لقاء كـ،ـ،ـ،ـارثي
مريم…..بابتسامه اطمن كل حاجه هتهلص الوقت حالا
هاني….هو ايه اللي هتخلص هو انتي مش فاهمه ان في لعبه بتتلعب علينا ولا ايه
فؤاد….اهدي يا هاني مفيش لعب ولا حاجه انا واخد من المتر كلمه
هاني….وانا مش واثق في اي كلمه و بعدين انا مش مرتاح للحوار كله البشوات شكلهم طمعانين في الشقه و مقويين نغم
سلامه……شقه ايه يا بتاااع انت اللي طمعانين فيها بقولك ايه انا صابر عليك بس عشان خاطر حاجتين مهمين حق نغم ميضيعش و عشان خاطر اسم الهانم تحافظ عليه اكتر من كده هخربها في لحظه
هاني….لا وانت تعرف تخربها
حسان…..سلامه اقعد بص لهاني اسمعني كويس انا لحد الوقت ذوق معاك و بعديلك بس لازم تفهم ان اللي قاعدين قدامك دول يوزنوك فلوس بملايين واضح انت مش عارف بتتعامل مع مين بس عادي الشقه اللي بتتكلم عنها دي نقطه في بحر و بلاش تخليني انساق لطريقتك دي لاني مش بحبها فا يتقعد عاقل و تخلص يا نمشي و نكمل طريقنا عادي جايز معصبك اوي دفاعنا عن نغم بس البنت لجأت لينا و احنا مستحيل نتخلي عنها بص لمريم ايه يا هانم هنخلص و لا نمشي.
مريم…..بابتسامه اقعد يا هاني و خلينا نخلص
بصلها هاني بغضب
مريم….اقعددددد
قعد هاني وهو مش طايق نفسه
مريم….. بابتسامه هاديه كل حاجه هتخلص الوقت بس انا عايزه اعرف امته نغم هتتنازل واظن ده حقي
سامي….بكره الصبح انا هروح اسجل العقد في الشهر العقاري و بعد بكره نغم هتكون في النيابه و هتتنازل و كل واحد فيكم يروح لحاله و الموضوع هيخلص ودي و بكل احترام
احمد….استاذه مريم معلش توضيح بسيط نغم لما اتكلمت معايا و قالتلي علي اللي في دماغها انا مكانش في ايدي اوافق او ارفض لان الموضوع يخصها هي وبس لكن كا اب كان عليا النصيحه و نصيحتي ليها اني ايدتها في موضوع التنازل يعني متقلقيش محدش فينا هيخون كلمته نغم صغيره و مش حمل بهدله و حضرتك عندك حياتك و شغلك و سمعتك و اسمك اكيد برضوا مش حمل بهدلة نيابه و دوشه ممكن تتحل بالتراضي فا بمجرد ما المتر يعرفنا ان البيت بقي ملكها هنروح النيابه و نغم هتتنازل
هاني….بسخريه اب هو انت كتبتها علي اسمك و انا معرفش اللي اعرفه ان ابوها في الاسماعيليه
نغم….بغضب ميخصكشششش و اه اب و بالنسبالي احسن من اب كمان هو عمل معايا اللي ابويا معملهوش عمل اللي اهلي كلهم معملهوشش اسكت خالص عشان مش عايزه اسمع صوتك
