لقاء كارثي

ريهام….انا والله احسن كتير عن الاول علي الاقل مفيش حراره و زوري بدأ يتحسن شويه و حقك عليا انا والله من السخونيه و التعب مع الدواء مكنتش بصحي تقريباً عماله اقوم وانام و الحبه الي بقوم فيهم كأني شاربه بنج و معرفتش اتصل عليك بس سمعت ميدو و هو بيقول لسلامه انك اتصلت تطمن فا حبيت ابعتلك المسدچ و اشكرك

محمود…تشكوريني علي ايه بس انا معملتش اي حاجه

ريهام…..لا ازاي يا محمود كفايه اهتمامك و انك شايل الشغل بدالي و جيبتني لحد البيت وروحت بأوبر و العلاج اللي جيبته

محمود…..بضحك اه نسيتي الكمادات يلا معلش اصل لازم تعدي بطولاتي كلها

ريهام…بضحك والكمادات كمان مع ان دي مش فكراها اوي ميدو اللي قال لماما

محمود….بضحك ده كان في كمادات و فقره ضحك و انتي بتاخدي العلاج و فيه شويه تخريف كده عنب و انتي سخنه لا كتير خليني ساكت بدل ما اطلعك مسرح تنمر مطلعتيش عليه قبل كده

ريهام….بضحك نهار اسود يا شيخ ربنا ما يحكمك علي ضعيف انا شكلي خربت الدنيا

محمود….عالاخر انا في خياتي لا بحب تخريف السخونيه ولا البنج عشان فيهم مسرح

ريهام….هو انا قولت ايه ؟

محمود…..لا خلاص بقي ربنا امر بالستر

ريهام…..بصدمه ستر هو انا هببت ايه معاك

محمود….بضحك لا لا مش معايا كان في تخريف بس

ريهام…..حاجه عيب

محمود…بضحك لا مش عيب

ريهام….طيب ما تقولي و خليك جدع

محمود….عايزه تعرفي

ريهام….اه عشان دماغي ممكن تسوحني و مشوفش وشك تاني

محمود….بضحك لا لا متخليهاش تسوحك بس لما تخفي كده وترجعي الشغل ابقي كلميني اجيلك المطعم و احكيلك

ريهام…..اعتبرني جايه بكره خلاص

محمود….لا استني بكره ايه بصوتك ده انتي محتاجه يومين تلاته راحه

ريهام….لا انت فاهم غلط انا مش والده

فطس محمود من الضحك

محمود… الله يخربيت عقلك

ريهام….لا والله هنزل انا اتخنقت و بعدين خدت علي جو الشغل بصراحه

محمود….طيب يوم كمان عشان خاطري هتتعبي اكتر والله

ريهام…. والله انا هتعب اكتر لو معرفتش انا قولت ايه سيبني اجي الله يسترك

محمود…..بضحك طيب شوفي نفسك لو قدرتي تعالي حاسه انك محتاجه راحه تاني خليكي ماشي

ريهام….اتفقنا خلاص

محمود….الف سلامه عليكي و مبسوط اني اطمنت عليكي

ريهام….الله يسلمك يا حودا و شكراً بجد علي اللي عملتوا معايا