لقاء كارثي

حسان….اه حكالي انتي شايفه ايه
بتكدب ولا ايه ظروفها

سلمي….لا خالص يا حسان بتكدب ايه البنت متبهدله و مضروبه و واضح انها اتعذبت كتير و باين اصلا من حكايتها انها صادقه بجد صعبت عليا لما تامر خدني انا وبابا يحكيلنا ازاي لقاها هو وايه بصراحه غلطتوا زي بابا بس لما سمعناها لا انا اتعاطفت معاها اوي و وجعت قلبي

حسان…..واضح من كلام تامر اصلا انها في مصيبه و بيقول انها صغيره

سلمي…22 سنه

حسان….طيب وعمي وافق انها تقعد و لا من زنكم عليه انتي و ايه

سلمي….هو في الاول كان رافض و استسلم شويه من زن ايه بس لما سمعها اتعاطف معاها اوي هي بالبنت اصلا تصعب عليك من كلامها

حسان…..ربنا معاها يارب

سلمي….يارب انت جيت ليه بقي

حسان….والله وحشتيني و جيت اشوفك

سلمي…..هو تامر مشي من البيت

حسان….اه خلصوا و مشيوا و انا جيتلك علي طول هتعملي ايه الوقت

سلمي……ولا حاجه انا خلصت خلاص ما تروح معايا ولا وراك حاجه

حسان….لا مش ورايا بس انا فاصل جيت عشان اشوفك بس واقعد معاكي شويه

سلمي…..طيب تعالي معايا عشان خاطري

حسان….و غلاوة سلمي ما قادر خالص و هيبقي شكلي مش احسن حاجه لو عمي اتكلم وانا مش مركز معاه

سلمي….خلاص خلينا قاعدين شويه مع بعض هنا

حسان…..لا هاتي حاجتك و تعالي ننزل تحت في العربيه عشان البنات اللي بره لو حابين يمشوا.

سلمي…اوك يلا بينا..

……………..

عند عدي و تقي..

عدي….يعني مش هتيجي بكره معاهم

تقي….احتمال كبير لا انا هبقي اكلم ليله و اشوف البنات هيروحوا امته وهاجي معاهم او هتفق مع نسمه و نروح مع بعض

عدي….خلاص شوفي كده هتعملي ايه وعرفيني

تقي…طيب قولي بقي لسه زعلان

عدي…. بابتسامه تاني و ترجعي تزعلي لما أتكلم

تقي…لا مش هزعل انا زعلت عشان قالب وشك عليا وساكت و انا مش بحب كده عيزاك لما تبقي مضايق تقولي مضايق من ايه مش تقلب وشك عليا وانا مش عارفه فيك ايه

عدي…ماهو المصيبه انك عارفه سبب قلبة وشي يا تقي

تقي….ماشي عارفه بس ممكن نتكلم بهدوء من غير عصبيخ ولا قلبة وش

عدي…..طيب انا عندي سؤال انتي بتقولي ان انا متكلمتش معاكي في موضوع الفستان ولا قولتلك تجيبي ايه وبلاش ايه بذمتك انتي شايفه ان الفستان ده كان يتلبس اصلا انتي شايفه انه شكله فستان اصلا يا تقي ده كان عامل زي بدلة الرقص و بعدين انا مش لازم اقولك او اعلق علي حاجه المفروض انتي تبقي فاهمه ايه اللي ينفع وايه اللي مينفعش