لقاء كارثي
لقاء كارثي
عشري الاب….بص لعمر ادفع و اغرم علي الله تكون كفاره للسانك اللي يبي جطعه
سابهم و مشي و فطس محمود و عمر من الضحك.
…………..
وصل عدي تحت البيت عند تقي واتصل علي نسمه و في الوقت ده نسمه كانت نازله و راحه لسليم عشان واقفلها
نسمه….ايوه يا عدي وصلت
عدي….اه وصلت يا نسمه انا تحت البيت اهو
نسمه…طيب اقفل هتصل عليها تنزل
عدي….اوك يلا باي
نسمه….باي
كانت ماشيه و شايفه عربيه سليم من بعيد و هو واقف مستنيها ابتسمت وهي رايحه عليه و الموبايل علي ودنها و كان في ايدها شنطه مش كبيره اوي بس شكلها شيك..
نسمه…..ايوه يا تقي خلصتي؟
تقي….اه يا قلبي و مستنياكي
نسمه….طيب يلا انزلي انا تحت
تقي….اوك دقيقتين واكون عندك
نسمه….اوك يلا باي
تقي….باي
قربت نسمه من سليم و مدت ايدها ليه.
نسمه….بابتسامه ازيك
سليم…..بأبتسامه الحمد لله بتكلمي مين
نسمه….دي تقي بقولها تنزل
سليم…..ماشي يلا عشان نمشي
نسمه….اه يلا بسرعه
سليم…..اركبي
ركبت نسمه و ركب هو كمان و اترحكوا..
سليم…..عامله ايه
نسمه…الحمد لله كويسه و انت
سليم….انا كويس الحمد لله انتي اخبارك ايه و يومك كان عامل ازاي
نسمه….اممم يعني عادي الحمد لله صحيت علي مكالمتك و بعدين لما قفلت صليت و فطرت و خدت شاور جهزت لبسي و بعدين عملت شعري و بس مفيش حاجه يعني يوم عادي
سليم…..لحظه بس انتي نزلتي عملتي شعرك ؟
نسمه….ليه
سليم…بسألك اصلي لما كلمتك مقولتيش يعني انك عندك مشاوير
نسمه….بأبتسامه هاديه لا هو انا عملت شعري في البيت لنفسي منزلتش لو نزلت كنت هقولك اكيد
سليم….بأبتسامه اكيد
نسمه….بضحكه جميله و توتر بسيط اه اكيد مش انا بقولك لو هنزل او اروح في مكان
سليم….اه عشان كده يعني استغربت
نسمه….لا اطمن مش هروح اي مكان قبل ما اقولك
بصلها سليم وابتسم و بعدين بص قدامه ثواني و مد ايده وراء علي الكنبه و جاب بوكيه ورد حطه علي رجليها من غير ولا كلمه و فضل باصص لقدام
ابتسمت نسمه بسعاده و مسكت البوكيه في ايدها و بعدين بصتلوا بصلها بهدوء و ابتسم
نسمه….اااا شكراً
سليم…..عجبك
نسمه….هزت راسها اه اوي ااا يعني هو انا كمان جيبالك حاجه ممكن اديهالك
سليم…..حاجه ليا انا؟
نسمه….اه تشوفها؟
سليم….بابتسامه اكيد يلا وريني
