لقاء كارثي
لقاء كارثي
نادين….مش صح يا نعيمه صدقيني
نعيمه….ناااادين خلاص اقفلي الموضوع عشان صدعت و مزاجي باظ علي الاخر
سكتت نادين و محبتش تجادل معاها كتير
رن موبايل نعيمه بصت لقت سلمي
كنسلت عليها و عملتلها بلوك هي وايه.
نادين…..احممم يلا وصلنا
نعيمه…اااا نادين بقولك ايه
نادين….قولي
نعيمه….يعني انا عارفه انك قاعده معايا عشان متسبنيش لوحدي بس انا تمام علي فكره تقدري تروحي انتي متعطليش نفسك
نادين….بابتسامه هاديه اعطل نفسي ايه يا هبله ما انا قاعده لوحدي زيك انا معاكي عشان نتسلي مع بعض
نعيمه…..نادين انا مش عيله صغيره علي فكره مش هتعرف تقعد من غيرك او من غير ليله و انتي قاعده معايا عشان كده بس اكيد هيجي وقت وتروحي بيتك فا من فضلك ارجعي انا محتاجه اكون لوحدي
نادين….بصتلها بحزن مش عيزاني معاكي يا نعيمه ابتسمت بهدوء ايه شايفه يعني انك انتي اللي بتطرديني
نعيمه…..بطردك نادين انا مش فايقه خالص للهبل بتاعك ده انا عايزه اكون لوحدي ولا مينفعش
نادين….بهدوء لا طبعاً ينفع يا نعيمه لو وجودي معاكي مضايقك بلاش انا كنت معاكي اصلا عشان تبقي مبسوطه وتفكي بس خلاص خليكي براحتك انا هبقب اخد حاجتي بعدين بس يعني لما اتصل عليكي ابقي ردي عليا عشان اطمن
نعيمه…..تمام يا نادين باي
نادين…..باي
نزلت نعيمه و قفلت الباب و راحت علي المدخل
نزلت دموع نادين و طلعت بالعربيه كامت جايبه اخرها اصلا من الصبح و مودها زي الزفت و بتحاول متبينش بس انفجرت في الاخر راحت علي بيتها ركنت العربيه و نزلت لقت سلمي بتتصل عليها
خدت نفس و ردت بهدوء
نادين….ايوه يا لومي
سلمي…..بغضب نادين اديني نعيمه
نادين…في ايه يا سلمي نعيمه وصلتها البيت وروحت علي بيتي
سلمي…..نادين بقولك اديني نعيمه لا اما هلبس واجي الوقت انا عارفه انك معاها
نادين….والله العظيم مشيت هي قالتلي امشي عايزه تقعد لوحدها انا تحت بيتي في حاجه
سلمي….البت دي متخلفه ولا ايه حكايتها بالظبط بتصل بيها الوقت عشان اراضيها و الموضوع ميكبرش لقتها كنسلت اتصلت تاني لقتها عملالي بلوك اتصلت من عند ايه برضوا عملتلها بلوك
نادين…..بلوك ايه انتي بتهرجي
سلمي….ورحمه ماما با نادين عملتلنا احنا الاتنين بلوك انا مش قادره اصدقها يعني هي اللي غلطانه و هي اللي عملت مشكله و قولت برضوا معلش اتصل عليها عشان عارفه انها غبيه و ممكن تفكر اني طنشتها تقوم تعملي بلوك انا يا نادين انااااا
