لقاء كارثي

عسال…..مالك يا حبيبي ساكته ليه

نادين….خالص والله بس كنا في المخزن زي ما انت عارف قبل ما نروح لمصطفي و مصدعه شويه بس كويسه

سلامه…..صحيح انتوا عرفتوا اللي حصل مع ايه و تامر حكيتلكم ايه

نادين….في ايه

نعيمه…..حصل ايه لا مكلمتهاش في حاجه

سلامه….امبارح كانوا هنا بيطمنوا علينا و بعدين نزلوا بنت ركبت معاهم فتحت الباب وهي بتصرخ و بتقول لتامر يطلع و كان في رجاله بتجري وراها و خدوها معاهم البيت

نعيمه….البيت يعني ايه ؟

سلامه…..هقولك

……………

سليم…..بابتسامه حمد الله علي السلامه

نسمه…..الله يسلمك اااا هتروح

سليم….اه هطلع علي زايد بس مش هطاع الوقت هكمل شغل معاهم و لما اطلع هبقي اكلمك

نسمه….طيب ممكن لما توصل تعرفني

سليم…. بابتسامه اكيد ياريت نطلع نصلي العشاء

نسمه…. بابتسامه حاضر وانت كمان صلي و امشي براحه

سليم…..بضحكه هاديه حاضر مبسوطه

نسمه……اوي انت مبسوط

سليم…..مبسوط جداً

نسمه….بضحكه كسوف ماشي اااا انا هنزل بقي اوك

سليم….ماشي علي فوق علي طول

نسمه….حاضر ميرسي ياسليم

سليم…..علي ايه انا اللي ميرسي علي شلبي الحلو ده

نسمه….بضحك خلي بالك منه و خد بالك يعني هيقولي كل حاجه عنك

سليم….اوبااااا جاسوس يعني

نسمه…..بضحك اه جاسوس هيفتن عليك

سليم…..لا وعلي ايه انا مش قد الاستاذ شلبي

نسمه….خلي بالك من نفسك

سليم….حاضر يلا علي فوق علي طول

نسمه…..باي يا سليم

سليم…..باي يا بوووه

ضحكت نسمه و نزلت فضل باصص عليها في المرايا و هي بترجع علي البيت و اول ما دخلت اتحرك.

……………..

نعيمه…..يا نهار اسود طيب و هما اتهباوا ولا ايه عشان يدخلوا خد غريب عندهم

سلامه…..والله انا قولت لايه بس من كلامهم واضح ان البنت فعلا محتاجه مساعده

نادين…..طيب انت خدت الصوره بتاعت البطاقه

سلامه….اه معايا

نادين ….طيب ابعتهالي يا سلامه انا هعرف بطريقتي حكايتها و اشوف هي صادقه ولا لا

سلامه…..ايوه بس متتحطيش انتي في الصوره لان لو البنت كلامها صح ده معناه ان الناس دي بتوع مشاكل

حنان….اه يا بنتي خدي بالك

نادين….لا متخافوش انا مش هسأل عندهم و لا هقرب منهم انا هكشف بس علي البطاقه واتأكد من صحتها مش اكتر

نعيمه….بس لازم تتكلم مع ايه يا سلامه دي بتهرج انا هبهدلها هي والهبله التانيه