لقاء كـ،ـ،ـ،ـارثي
نغم….بابتيامه تاثر انا اسفه بجد لو ضايقتك
نادين… بابتسامه تجنن مسكت كف نغم خالص والله انا عايزه اهون عليكي مش اكتر لاني حاسه بيكي اوي وفاهمه شعورك و انا مش مضايقه لان زي ما ربنا خد مني حجات كتير هو عوضني بالاحسن و صدقيني الحياه بتستمر مش بتقف وانتي لازم تمشي و متقفيش خليكي قويه و شجاعه و تخطي اي وجع ولازم تتاكدي ان ربنا بيحطنا في اختبارات صعبه و قويه و جايز في وقتها نحس اننا مش قادرين عليها وفعلا بتبقي صعبه بس لما الوقت بيعدي بينا بنفهم حكمة ربنا من الاختبارات دي و عوض ربنا بيخلينا نحمد ربنا علي الابتلاء مش عيزاكي تخافي كملي و مش عيزاكي تزعلي علي البيت افرحي لانك هترجعي حقك و الافضل ليكي انك متقعديش فيه غيري كل حياتك خلاص عيشي في مكان جديد ابداي حياه جديده شوفي مستقبلك و حياتك وانجحي و استمري عشان لما ربنا يرزقك بشخص في حياتك كويس تعملي عيله جميله و صدقيني هتنسي بعدها اي حاجه وحشه حصلت في حياتك
نغم…. بابتسامه انتي جميله اوي يا نادين و بجد انا كنت محتاجه اتكلم لاني كنت خايفه و متوتره بس انتي هونتي عليا كتير بجد
نادين… بابتسامه متخافيش احنا معاكي كلنا و تقدري تعتبرينا عيلتك و اصحابك واخواتك و هنفضل في ضهرك و اي حاجه هتحتاجيها هنبقي معاكي فيها
نغم….انتوا فعلاً بقيتوا عيلتي اللي ربنا عوضني بيها و كنت ا اول عوض في حياتي بعد كل اللي شوفتوا ده و لو العوض حلو كده انا مستعده اكون قويه
نادين…بابتسامه قولتهالك وهقولهالك تاني احنا اسباب في حياه بعض يا نغم و صدقيني جايز نبقي جزء من العوض بس العوض الحقيقي الحلو اكيد ربنا لسه شايله عشانك
نغم….يارب يا نادين يارب
نادين…كملب و متخافيش انتي قويه و شجاعه و انا واثقه ان مامتك واختك لو عايشين كانوا هيبقوا فخورين بيكي اوي
نغم … بابتسامه نزلت دموعها ربنا يرحمهم و اتمني يكونوا فعلا فخورين بيا و مش زعلانين مني
نادين…..بالعكس هما قلقانين عليكي و مش هيرتاحوا الا لو بقيتي في امان و قدرتي تاخدي بيتك و تعيشي حياتك و تكملي و تنجحي وقتها هيبقوا بجد مرتاحين و فخورين اوعي تضعفي عشانهم ماشي
نغم…. بابتسامه جميله ماشي اوعدك مش هضعف بس انا ليا عندك طلب لو ينفع
نادين….طبعا اتفضلي
نغم….انا عرفت من سلمي وايه ان انتي بتعرفي تتعاملي في بيع الشقق وده مجالك اصلا هو ممكن بعد ما اخد البيت تقدري تساعديني في اني ابيعه
