لقاء كارثي

ليله…..بنظره تجنن و انا كمان يا عشري يمكن كنت عارفه ان راحتي معاك بس وجودي جنبك كان ليه احساس تاني خالص رفعت نفسها ودخلت جواه اكتر وقربت منه عارف يا عشري ان اول مره جيت هنا وانا مراتك احساسي بيها غير الوقت

عشري….اكيد عشان كنتي مش طيقاني

ليله …لا مش كده انا يمكن اول ما شوفت قسميه الجواز و قولتلي اني بقيت مراتك غضبي و عصبيتي اللي انت شوفتهم كان جوايا عكسهم تماماً كنت طايره من الفرحه ان اسمي اتكتب علي اسمك كنت فرحانه اني بقيت مراتك بجد بس احساسي بالمره الاولي مختلف خالص عن المرادي المرادي انا حاسه اني طايره فووووق بصت للسماء و رفعت ايدها حاسه اني في حلم جميل متمناش اصحي منه ابداً

حاسه لاول مره في حياتي ان ضهري مسنود يا عشري حاسه بامان عمري ما حسيت بيه عارف لما تقضي حياتك كلها جري و حركه و مسؤوليات و تعب و مجهود و تقوم وتصحي و تنام و انت بس عمال تجري و فجأه تلاقي حجر تتسند عليه شويه و ترمي تعبك كله عليه

اهو ده احساسي بالظبط انت بالنسبالي الحجر اللي سندت عليه بعد تعب كتير اوي يا عشري ولاول مره احس اني لا عايزه اكون مسؤوله ولا اكون بجري و بتعب عايزه ارتاح يمكن مش واخده عالراحه بس لاول مره احس ان الراحه حلوه و احساسها حلو

لحد قبل ما تظهر في حياتي كنت ديما اقول لنفسي العمر بيعدي و شكل الراحه مش نصيبك يا ليله
شكلك خدتي نصيبك من الدنيا في صحابك و شغلك و نجاحك و وقفتك علي رجلك الحب و الكلام ده مش ليكي لحد ما ظهرت انت عرفت ان ربنا كان شايلي نصيبي الحلو

عشري….بأبتسامه تجنن و لقتيه

ليله….بضحك لقيته بس ده انا مسكت فيه كمان

عشري….طيب امته حسيتي ان انا نصيبك يا ليله

ليله….بضحك رفعت شعرها لما اتخانقت معاك و انت واخد الشنط و صحابك وماشي

عشري….بابتسامه طيب و ده حصل لما رجعت تاني و لا وانا ماشي بيهم

ليله…..لما خرجتوا بره و شوفتك بتعند معايا و نازل وسط المايه عشان تروح تشغل العربيات و تخرجها كنت عارفه انك مش هتمشي اصلا كنت واثقه ان الصظفه اللي جمعتنا دي مش هتخلص علي ساعتين و بعدها انتوا تمشوا و احنا نكمل

عشري…..بضحك بس كنتي فرحانه فيا و انا واقف في المايه و العربيات بتاعتكم مش راضيه تدور و شوفت في عينك اول نظره جابتني الارض شماته تحدي ابتسامه نصر