لقاء كـ،ـ،ـ،ـارثي
سلامه….بضحك ايوه كده ارجعي لاصلك يا بومتي بحبك يا بت
ايه…. بضحك وانا بحبك يا متخلف و يلا اتكل علي الله مش فضيالك عطلتني
سلامه….بضحك اه يا واطيه والله انا اللي غلطان اني عبرتك غوري يا بت
ايه….بضحك باي ابقي طمني
سلامه…ماشي يا قلبي يلا باي.
………
قفل سلامه و اتصل علي حسان حكاله اللي حصل في مكالمه ايه وسالوا لو فاضي يروحوا معاهم.
سلامه….لو مش فاضي خليك انت انا بس قولت عشان ميبقوش بطولهم مع المحامي
حسان….لا طبعاً و لو مشغول اكيد مش هنسيبهم و كويس انك فكرت كده انا بصراحه مجاش في بالي بس لا نروح معاك طبعاً بس مش عايز جنان عشان حق البت ميضيعش و عشان منعملش مشكله
سلامه….لا متقلقش طبعاً كله تحت السيطره المهم هعرف من تامر هيروحوا امته بالظبط و هديك تليفون
حسان….وانا مستني
سلامه….ماشي يا حبيبي يلا شويه و اكلمك سلام
حسان….مستنيك سلام
…………
في المخزن.
لاحظت نادين ان نغم متوتره اوي
نادين….نغومه مالك حساكي مش كويسه فيكي ايه؟
نغم…اااا مفيش بس انا متوتره شويه انهارده هنروح عند المحامي عشان المفروض انهم وافقوا علي التنازل بتاع الشقه
نادين…طيب وليه متوتره المفروض تفرحي ان بيتك هيرجعلك هما مش وافقوا علي طلبك
نغم…وافقوا بس انا خايفه يا نادين مريم مش سهل انها توافق علي اي حاجه و لا حد بيقدر يلوي دراعها انتي متعرفيهاش طول عمرها جبروت مفيش حد بيعرف يقف قدامها او ياخد منها حاجه غصب عنها واي حاجه عينها بتقع عليها او تحطها في دماغها بتعرف تاخدها كويس فا فكرة اني اساومها الشقه مقابل التنازل وهي توافق بالسهوله دي مش مريحاني خالص و انا يا نادين مش عايزه اكون سبب في اي مشكله او اذي لتامر و عمو احمد الناس دي فتحتلي بيتها في وقت انا كنت مرميه في فالشارع و حالتي الصحيه وحشه و مش معايا مليم وقفزا معايا واقفه كاني من دمهم و انا مش عايزه بعد كل ده اكون سبب في اذيتهم اه عايزه اخلص من الموضوع ده كله بس كمان خايفه
نادين….طيب مش ممكن تكوني انتي اللي مخوفه نفسك زياده عن اللزوم يعني فكري فيها بطريقه تانيه مش شرط انها وافقت يبقي في حاجه في دماغها مش جايز مثلا عايزه تخلص من الفضايح و القواضي والمحاكم و تخلصها ودي
نغم….جايز بس انا خايفه اوي و مش عارفه انا كنت صح لما قررت اني اتنازل و لا كان لازم اكمل و في نفس الوقت مش عارفه لو كملت هبقي صح و بجيب حقي وحق انغام ولا هخسر كل حاجه و برضوا مش هيسبوني في حالي
