت قولت اللي هيخسر هيعمل ايه
سلامه….هيعزم التاني
ايه…..حلو يلا عايزه اكل و بعد الاكل عايزه اكل تشيز كيك
سلامه….احنا اتفقنا علي غداء
ايه….لا انا براحتي انا كسبانه بفرق خمسين نقطه يعني مسمعش صوتك يلا اتحرك
سلامه…..ماشي ماشي حلو الكلام ده و ربنا ما هسيبك يا ايه و هلعبها معاكي تاني و المره الجايه هحضرلك حرف متعرفيش تلاقي فيه كلمه
ايه….بضحك هكسبك بردوا
ابتسم سلامه و اتحرك بالعربيه و كان مبسوط انه عرف يضحك عليها بلعبه و يغير مودها من غير ما يتكلم معاها او يسألها في اي تفاصيل و هي نسيت نسفها معاه و اللعبه عجبتها و كانت مبسوطه اوي انها فازت عليه.
………………..
مر اليوم باحداث هاديه.
خلصت ليله مشاويرها و راحت خدت نعيمه نزلوا مع بعض اشتروا حجات من السوبر ماركت و اتمشوا شويه.
طول اليوم عشري معاها علي التليفون و فضل مع نعيمه.
ايه خرجت مع سلامه اتغدوا و راحوا علي مكان تاني جابلها تشيز كيك و فكها من الضغط خالص و طول القاعده تضحك و تهزر و نسيت خالص اللي كان مضايقها
تقي و عدي حالهم كان يشبه بعض الاتنين مضايقين بس هو من وقت ما بعتلها لا اتصل ولا بعت تاني و هي علي قد ما حبت ده بس كان جواها شعور خنقه غير طبيعي
روحت ايه و سلمي بليل و اتكلموا مع احمد علي السفريه و اتفاجئوا انه عرف من ليله ومن ايمي كمان اتصلوا عليه و عرفوا ان السفريه هيكون فيها حنان و اخواتهم و تامر كمان لو حابب يروح معاهم يروح و وافق احمد و تامر كمان وافق و علي قد ما البنات فرحوا علي قد ما اتصدموا ايه اتصدمت عشان خافت يحصل اي حاجه في السفريه دي و سلمي اتصدمت لانها مكانتش عيزاه يجي خالص و مشكلتها الكبيره
انها كانت بتحاول تتكلم مع تامر و مش لاقيه وقت احمد وايه معاها و مش قادره تاخدن بره تكلموا لانها كانت حابه الكلام يتفتح في وسط نقاش عادي و مش حابه تبين انه مقصود عشان متعرفوش ان سلامه وايه حصل بينهم مشكله بسببه ولا ان في موضوع حصل بسببه اصلا عشان الموضوع ميبقاش كبير كانت حابه لما تتكلم معاه الكلام يكون عباره عن نصيحه مش اكتر.
…………….
في غرفه عسال اتصل علي نادين كان حابب يرغي معاها شويه قبل ما ينام
عسال…..الووو
نادين….الو
عسال…..حبيبي القمر بيعمل ايه
نادين….ملكش دعوه
عسال….ايه ده طب ليه بس انا عملت ايه
نادين…..هو كده ملكش دعوه وخلاص
عسال…..حاضر اللي انتي شيفاه كلتي
نادين…..ملكش دعوه
عسال….اممم طيب القمر بتاعي ماله
نادين….مفيش
عسال…..لا في ده زعلان خالص
نادين….ميدو
عسال….عيون ميدو
نادين….انا زهقانه
عسال….من ايه بس يا عمري
نادين…..ملكش دعوه
عسال….بابتسامه حاضر
نادين…..انت عارف انك وحشتني
عسال….انتي كمان ياعمري وحشتيني اوي
نادين…..ميدو
عسال….قلب ميدو
نادين….انا زعلانه
عسال…..من ايه يا قلب بابي
نادين….الايرد بود بتاعتي وقعت
عسال…..فداكي يا روحي بكره هيكون عندك احلي ايربود
نادين….لا ماهي وقعت في العربيه مش وقعت خالص
عسال….بضحكه جميله طيب كويس زعلانه ليه بقي
نادين…..ملكش دعوه
غمض عينه وهو بيضحك بهدوء علي هرمونات النوم اللي بتجيلها كان حاسس انها طفله بيسايس فيها
نادين…..ميدو
عسال…..روح ميدو
نادين….انا جعانه
عسال….طب قوم يا قلبي كل
نادين….لا مليش نفس
عسال….بضحك طب خلاص بلاش
نادين…..ميدو انت وحشتني
عسال…..بأبتسامه تجنن و انتي يا روح قلبي
نادين….علي فكره بقي انا بكرهك
عسال….بابتسامه طيب يا روحي
نادين….اااام ميدو انا زعلااانه
عسال…..ليه يا حبيبي بس
نادين…..الاكل بتاع السمك خلص و هما جعانين
عسال….بكره هجيبلك اكل
نادين….ماهما بكره هيموتوا
عسال….لا ياروحي مش هيموتوا متخافيش
نادين…..ميدو
عسال…..حياة ميدو
نادين…..انا بحبك اوي
عسال….وانا بموت فيكي
نادين…..هو انت كلت
عسال…..اه ياعمري كلت
نادين….كلت من غيري وانا جعانه
عسال….طيب انا معرفش فكرتك هتاكلي يلا حبيبي قومي طيب كلي وانا معاكي
نادين…..لا مش عايزه
عسال….طب ليه يا روحي
نادين….مليش نفس انا عايزه انام
عسال…..طيب روحي نامي خلاص
نادين…..مش هتاخدني في حضنك يعني مصدقت تخلص مني
عسال….لا مقدرش انا بحسبك عايزه تقفلي
نادين……انا بكرهك يا ميدو
عسال…..طيب يا روحي اللي يريحك
نادين….يعني ايه يعني مش فارق معاك
عسال…..لا فارق طبعاً بس انا عايز اريحك
نادين….ميدو
عسال….عيونه
نادين….هو انا بكره هشوفك؟
عسال….حاضر هخلص شغلي واجيلك
نادين…..يعني شغلك اهم لا مش عيزاك تيجي خلاص
عسال……طب خلاص هجيلك هتفتحي عيزنك تلاقي قدامك
نادين…..لا متجيش عندي اصلا مش هدخلك و بعدين انا عندي شغل مش فضيالك انا
ضحك عسال بهدوء علي الجنان اللي مش لاقي فيه حل
عسال…..طيب حاضر اللي يريح القمر هعملوا
نادين…..ميدو
عسال….نعم يا روحي
نادين……انا بحبك
عسال….وانا بموت فيكي
نادين….انت مش هتنام
عسال…..هنام بس بكلمك هتنامي امته
نادين….ملكش دعوه
عسال…..بأبتسامه حاضر
نادين….امممم ميدو
عسال….ايوه يا روحي
نادين….. انا بكرهك اوي
عسال…..طيب يا حبيبي وانا بحبك
نادين…..امشي يلا انا عايزه انام
عسال…..حاضر يا حبيبي تصبحي علي الف خير
نادين….بحبك يا ميدو
عسال….وانا بحبك يا قلب ميدو
نادين….نام علي طول عشان متتعبش
عسال…..حاضر وانتي كمان اقفلي ونامي علي طول
نادين….ملكككش دعوه
عسال….بضحك حاضر انا اسف
نادين….خدني في حضنك
عسال…..اكيد هاخدك يلا اقفلي
نادين….مش قافله
عسال….بضحك طيب خلينا
سكتت شويه و هو فضل ساكت و مبتسم بهدوء و فضل معاها علي الخط و من صوت نفسها حس انها نامت و فجأه ضحك لما سمع صوتها
نادين…..ميدو
عسال…..ابوه يا قلب ميدو
نادين….انت رخم خالص
عسال…ليه بس يا حبيبي
نادين…..عشان انا عايزه انام و انت مش راضي تقفل
عسال…..بضحك لا خلاص انا هقفل او يلا قلب بابي روحي نامي تصبحي علي الف خير
نادين….وانت من اهل الخير يا احلي بابي في الدنيا
عسال…..باي ياروحي
نادين….باي
قفل عسال و حط ايده علي عينه و فصل يضحك علي المجنونه بتاعته اللي علي طول خاطفه قلبه بجنانها و هرموناتها و طريقتها الطفوليه البريئه فتح صورتها وفصل باصص عليها و هو مبتسم و خد الموبايل في حضنه و نام .
وللحديث بقيه……
