لقاء كـ،ـ،ـ،ـارثي

بصتلها رحاب بصدمه

رضوي…..رحاب انا اسفه بجد بس قدري موقفي انا بجد موقفي زي الزفت و مش سهل عليا ابدا اسمع عنك كلمه مش عجباني واسكت بس للاسف هما معاهم حق استني يا رحاب خلينا نشوف هيحصل ايه في مقابلتهم اتصافوا لازم تنسحبي و تكدبي كل اللي اتقال عليكي بطريقه شيك عشان يصدقوا انك فعلا مش البنت اللي شافوها بتخطب راجل من خطيبته او بتستغل موقف ضعف ليه ولو الموضوع اتقفل وانتهي وقتها قربي و اعملي مابدالك محدش هيقدر يغلطك بس لحد ما ده يحصل فكري فيا شويه و حطي نفسك مكاني يا رحاب .

بصتلها رحاب و متكلمتش كانت في صدمه رجوع نعيمه و دماغها راحت لبعيد مكالمه فضل معاها و تغيير صوته و طلبه قبل كده انها تمسح الصور اكيد كان عارف ان هي راجعه

قامت رضوي وقفت وبصتلها

رضوي….انا همشي عشان متأخرش علي الولاد و اتمني متزعليش مني و تفكري في كلامي بهدوء و عقل انا مش عايزه الدنيا تبوظ

رحاب….بصتلها بهدوء وانا اكيد مش هبوظلك حياتك يا رضوي اطمني حتي مش هجيلك تاني لو ده هيريح الكل

رضوي…..مش دي الطريقه اللي طلبتكي تفكري بيها بيتي هو بيتك و مفيش حد في الدنيا يقدر يمنعنا من بعض وبطلب هبل انا بس كل اللي طلبته منك استني واعرفي هيحصل بينهم ايه فكري يا رحاب انا ماشيه

مشيت رضوي و فضلت رحاب قاعده حزينه و هتتجنن نزلت دموعها بهدوء و حست ان الدنيا اسودت في وشها مره واحده.

…………….

في منزل عادل نسمه كانت قاعده مع نعيمه و بتحكيلها عن سليم و حكيتلها عن اخر مشكله بينهم

نسمه….. بابتسامه بس و صالحني انتي ايه رايك بقي هو معاه حق انا زودتها صح

نعيمه…. بابتسامه هاديه بصي هو معاه حق في زعلوا انك مكسوفه تردي او تتكلمي قدام نادر او بابا يمكن هو المفروض عارف طبعك بس خلينا نقول انه صح و منجيش عليه حلو انك تكوني مكسوفه او خاسه باحراج عادي الموضوع جديد عليكي بس كمان انتي مش بتعملي حاجه غلط ده خطيبك يعني لو بابا او نادر مقفلين و شداد هقول تمام انما هما مش كده ومحدش فيهم هيضايق لو رديتي او اتكلمتي او حتي خرجتي

نسمه….عارفه طبعا هما مقالوش حاجه انا اللي مكسوفه و معرفش ليه بجد بتوتر لما يتصل وانا جنبهم

نعيمه….ماشي بس لازم تغيري الطبع ده شويه طول ما بتتكلمي باحترام و الدنيا تمام عادي طيب ما نادر بيحب و كل شويه بيكلم بنت الموضوع عادي يا نسمه انتي مخطوبه و الطبيعي انك هتتكلمي مت خطيبك بلاش تحسي انك بتعملي حاجه غلط لان انتي مش بتعملي حاجه غلط اصلا و سليم محترم اوي يعني هو مقدر ان بيتك في رجاله