لقاء كـ،ـ،ـ،ـارثي
سلامه….ولا هتحس بينا بص لتامر و كمل بهمس مسموع جيبت المطوه
تامر….بضحك كله تحت السيطره يا كبير
احمد…لله الامر من قبل و من بعد
حسان….بضحك اطلع يلا يا عمي عشان العيال دي مش هتسكت
سلامه…بضحك بنهزر معاك يا حمودي
احمد….طب اتفضل قدامي انت وهو
سلامه…. بابتسامه ازيك يا نننغم
نغم….بضحكه جميله الحمد لله
سلامه…..اتفرجتي علي فيلم اللي بالي بالك
نغم…. بابتسامه اه
سلامه….شوفتي محمد سعد و هو بيقول لفيحاء خدي القميص و اجري اهو لو حصل اي قلق خدي موبايلي واجري
ضحكوا كلهم
تامر….بضحك اشمعني الموبايل
سلامه….اهو اي حاجه من ريحتي تروح لايه
احمد….بابتسامه ربنا يكملك بعقلك يا سلامه
الاسانسير نزل و ركبوا كلهم
حسان….بهدوء هما وصلوا ولا لا
احمد…..والله مش عارف بس المفروض يبقوا وصلوا معادنا ثمانيه بس لو موصلوش يبقوا علي وصول
حسان…..تمام
وقف الاسانسير حست نغم ان قلبها فضل يدق جامد نزلوا وهي نزلت بهدوء كانت حاسه ان هي مش قادره تمشي
تامر….بهمس يلا
بصتلوا و هي عينها باين عليها الخوف و هزت راسها براحه و دخلت وراهم
مكانوش لسه وصلوا قام المحامي سلم عليهم و بعدين طلبلهم قهوه و قعدوا قبل دخولهم كان بيعمل حاجه في ورق القضيه..
قفل المحامي الملف اللي قدامه بهدوء وبص لنغم
المحامي….بصي يا نغم قبل ما هم يوصلوا محتاجين نتفق على شوية حاجات مهمة عشان الدنيا تمشي زي ما إحنا عايزين
نغم….بهدوء و خوف واضح اتفضل
المحامي….قبل اي حاجه لو حاسه انك مش قادره تكملي او حابه تغيري رأيك ممكن تقومي تمشي و محدش هيجبرك علي اي حاجه
نغم….بصتلهم و هما كلهم كانوا باصين عليها اااا لا انا عايزه اكمل
المحامي…..جميل يبقي نتفق شبك إيده قدامه وكمل بنبرة ثابتة
أول حاجة الهدوء التام أي استفزاز منهم أي كلام يوجعك يضايقك مترديش عليه خلي كل الكلام يطلع مني أنا انتي وجودك هنا بس عشان تمضي.
نغم….حاضر
المحامي….كمل بتأكيد جايز مريم تحاول تستعطفك او قبل ما تمضي التنازل تحاول تقولك اي حاجه خليكي ثابتة ومتدخليش في اي جدال مباشر..
تاني حاجة إحنا داخلين باتفاق واضح تنازل مقابل رجوع البيت ليكي رسمي وبأوراق سليمة يعني قبل أي توقيع هنتأكد إن كل حاجة متوثقة ومفيهاش أي لعب عارف انك مش حابه تقعدي قدامهم بس مش هينفع عشان تخلصي تمضي بسرعه و في نقطه مهمه كمان ملكيش علاقه بالمحامي اللي معاها ده مش مظبوط خالص يعني لو حط الورق قدامك متلمسيهوش غير اما اشوفوا اي خطوه هتتعمل تبقي بإشارتي انا ليكي
