لقاء كارثي

نادين…طيب ممكن تهدي

سلمي….اهدي ايه يا نادين بس بذمتك يا نادين حد فينا غلط

نادين …..لا والله بصي انا اتكلمت معاها و طلعت فيا و مش راضيه تسمع بس نعيمه عندها مشكله انا مش قادره افهمها جايز جواز ليله مأثر فيها

سلمي….جواز ايه اللي ماثر فيها يا نادين احنا هنضحك علي بعض حتي لو ماثر فيها ده يخليها تتعامل بالطريقه دي

نادين…افهمي بس الصبح اتفاجئت ان نعيمه بتقولي انها مش هتكمل شغلها معايا

سلمي…..شغل ايه

نادين….شغلي انا وهي كنت فكراعا مضايقه و بتقول اي كلام طلعت مقرره و بتتكلم جد و فصلت الشراكه لقتها بتقولي انها خدت راي فضل وفضل قالها ليه وبلاش و خدي وقتك وفكري في الاول انا شكيت ان فضل بكون هو اللي طلب منها كده بس بعد ما قالتلي انها خدت رايه عرفت انه ملهوش دعوه

سلمي….لا طبعا فضل مستحيل يقولها كده هو عارف طبيعه شغلكم اصلا و غير كده نعيمه مش هتقبل انه يتدخل في شغلها من الاساس

نادين….انا قولت يمكن مع اني اشك اللي عايزه اقولوا ان هي واضح ان نفستها مش حلوه بتاخد قرارات مش صح و بتفهم غلط و عصبيه و طريقتها مش الطف حاجه

سلمي…..طيب تتكلم معانا تعرفنا فيها ايه

نادين….زي ما قولتلك يا اما جواز ليله ماثر فيها اوي يا اما في مشاكل عندهم في البيت

سلمي…..لا يا نادين معندهاش مشكله في البيت بابا يوميا بيكلم عمو عادل و بيكلم حماده و لو في مشكله كان عرف و بعدين من يوم فرح ليله و هي في البيت معاكي سمعتيها بتكلم حد او في مشكله

نادين….بصراحه لا هي مقضيه وقتها كله نوم عشان كدن بقول احتمال جواز ليله مأثر فيها

سلمي…..ولا ده كمان يا نادين جواز ليله اكيد ماثر فينا و يمكن ياثر فيها اكتر بحكم انهم عايشين مع بعض بس مش هيخليها تبوظ شغلها و لا هيخليها تتعامل مع الناس بقلة ذوق و بعدين نعيمه مش جديده علينا يعني علي طول مدب و بتزعل اللي قدامها بس مش كده يعني و اللي هيجنني اني بجد مغاطتش انا كل اللي قولتوا ليه نعيمه تضايقي البنت بكلتمك انا نبهت عليكي

نادين…..والله العظيم عارفه وانا كمان استغربتها واستغربت طريقتها بس معلش خلينا نتحملها و بعدين انا سيبتها لوحدها جايز لما تهدأ تعرف انها غلطانه سيبها شويه

سلمي…انا مقولتش اني مش متحملاها انا اصلا بتصل بيها اراضيها و اكلمها عادي رغم ان انا اللي مضايقه بس قولت اهزر معاها ابهدلها شويه افهمها براحه بس مدتنيش فرصه عملتلي بلوك