لقاء كارثي

نسمه…..ماشي بس لو مقدرتش متزعلش مني لان انا ريحته لوحدها بتتعبني

سليم….لا مش هزعل و مش هتلاقي ريحه متقلقيش بص علي الاكل انتي سيبتي الاكل ليه

نسمه….بقرف شبعت

سليم…بابتسامه ده انتي بتقرفي بجد

نسمه…بضحك لا والله انا بجد شبعت

سليم….لا كملي اكلك لسه مكلتيش هتتعاقبي

نسمه…لا وعلي ايه حاضر هكمل

سلبم….طيب قوليلي بقي يا استاذه بوه مش عايزه تساليني سؤال

نسمه….بابتسامه انا بقيت بوه بجد

سليم…اه مش انا بقيت شلبي

نسمه….بضحكه جميله انا عندي سؤال

سليم……اسألي

نسمه….ايه اكتر حاجه نفسك فيها

سليم….في العموم يعني ولا في حاجه معينه

نسمه….اااا هو يعني ايه اصلا في حاجه معينه

سليم….يعني تقصدي مثلا في شغلي في حياتي انا الشخصيه او احلامي في الحياه عموما

نسمه…..طيب قول ف كله حاجه واحده

سليم…..ماشي لو فالشغل اكيد اتمني ان انا و اخواتي نكبر اكتر يبقي عندنا فروع اكتر

نسمه….هو انتوا كام فرع

سليم….هو احنا في القاهره في ثلاثه مفتوحين خلاص وفي الفرع الكبير اللي لسه هيتفتع يعني اربعه في فرعين في سيناء بس فا اتمني يعني نكون فروع كتير في مصر كلها

نسمه…..ان شاء الله تقدروا تعملوا كده طيب كمل

سليم….ااا كمان في عندي انا و عدي مشورع كده نفسنا نعملوا بعيد خالص عن مجال الكافيهات ده

نسمه….ايه هو

سليم…..عايزين نعمل زي مركز صيانه كبير للعربيات تصليح مغسله بس مش معسله عاديه بعني بامكانيات حلوه الصيانه بقي اللي هي البسيطه تغير زيت فلاتر الجو ده

نسمه….حلو طيب ما تعملوا ده

سليم…..هنعمل باذن الله بس بنظبط الدنيا انا وعدي

نسمه….تمام و ايه تاني

سليم…في الحياه عموما انا نفسي احج اوي

نسمه….بجد

سليم…اه والله و نفسي يكون معايا امي و ابويا

نسمه……ان شاء الله تروح وتاخدهم معاك طيب و في حياتك الشخصيه

سليم….استقر اكيد يعني ارتبط اتجوز يبقي عندي بيت و اطفال بس

نسمه….بابتسامه حلو

سليم….طيب وانتي

نسمه…..انا نفسي اعمل عمره اوي نفسي كمان اقدر الاقي في الشغل الحاجه اللي بحبها يعني عايزه اعمل حاجه شبههي انا اكيد مبسوطه بالشغل مع تقي و وليد و بالمناسبه صحيح انا من بعد بكره هرجع انزل معاهم

سليم…..علي فكره انا كنت هسالك في الموضوع ده لاني فكرتك مش هتكملي من بعد الامتحانات منزلتيش