لقاء كارثي

عشري….امممم طب والقمر بيعرف يعمل ايه

ليله…..بابتسامه لا القمر بيعرف يعمل كل حاجه متقلقش غمزتلوا معاك شيف و شاطره و نفسها حلو كمان ميغركش اللبس و الجو ده وقت الجد بندغدغ المطبخ

عشري….بضحك يا ولاااااااا اممممم طيب انا مش عارف مفيش حاجه في دماغي والله اللي هتعمليه هاكله انا باكل اي حاجه

ليله….اي حاجه اي حاجه

عشري…..رفع حاجبه الا الفسيييييخ

ليله….بضحك لا متقلقش اصلا مفيش هنا فسيخ

عشري….ولا هيبقي فيه مش هيدخل البيت يا متشرده

ليله….ضربته علي صدره لا ياحبيبي مش انت اللي تقول و بعدين ده بيتي اعمل فيه اللي انا عيزاه مش عاجبك اتكل علي الله

عشري….بأبتسامه و انا مش هقدر اتكلم انا ضيف هنا

ليله….كويس انك عارف و الضيف يبقي مؤدب ميتدخلش في حاجه

عشري…..ماشي يا ستي طيب بقولك ايه

ليله….هااااا

عشري….انا فاكر يعني امونه قالت الاكل عليا والرقص عليكي

ضحكت ليله بهدوء

عشري….فا بقول يعني سبيلي انا حوار الاكل ده و روحي انتي ظبطي الدنيا عشان عندك نمره

ليله…..بضحكه تجنن و مياعه هو انت عندك امل يعني اني ارقصلك وكده

عشري…..وحياة امك انا متجوزك يابت عشان ترقصيلي

ليله….بضحك وحياة امك انت طب شوف مين بقي هيرقصلك

عشري…..بضحك لا ده انا اروح فيكي في داهيه والله اكسر الشاشه علي دماغك

ليله…..بضحك الله يخربيت ام الشاشه اللي واقفه بينا اهي الشاشه دي ينطبق عليها مثل ماينوب المخلص الا تقطيع هدومه

عشري…..بضحك صح حصل

ليله…..بابتسامه طيب انا هعمل الاكل و هبقي ارقصلك حلو كده

عشري….ما انا عايزك مرتاحه عشان تعرفي ترقصي براحتك

ليله….امممم مصمم يعني

عشري….ايه مش عايزه

ليله….بدلع لا مش كده بس يعني بتكسف

عشري….بضحك نعممممم سمعبني تاني كده

ليله…. بضحك ماهو انت مش فاهم انا برقص اه بس فكره اني ارقصلك دي صعبه شويه

عشري….اااااه وترقصي لشعب مصر عادي بت خليني ساكت انا من بوم فرح امنيه وانا مش طايقك

ليله….بضحك غمزتلوا بس ايه رأيك كان شكلي حلو صح

ابتسم بغيظ وهو بيعض علي شفايفه

عشري……حلو بس جننتيني و لولا اتفاقي مع اخوكي و الله العظيم كنت دخلت عليكي من اول ما ققلت علينا باب واحد

ليله….بابتسامه احترم نفسك

رن تليفون عشري بصلها وابتسم

عشري…..راجعلك يا بلطجيه ويلا خلصي