لقاء كـ،ـ،ـ،ـارثي
نسمه …بابتسامه فهماكي يعني انا الوقت اعمل ايه اقولوا اني زعلانه منه عشان اللي حصل
نعيمه….بضحك يا بت انتي هبله ما اللي حصل حصل خلاص متفحيهوش تاني انا بتكلم علي بعد كده بصي يا نسمه انا عارفه انك مش بتحبي المشاكل او النكد بس لو ريحتي دماغك بكلمه حاضر الوقع بعد كده هتبقي اكتر كلمه بتكرهيها فهماني خلي في تفاهم بينكم لما يزعلك لو بجد زعلانه افضلي علي موقفك لان الزعل مش ديما بينتهي بكلمه معلش او اسف او حقك عليا
خدي وقتك في الزعل علي الاقل هيفكر الف مره بعد كده قبل ما يزعلك لكن لو بسهوله يزعل وانتي تتراضي بكلمه خلاص عارف تمامك ايه انا والله مش بسخنك عليه انا قولتلك سليم يجنن بس ده طبع اي راجل مش بس سليم فهمتي يا قلبي
نسمه….بسعاده فهمت نوني اقولك علي حاجه
نعيمه….قولي
نسمه ….انا بحبك اوي و مبسوطه اني اتكلمت معاكي
نعيمه…. بابتسامه و انا بحبك اوي و اي وقت تحبي تتكلمي انا جنبك ومعاكي و متقلقيش هسمعك و من هنا ورايح اي وقت تحتاجيني هكون جنبك اتفقنا
نسمه….ضمتها اوي و هي بتاخد نفس عميق ربنا يخليكي ليا و ميحرمنيش منك اقولك سر
نعيمه….قولي
بصتلها نسمه بابتسامه جميله
نعيمه….انا بحبك اكتر من ماما و بابا و نادر و حتي سليم
نعيمه …بضحك ضمتها وانا بحبك اكتر حد في الدنيا يا احلي حاجه في عمري انتي بنتي يا نسمه مس بس اختي نعيمه القديمه انسيها خلاص من هنا ورايح انا معاكي ديما وهسمعك و مش عيزاكي تزعلي مني علي اي حاجه فاتت
نسمه….انا عمري ما زعلت منك و بجد اسفه لو انتي اللي زعلتي مني
نعيمه…..انا كمان مقدرش ازعل منك ابداً و يمكن كلامك ده جه في وقته عشان ارجعلك تاني ضربتها في قورتها بهدوء يعني انتي السبب في نعيمه الجديده دي يا جزمه
ضحكت نسمه وضمتها تاني بحب
نسمه….هو انتي ليه هتمشي خليكي انهارده كمان
نعيمه….عندي مشاوير والله بس هاجي تاني انا بقيت قاعده لوحدي يعني هقرفكم
نسمه…. بابتسامه احلي قرف في الدنيا.
ابتسمت نعيمه و بعدين قامت تشوف نجلاء بتعمل ايه عشان شويه و تمشي..
……………….
وللحديث بقيه
