لقاء كارثي
لقاء كارثي
ايه…..انتي كده كده مش هتنزلي اي شغل غير وانتي بخير و في امان لان نزولك الوقت الشارع مش امان
نعيمه…..هو انتي مطوله هنا يا نغم ؟
بصوا التلاته لنعيمه و برقولها ابتسمت نغم باحراج بسيط
نغم….اااا لا لا انا بس مستنيه الموبايل و همشي علي طول يعني هحاول اوصل لبابا
نعيمه….اممم طيب و لو معرفتيش هتروحي لمين
سرحت نغم شويه و حست ان السؤال تقيل علي قلبها اوي ملاقتش حد جه في بالها تروح عنده و مكانش عندها رد
سلمي…..هتفضل هنا يا نعيمه يعني لو حست ان بباها هيبقي عنده مشكاه عشان مراته او حست انه ممكن يحاول يصالحها علي اهلها هتفضل معانا
نعيمه…..طب وليه متتصالحش مع اهلها في النهايه هي ملهاش غيرهم
ايه…..تتصالح مع مين ؟
نغم….هو واضح ان حضرتك معرفتيش اللي حاصل معايا انا اهلي دول كانوا سبب في موت اختي
نعيمه….لا عرفت بس اللي فهمتوا ان اختك انتحرت يعني هنا مموتوهاش ولا حاجه هي اللي اختارت
نغم…..ماهما كانوا سبب في اللي هي وصلت ليه و اهلي دول او خالتي بالتحديد ازاي ارجعلها بعد ما عرفت حقيقتها ازاي انام معاها تحت سقف واحد ازاي هتقبل اصلا ان جوز اختي يتجوزها ازاي
نادين…..انتي صح اكيد مش هتقدري
نعيمه…..في اوقات لازم نرضي بالامر الواقع خصوصا لو مفيش حاجه في ايدك غير الرجوع ليهم
نغم….انا لو هموت و هبات في الشارع مش هرجعلهم
نعيمه…..مش عيزاكي تزعلي مني انتي اكيد حره تعملي اللي انتي عيزاه بس انا تكلم لان دول يخصوني و واضح ان اهلك بتوع مشاكل والناس دي ملهاش في المشاكل
نغم….باحراج و كسره اااا انا فهماكي و مش زعلانه اكيد حقك و انا مش هعمل مشاكل لاي حد و لا هينفع اني اعرضهم لمشكله بعد ما ساعدوني و وقفوا جنبي انا باذن الله اخد بس موبايلي و همشي علي طول من هنا
ايه…..بعصبيه بسيطه انتي مش هتمشي من هنا يانغم غير و انتي كل مشاكلك محلوله و جايبه حق اختك و حقك و واقفه علي رجلك كمان و عندك كمان تقعدي فيه.
سلمي….ااا نغم ارتاحي انتي بقي شويه و احنا هنخرج و نسيبك ماشي
نغم….ااا ماشي
نادين…..نغم انا مبسوطه اني اتعرفت عليكي اوي و هبقي اطمن عليكي من ايه و سلمي ماشي
نغم….بابتسامه حزينه ماشي
نادين…. و زي ما قولتلك وقت ما تقرري انك تشتغلي انا هكون معاكي
نغم….شكرا بجد
