لقاء كـ،ـ،ـ،ـارثي

حسان….بابتسامه هاديه لا خالص معاك حق الاستاذه ليها كل الاحترام

ابتسمت مريم و ده ضايق هاني اكتر
و بقي قاعد مش علي بعضه عايز يبوظ الدنيا خصوصا ان الشقه كانت هديه مريم ليه و كتبتها بأسمه فا هو مجبر و مش حابب يعمل كده.

دخل بعد شويه العامل اللي في المكتب حط القهوه قدامهم و الوضع كان في الوقت ده المحامي اللي تبع نغم بيراجع العقد و بيتأكد من صحته همسات واضحه وجانبيه بين كل الاطراف المحامي فؤاد مع مريم و هاني احمد مع حسان تامر مع نغم

وسلامه بيحاول يرمي ودنه مع مريم وهاني و المحامي بتاعهم..

تامر….بهمس نغم حاولي تهدي شويه و متخافيش احنا معاكي

نغم….بهمس مش طايقه اشوفهم حاسه اني بتخنق

تامر….متبصيش عليهم ركزي معانا احنا كل حاجه هتخلص بسرعه و هنروح ماشي

بتصلوا نغم وهزت راسها .

……….

احمد…..لا ماهو مش طايق نفسه كده لان الشقه باسمه هو

حسان….يعني ايه بأسمه؟

احمد…..يعني هي لما خدت الشقه من البنات خدتها بطريقه غير شرعيه جابت مشتري كأنه هو اللي بيشتريها عادي و بعدين رجعوا سجلوها بأسمها و البنات بعد كده عرفوا و اضطروا يسكتوا هي بعد كده كتبتها باسمه

حسان…..هي الشقه بتلف علي الكل ولا ايه

احمد….اهي لعبت لعبه عشان في الاخر تكتبها بأسمه المهم الوقت عايزين نهدا و نخلص من الحوار ده

حسان….متقلقش محدش فينا هيتكلم و بعدين انا اتعاملت مع الموقف بهدوء

احمد….انا مش خايف غير من سلامه و تامر الاتنين مجانين

حسان…..ما عشان كده انا رديت بسرعه عشان حسيت ان تامر هيتعصب

احمد….ربنا يستر و تعدي علي خير

حسان…خير ان شاء الله.

………..

هاني….بهمس و نبرة غضب هو ايه الحوار بالظبط ايه طقم الحنيه اللي ظهر فجأه ده

مريم…..حنيه ايه بالظبط و مالك كده عامل قلق ليه

هاني….عشان الوضع مش عاجبني مين دول اصلا وايه دخلهم في الحوار

مريم…..انا وقفت الكل عند حده زي ما شوفت واظن احنا جايين هنا عشان نخلص يعني بلاش الشغل بتاعك ده

هاني…..فين ده اللي وقفتي و بعدين مالك كده رجعتي وراء ليه لما البني ادم ده اتكلم

مريم…..هاني خد بالك من كلامك و بلاش تجرب قلبتي تقصد ايه

هاني…اقصد انك سكتي لما اتكلم و ابتسمتي هو في حاجه ولا انا قاعد جنبك قرطاس خدي بالك انا ممكن ابوظ الدنيا في لحظه الوقت و مش همضي علي اي حاجه و خليها تخرب بقي انتي اللي هتتأذي انا ولا يفرق معايا فضايح ولا غيره انتي عرفاني كويس