لقاء كـ،ـ،ـ،ـارثي

نادين…..انتي صح يا نغم متخافيش قرارك كان صح انا اللي فهمتوا من البنات ان هما مش سهلين وان المحامي اللي معاهم قذر و كمان انا اسفه يعني فكرة انك ممكن توصلي لعقاب يريحك في موت اختك صعبه لان مفيش اي حاجه تدينهم فا علي الاقل خدي حقك خدي بيتك صدقيني هتفضلي طول عمرك زعلانه لو معرفتيش تاخدي حقك بس لو خدتي حقك بجد و بيتك رجعلك هتحسي انك ارتحتي وانتصرتي عليهم

نغم…بس انا مش هقدر اقعد في البيت يا نادين يعني حتي لو خدته فعلا منهم مش هقدر اقعد فيه طول الوقت هبقي حاسه بقلق هما خلوني اوصل ان حتي لو خدت حقي مش هفرح بيه

نادين…بالعكس با نغم انتي لازم تفرحي و ياستي صدقيني الذكريات و الماضي مش شرط يكونوا في البيوت والاماكن لان دي بتبقي حاجه جوه عقلنا بنعيش تفاصيلها اقولك علي حاجه يمكن مقولتهاش لاي حد طول عمري

نغم….قولي

نادين….انا بابا و ماما انفصلوا وانا عندي 16 سنه وطول عمري عايشه عند جدتي لان بابا كان مسافر و ماما طول الوقت في شغلها و طموحها واحلامها كنت بروح البيت زياره لما بابا يرجع اغلب الوقت ماما مكانتش بتبقي فاضيه فضلت اول عشر سنين بروح البيت بس مش فاكره تفاصيلوا يمكن بدأت اركز في تفاصيل البيت لما بقيت في اعدادي و برضوا مكنتش بقدر اكون شكل البيت اوي كامت ماما بتيجب تاخدني يوم الخميس بليل اروح طبعا معاها تعبانه لان كان بيبقي عندي دراسه يادوب نوصل ادخل انام مش بشوف غير اوضتي اللي في بيتنا و يوم الجمعه نقضي اليوم بره نتغدي نعمل اي حاجه و تروح مروحاني لجدتي عشان بيبقي يعندها شغل تاني يوم و فضلت علاقتي ببيتي الاساسي و تفاصيله عباره عن ذكري للاوضه بتاعتي و التويلت اللي بدخل فيه و شويه المطبخ تعرفي اني عمري ما دخلت اوضه ماما وبابا كنت بتكسف اخبط عليها و اوقات كتير كان مسيطر عليا احساس اني غريبه في البيت بس انا كنت بحبه و يمكن مش فاكره تفاصيلوا اوي و كان نفسي بجد اني اتخيلوا افتكره يبقي ليا ذكري في كل ركن فيه بس انا لحد الوقت يا نغم عايشه علي ذكري بيتنا واوضتي اللي ديما بحن ليها و يمكن كمان عملت عالم خاص في دماغي و بقيت اتخيل شكل البيت كله شكل اوضه ماما و بابا شكل باقي الاوض عملت ذكري و ماضي في خيالي و عيشت عليهم اوقات وانا بتخيل الاقي عقلي شت مني و جاب شكل بيت جدتي لان ده البيت اللي عيشت فيه ارجع اغمض اوي و احاول افصل عشان ارجع ارسم بيتي في خيالي و اتبسط شويه بتفاصيل كنت اتمني اعيشها اللي عايزه اقولوا يا نغم صدقيني انتي محظوظه يعني اكيد فاكره البيت عندك تفاصيل في دماغك فاكره كل ركن فيه فاكرن كنتي بتعملي ايه انتي واختك وانتوا صغيرين في المكان ده و بتاكلي في المكان ده و بتدخلي اوضه مامتك يعني تقدري تفضلي عايشه علي الذكري و تتخيلي حاجه عيشتيها بالفعل مش مرجد رشم في خيالك متزعليش حتي لو مش هتقدري تعيشي في البيت افرحي يا نغم و اعتبري ان البيت اتهد او بقي ليكي حياه تانيه او عزلتي من المكان لمكان تاني بس اتاكدي ان العقل مش بينسي و الذكري مش شرط وجودها يكون بوجود البيوت والاماكن لانهم حتي لو مبقوش موجودين عقلك لسه مسجل ده جواه خدي البيت و بعد كده سيبيه بمزاجك احسن كتير ما يبقي متاخد منك غصب عنك هتفرق صدقيني