لقاء كارثي

تقي….اممممم حتي لو انت اللي مزعلني

عدي…اه يا تقي حتي لو انا اللي مزعلك عشان بصراحه الحركه دي حركه زباله و بتاعت عيال صغيره المفروض مضايقه مني او مضيقاني يبقي في لغه حوار مش فجأه كده احس اني بتعامل مع طفله كل ما تتقمص تقفل موبايلها تصدقي بالله انا لو ملبسك دبله في ايدك و الله يا تقي لا اروحلك البيت واجيبك من رقبتك

تقي….بابتسامه ااا طيب ما تلبسني دبله حد ماسكك

عدي…..هلبسك بس يا اوعديني

تقي….ماشي اوعدك

عدي….لا اوعديني من قلبك يا تقي عشان بصراحه يعني و من غير زعل مبقتش اصدقك في النقطه دي بالذات

تقي…..وغلاوة عدي عندي ما هعمل كده تاني

عدي…..ولو حصلت يا تقي

تقي….ابقي تعالي هاتني من رقبتي حتي لو لسه مجمعتش فلوس الدبله ياعم

عدي…..بضحك ضربها علي وشها فلوس ايه يا جزمه اللي لسه بجمعها

تقي…. بضحك ياعم بهزر معاك بقولك تيه انا جعانه بجد

عدي…..بضحك خلاص هأكلك يا طفسه بس انتي بجد كلتي كل الاكل ده جالك قلب يا جزمه وانتي مزعلاني

تقي….بضحك ماهو انا كنت بطلع غلبي في الاكل كنت واحشني و مضايقه منك و في نفس الوقت كنت عارفه اني لو فتحت و كلمتك هتروق عليا و انا خوفت علي برستيچي بصراحه

عدي…..برستيچك هاااا ده انتي هيطلع عينك انتي و برستيچك اخلصي يا طفسه عايزه تاكلي ايه

تقي….اممممم بيتزا و ممكن شاورما سوري و فرايز وووو برجر كفايه كده عشان اعرف اتعشي

عدي…..بضحك لا وجايه علي نفسك ليه عايزه حاجه تاني حاسس ان الاوردر ناقص في اتنين في القبيله مش هياكلوا

تقي…بضحك لا متقلقش لو مفيش فلوس معايا وراك رجاله

عدي…..رجاله كويس انك عارفه

تقي….بضحك لا مش قصدي كده يعني اقصد اني سداده

عدي…بابتسامه لا يا طفسه كفي نفسك هأكلك عيوني للقمر

تقي…بحب طيب علي فكره انا بهزر انا عايزه شاورما بس

عدي….بضحك لا مينفعش علي الاقل عشان بطوله كمال الاجسام اللي انتي دخلاها دي بتحتاج اكل كتير

تقي…..بضحك لا والله انا بهزر اينعم انا باكل كتير بس اكيد مش هاكل كل ده

عدي…..لا يا ستي هناكل كل ده انا بقي جعان

تقي….بطل هبل انا بهزر والله العظيم
عايزه شاورما وبس

عدي….براحتك بس لو جيبت بيتزا و برجر و حطيني ايدك عليهم هقطعهالك

تقي…..بضحك خد بالك انت طريقتك مش عجباني و مستقصدني