لقاء كارثي

…………..

اما عند نعيمه طلعت البيت وهي متعصبه و مش طايقه نفسها كسرت الكوبايلت اللي كانت علي البار وفضلت تاخد نفسها و بعد كده دخلت علي اوضه ليله فضلت تدور في الادراج بتاعتها لحد ما لقت سجاير خدت علبه و خرجت بره قعدت علي الكنبه و رفعت رجلها الاتنين علي التربيزه ولعت سيجاره فضلت تكح كتير لانها مش متعوده بس كملت لحد ما اتعودت والكحه خفت شويه و بقت عماله تشرب.

…………………..

عند ايمي و رشيد.

وصل رشيد البيت كانت ايمي صاحيه في اوضتها و چوي نامت

كانت مجهزاله غيار و مظبطه نفسها و لابسه لانچيري يجنن و عامله ميكب مخلي شكل عينها يقتل و مستنياه اعتذاره بالورد خلاها تحنن قلبها عليه و مقدرتش تقسي عليه اكتر من كده ….

سمعت صوت الباب بيتقفل استنت انه يدخل .

دخل رشيد بعد ما قفل الباب بص عليها مكانتش موجوده لا هي ولا چوي والبيت هادي خالص فتح الباب بهدوء لمحها واقفه عند الشباك و مربعه ايدها بصتلوا بهدوء

اول ما شافها قلبه اتخطف كانت زي القمر لمح الورد علي التربيزه

رشيد…مساء الخير

ايمي….مساء النور

قرب منها بهدوء و باسها من خدها و هو متردد مطانش عارف هي لسه قالبه ولا احسن لانها متصلتش بيه ولا جابت سيره الورد باسها من خدها بس وقفت و مبعدتش وشها

رشيد…..انتي كويسه

ايمي…الحمد لله

حط ايده بهدوء علي بطنها

رشيد….وهما كويسين

ابتسمت بهدوء و هزت راسها

ايمي…..كويسين

مدت ايدها تقلعوا الچاكت و قفلها و سكت

ايمي….ادخل خد شاور و بعدين خلص عشان نتعشي

رشيد….ااا هي چوي نامت

ايمي….اه نامت عملت حجات كتير في البيت انهارده و في الدور اللي فوق وتعبت خليتها تتعشي و بعدين راحت تنام انا مجهزالك لبسك ادخل يلا خد شاور و يلا عشان ناكل

رشيد….حاضر

دخل علي طول خد شاور شويه و طلع كانت ماسكه التليفون اول ما شافته سابته وقامت.

ايمي….يلا عشان نروح نتعشي..

رشيد….رفع حاجبه و بص علي الورد اااا الورد ده مين اللي جابه

بصتلوا و رفعت حاجبها وابتسمت ابتسامه بسيطه

ضحك ضحكه هاديه و بصلها

ايمي……ده مش عليه اسم و غالبا من معجب اصلوا كاتب بحبك

رشيد….والللله اممم مش قايل حاجه تاني؟

ايمي…..بابتسامه اه قايل كاتب اسف

رشيد….وياتري المعجب زعلك في ايه بقي عشان يقول اسف ما كان كفايه بحبك