لقاء كـ،ـ،ـ،ـارثي

سامي…..احنا كلمتنا واحده يا استاذ هاني و بعدين لو مفيش ثقه متبادله الموضوع مش هيمشي و زي ما انت عايز تضمن حقك انا كمان عايز اضمن حق موكلتي اضمن منين ان العقد ده يختفي بعد ما هي تتنازل

هاني…..احنا كنان كلمتنا واحده

احمد…..بهدوء بس احنا اتفاقنا كان واضح من الاول يا استاذ هاني

هاني….بعصبيه و قلة ذوق اتفاق ايه اللي واضح يا راجل انت انت مالك اصلا

تامر…..بغضب قام وقف بصوا قوي ولاااااااااااا اتكلم عدل

قام هاني بغضب

هاني……انت بتكلمني انا كده

سامي…لا لا مش هينفع كده خالص

احمد….تامر اقعد

حسان…….تامر اهدددددي

تامر…..اهدي ايه ده اتجنن بيتكلم مع ابويا كده

سلامه……بغضب تاااااامر مسمعش صوتك اقعد بص لمريم و ابتسم بهدوء ما نخلص بقي الدنيا يا ست الكل يعني انتي بنت سوق كلمه منك هتلم الليله

هاني…..ايه وانا مش عاجبك كلامي يعني

سلامه….بص لمريم تاني وابتسم بقول ايه يا هانم انا راجل خلقي ضيق بس عاملك حساب عشان واضح ان الليله دي كلها في ايدك انتي يعني من الاخر كلمتك سيف

مريم…..ابتسمت لسلامه اقعد يا هاني

هاني…نعممممم انتي مش سامعه اللي بيتقال

سلامه…..ما قالتلك اقعد يا هاني اهدي بقي علي نفسك عشان احنا مش فاضيين ورانا شغل بملايين خلينا نشوف اكل عيشنا بص لمريم وابتسم و اكل عيش الهانم ولا ايه

ابتسمت مريم وهزت راسها بهدوء و بقت توزع نظراتها بين حسان و سلامه..

سامي….متر فؤاد اتمني الخلاف ده يتفض احنا كلامنا من البدايه كان واضح نغم مستعده تتنازل مقابل البيت بتاعها و انت اتكلمت مع الهانم و وافقت يعني المفروض احنا هنا عشان الاستاذ يمضي تنازل والانسه نغم تمضي استلام ونخلص و كل واحد يروح لحاله

هاني…..البيت بتاعي تقصد

نغم…..بغضب اخيراً مش بتاااااعك دي بيتي انا بيت امي و اختي انتوا ضحكتوا عليا انا مش باخد منك غير حقي

تامر…..بهدوء اهدي

احمد….اهدي يا نغم

هاني….طلعلك صوت يا نغم الوقت حتي لو بتاعك بس خلاص بقي بتاعي و باسمي واقدر الوقت متنازلش و كملي في قضيتك الخسرانه

حسان…..استاذه مريم بعد اذنك الموقف اللي احنا فيه ده هيتحل ولا نختصر علي بعض الوقت و نمشي احنا مش اطفال المفروض اننا هنا عشان نحل خلاف و نخلص بس الاستاذ واضح انه جاي عايز يبوظ الدنيا و احنا ناس لا بتاعت خناق ولا بلطجه احنا حابين نخلص كل حاجه من غير قلق او شوشره و متنسيش ان نغم تبقي بنت اختك