لقاء كـ،ـ،ـ،ـارثي

رضوي….ليله ملهاش ذنب في حاجه يا رحاب و لو فرضنا ليها ذنب لو زي ما بتقولي كده جوجو شايفه ان فضل بيقربلك او بيتعلق بيكي و شابفه ان ابنها مبسوط مش هيقرق معاها مين في حياته نعيمه ولا انتي ولا غيركم كل اللي هيفرق معاها راحة ابنها وبس و طظ في اي ست انما هي مش بتفكر بالطريقه دي هي و طنط امينه ديما بيفكروا في الحاجه اللي ترضي ولادهم وبس و هي شايفه ان ابنها مهما حاول يبين انه عادي كداب في نظرها لانها ام و عارفه امته ابنها يبقي مبسوط وامته لا وفضل مش مبسوط في نظرنا كلنا مابالك بيها هي ام و حاسه بيه وعارفه ايه اللي جوه قلبه من غير ما ينطق فضل بيكابر و كرامته وجعاه بس هو بيحب نعيمه و دي واضحه للاعمي مش شرط تشوفي بعينك اصدق احساس يارحاب القلب

رحاب…..طيب ولما هو الموضوع كده ليه مراحتش اتكلمت مع فضل و لا هي خايفه تسمع منه رد ميعجبهاش و قالت توصلي انا الكلام

رضوي….مين قالك متكلمتش ما جايز تكون كلمتوا جايز تكون لفتت نظره محدش عارف واحنا الوقت مش في قالتلوا ولا قالتلك احنا في كلام اتقال وكلام صح انتي لازم تبعدي اللي في دماغك ده و متحاوليش اصلا

رحاب……وليه محاولش يا رضوي ادام مسمعتش الكلام ده من فضل نفسه و بعدين انا ليه كل شويه احس انك معاهم مش مع اختك

رضوي…..انا مع الحق يا رحاب هو انتي فاكره انك لو قربتي من فضل او حتي اتجوزتيه هضايق بالعكس انا اكتر واحده هتفرحلك علي الاقل هتبقي جنبي و مش هنسيب بعض خالص بس انتي فاكره انك هتبقي مبسوطه بالعمس مش هتبقي مبسوطه وفضل في قلبه غيرك وارد يكلمك عشان يغيظ نعيمه وارد يخطبك يتجوزك حتي بس في النهايه لو انتي مش في قلبه هيسيبك وانتي اكتر واحده هتدفعي التمن انتي جالك فرص كتير ورجاله كتير محترمين اشمعني فضل

رحاب…..لان الحجات دي مفيهاش اشمعني يا رضوي بتحصل كده فجأه

رضوي…..يعني ايه بتحصل فاجىه انتي عايزه تقنعيني انك حبيبتي فضل طب امته وازاي و بعدين ماهو طول السنين دي قدامك اشمعني الوقت و ليه مصممه تظهري قدام الكل بصوره البنت اللي بتخطف راجل من ست في حياته

رحاب….عشان ضيعت عمري في خدمه ابوكي العيان و ضيعت عمري في خوفي عليكي و عشان كنت قايمه معاكي بدور الام اللي انتي اتحرمتي منه عشان حبيت اعوضك و اعوض ابوكي اللي اتكسر عشان لغيت حياتي و مفكرتش في نفسي و قولت انا الكبيره تنا اللي من حقي اتجوز ابوكي كان بيخاف عليكي عشان انتي الصغيره و كل همه انه يشوفك في بيتك وانا حققت حلمه ولغيت حياتي اشتغلت و تعبت و طلع عين اهلي عشان اوصلك بيت جوزك وانتي راسك مرفوعه ومش ناقصك حاجه لان ابوكي وقتها مكانش يقدر يشتغل حتي لما عبدالله قال مش عايز رضوي غير بشنطه هدومها عشان دي عوايدنا قولت تمام بس برضوا مقصرتش معاكي في اي حاجه عشان تدخلي بيت جوظك وانتي راسك مرفوعه اللي كنتي بتختاريه كنت برفضه واختارك الاغلي والاحسن و لما اطمنت عليكي في بيت جوزك حطيت حياتي كلها في الشغل و مقصرتش و لما ابوكي مات انا فضلت اربع سنين في اكتئاب ولما اتخطبت و فشكلت سافرت و مركزتش في اي حاجه غير في الشغل وبس و كنت ديما شايله همك حتي وانتي في بيت جوزك كنت بأمن مستقبلي و برضوا حاطه مستقبلك قدام عيني لاي حاجه تحصل عشان تفضلي مطمنه ان وراكي ضهر و حتي لو بابا مات وامك سابتنا وراكي اختك و لما نزلت و كملت شغل هنا فضل خطب و مكانش في بالي حاجه خالص لكن بمجرد ما حصل اللي حصل قولت ليه لا فضل كا راجل شكلاً وموضوعاً عاجبني يبقي ليه محاولش ايه العيب او الغلط اللي عملتوا ده راجل انفصل و سنجل يعني اكيد هيرتبط تاني ليه مبقاش انا ارتباطه التاني