لقاء كارثي
لقاء كارثي
نسمه….لا عشان فتره الامتحانات و الفرح بتاع ليله بس هنزل ان شاء الله بعد بكره
سليم…طيب كملي
نسمه….ااا بس انا حابه الشغل اوي بس عايزه اعمل حاجه خاصه بيا زي ما قولتلك قبل كده
سليم…..طيب انتي في حاجه في دماغك
نسمه…. للاسف لا خالص في افكار كتير و في حجات بحبها بس انا مش هعرف اعملها و زي ما قولتلك انا بفكر في موضوع الشغل ده بعقلي اكتر لاني مش عايزه افشل يا سليم
سليم…. انتي صح طول ما انتي مش حاسه الشغل مينفعش تجازفي
نسمه….ما عشان كده انا مش بستعجل بصراحه
سليم….بابتسامه امممم طيب و بالنسبه للحياه الشخصيه
نسمه….بابتسامه كسوف ااا يعني اكيد حابه ارتبط و احب
سليم…..طيب سؤال يا نسمه انتي حاسه نفسك لو ارتبطتي و حبيتي مستعده لفكره الجواز و المسؤوليه ولا زي الشغل كده
نسمه….اكيد مستعده علي فكره انا اللي معطل فكره الشغل عندي اني بحب البيت اكتر يعني انا بيتهيألي مش هعرف اكون بشتغل و مسؤوله عن بيزنيس و انا متجوزه
سليم….اشمعني في بنات كتير بتعرف تعمل ده
نسمه….صح بس انا حاسه من جوايا اني مش هعرف
سليم…طيب لو قولتلك بيزنيس ناجح و تكوني مسؤوله عنه و تكوني حباه من قلبك وناجحه فيه و لا جواز من شخص بتحبيه و بيت و اطفال و مسؤوليه تختاري ايه
ابتسمت نسمه و سرحت شويه
نسمه…ايه السؤال ده
سليم…..بضحك صعب صح
نسمه…لا خالص هو سهل بس اخاف ارد تستغربني
سليم…..بالعكس ردي الشغل صح
نسمه….لا البيت و الجواز و الشخص اللي بحبه و اكيد اطفال
سليم…. بابتسامه بتتكلمي جد
نسمه… اه والله و من غير تفكير كمان
سليم….حتي لو انتي ضامنخ الشغل و حابه فكرته و ناجحه فيه
نسمه…..اه هختار البيت
سليم….طيب لو فرضنا انتي الوقت بتشتغلي و عندك شغلك الخاص و ناجحه فيه جدا و قدرتي توقفيه علي رجليه و حبتيه جدا و ارتبطتي و اتجوزتي و جوزك مش ممانع انك تشتغلي يعني عادي سايبك براحتك هتكملي
نسمه…..لا
سليم….بصدمه ضحك حتي لو هو عادي مش مضايق من شغلك
نسمه….اه والله انا من نفسي مش هكمل بعني لو في شغل و ناجح زي ما بتقول و ممكن حد يكمله من غيري انا اتابع بس من البيت اوك لكن لو مفيش لا هسيب لاني هبقي حابه اهتم ببيتي و ولادي اكتر
سليم…..نسمه انتي بتحب جو البيت والعيله اكتر
نسمه….مفيش حد في الدنيا يا سليم مش بيحب جو البيت والعيله و الدفي يعني دي حاجه جوانا يمكن الشغل و النجاح حاجه حلوه اوي بس العيله احلي
