لقاء كارثي

سلامه….اه قالي كده

نعيمه….برضوا يا ميدو الموضوع مش سهل و هما بيستعبطوا بصراحه.

سلامه….ياستي خير ان شاء الله انا هنبه علي ايه تاني و هنشوف

عسال….بهمس حبيبي فيكي ايه ليه ساكته كده

نادين….بابتسامه مفيش يا حبيبي انا بخير

عسال….لا صوتك من بدري مش عاجبني و شكلك باين عليه اوي حصل حاجه انا معرفهاش بابا و ماما كويسين

نادين…..كويسين والله مفيش صدقني

عسال…..لا مش مصدقك وهعرف مالك

ابتسمت نادين بهدوء وبصت عليهم
كانوا بيتكلموا قعدوا شويه و بعدين استاذنوا و مشيوا و ميدو قالها لما توصل تكلموا.

……………….

عند ليله و عشري
طلعوا فوق في الخلوه الخاصه بيهم اللي عشري صممها بكل حب و كأنه كان عارف ان ليله هتدخل حياته و يبقي مكانهم الخاص..

جو المكان كان يجنن مكان واسع فوق الاوضه بتاعتهم متوصلين ببعض بسلم داخلي حمام سباحه مش كبير اوي بطول المكان لكن مش عريض اوي كان اشبه اكتر بالچاكوزي شموع في كل مكان تابلوهات هاديه قاعده رايقه علي جنب السقف كله عباره عن زجاج باصص للسماء مخلي المنظر يجنن
مع موسيقي هاديه و رومانسيه اضاءه خفيفه اوي الشموع هي اللي منوره المكان كله قاعده خياليه و تجنن بجد..

عشري كان قاعد ساند ضهره و هي قاعده قدامه سانده ضهرها علي صدره لافف ايده علي بطنها و الايد التانيه فيها سيجاره و هي ماسكه بأيدها الاتنين ايده و ساكتين خالص ملامحهم مبتسمه و كأنهم قاعدين في الجنه في اثر نايه علي جسمهم

بكل هدوء مال عشري براسه باس كتفها بوسه تجنن ابتسمت ليله و سابت ايده و رفعت كفها حضنت وشه و هي بتاخد نفس عميق.

عشري…..بهمس بحبك يا ليله

ابتسمت و رفعت وشها ليه بهدوء بصتلوا وسكتت

عشري….بنظره تجنن كان عينه بتضحك من كتر ماهي بتلمع اوعي تكوني حلم يا بلطجيه و اصحي منه الاقيكي لسه مش معايا

ليله…..بابتسامه لو طلعت حلم هتعمل ايه؟

عشري……هصحي اخدك من ايدك و اجيبك هنا لاقرح بقي ولا اي حاجه مش هستني

ليله….بضحكه جميله مبسوط يا عشري

عشري….مبسوط !! اني اكون مبسوط ياليله ده احساس عابر اخره ضحكه او ابتسامه انما انا مرتاح مرتاح يا ليله و الراحه اللي جوايا عمري في حياتي ما حسيت بيها بالشكل ده انا جوايا راحه متتوصفش عارفه اللي كان في حرب و سمع صوت من بعيد بيقول انتصرنا اهو الصوت ده انا سمعته من اول ما شوفتك داخله بفستانك حسيت اني انتصرت بجد حسيت ان ربنا حط جوه قلبي احساس بالراحه ميتوصفش انا مرتاح يا ليله وده شعور بيتهيألي انه اقوي بكتير من كلمه مبسوط