لقاء كارثي

من بدري رشيد كل نص ساعه تقريباً يتصل مره يطمن عليها و مره تانيه يبعتلها مسدچ برضوا يطمن عليها كانت بترد عادي بس صوتها وردها عالمسدچات كان باين انها واخده منه موقف ..

قامت بهدوء و دخلت علي جوه

اما رشيد فكان مستني مكالمتها كان عارف انها هتكلموا بعد ما الورد يروحلها بس متصلتش عرف وقتها انها زعلت منه بجد و قرر يصالحها و يتكلم معاها لما يرجع لانه مش قادر علي خصامها..
بس اكيد ايمي كان ليها قرار تاني خالص.

………………..

عند نسمه وسليم كانوا بياكلوا مع بعض وعنالين يتملموا ويسألوا بعض

سليم….طيب قوليلي ايه اكتر اكله مستحيل تاكليها

نسمه….يعني تقصد كلتها و محبتهاش

سليم….اه او محبتيهاش اصلا حتي لو مكلتيهاش

نسمه….هو في اكل كتير انا مش بحبه بصراحه يعني كلتوا و مش عجبني اوي بس في حاجه مستحيل اكلها و مكلتهاش قبل كده

سليم…. ايه هي

نسمه….الخروف

سليم…بابتسامه بتتكلمي جد مبتحميش الخروف

نسمه…بنظره قرف اه انت بتحبه

سليم….اكيد احنا اغلب اكلنا اصلا بيه البدو عموما كل اكلهم مندي و حلم خروف و تيس ورز و مدفون كده يعني

نسمه….لا انا مش بحبه بس يعني ايه تيس

سليم….بابتسامه ده المعزه بس الولد ذكر الماعز يعني

نسمه….بضحك وصدمه سليم انت بتاكل كده

سليم…..علي فكره طعمهم حلو اوي انتي ايه القرفه اللي علي وشك دي و ليه مش بتحبيهم

نسمه….انا مش بحب الخروف لان ريحته غريبه يعني بابا بياكلوا هو و ماما و نادر و تقريبا نعيمه بصراحه مش فاكره اوي بس لا هي بتاكله لس انا بعرفه من ريحته اوقات ماما تضحك عليا و تقولي لا ده احم هادي بس ريحته معروفه بقرف منه بصراحه

سليم…..هو ريحته قويه و مميزه بس والله طعمه يجنن اكيد انتي كلتيه بطريقه معجبتكيش

نسمه….لا هو انا مكلتوش اصلا ماما ممكن تشويه او تعملوا في طواجن زي الباميه و الاكل ده بس انا مستحيل احطه انا معرفش طعمه اصلا

سليم….ده بجد

نسمه….اه والله

سليم…خلاص يبقي هأكلهولك انا و بطريقه هتعجبك

نسمه….لا لا مش هقدر اكلوا

سليم….لا هاتكلي عشان خاطري
و هيعجبك ممكن نبقي نجربه

نسمه…بقرف حاضر

سليم….بضحك حاضر ايه بالقرفه اللي علي وشك دي

نسمه….ما انا مش عايزه ازعلك بس
مش بحبه والله

سليم….والله العظيم هيعجبك اوي
و بعدين مينفعش تحكمي علي الحاجه قبل ما تجربيها مش كده