لقاء كارثي

ايه…محستش بايه انا دخلت لقتها معيطه جامد بس قولتلها متزعلش و اتكلمت معاها شويه

سلمي….الله يسامحك يا نعيمه

ايه….بقولك ايه كبري دماغك بقي اللي حصل حصل

سلمي….ما انا مكبره دماغي اهو لدرجة اني هروح اتصل بيها واراضيها كمان عشان متخلفه و فاكره اننا واخدين صف نغم

ايه…..دي غبيه بس مش هترد عليكي لا اما هترد و تسمعك

سلمي…..بإبتسامه لا هترد و تسمعني دي نعيمه فكرك يعني هتسك لسانها عايز قطعه بس بحبها اعمل ايه تعالي اقفي شوفي الاكل بس اوعي تحرقي نفسك زي الهبله دي

ايه…..بثقه بت عيب اديكي قولتي هبله اهو وقعت من ايدها المعلقه احييييييه

سلمي….بضحك عيب عليكي ها ده انا لسه مخرجتش

ايه……البت نعيمه سرها باتع شكلها سايبه روحها هنا حقك عليا يا طاااهره

سلمي….بضحك اه يا متخلفه براحه جايه علي طول

ايه…..طيب.

………………

نادين كانت حاسه ان نعيمه متعصبه من اول ما ركبت سابتها خالص و بعد شويه بصت عليها كانت باصه من الشباك.

نادين…..نعيمه

مردتش

نادين …. ليه العصبيه دي كلها انتي كويسه

نعيمه…..بصتلها بغضب لا مش كويسه يا نادين اللي كنت فكراهم صحابي واقفين مع حتت بت لقوها في الشارع و بيدافعوا عنها و الاتنين واقفين يحاسبوني علي خوفي عليهم

نادين…..لا يا نعيمه انتي فاهمه غلط علي فكره انتي عارفه سلمي و ايه بيحبوكي قد ايه

نعيمه…..حب ايه يا نادين انتي هبله ما انتي كنتي واقفه وشوفتي كل حاجه بعينك و شوفتي الطالعه اللي طلعوها فيا

نادين…..محدش طاع فيكي يا نعيمه هما كل اللي قالوا ليه كده بيعاتبوكي مش اكتر

نعيمه…..نادين لو هتدافعي عنهم هنزل واسيبك

نادين….يا حبيبه قلبي انا مش بدافع لا عنهم ولا عنك بس هما جايز صعب عليهم البنت و اكيد هما سمعوا منها اللي احنا مسمعناهوش احنا سمعنا منهم هما بس اكيد هتفرق لو هي اللي حطت يعني اكيد اتأثروا بحكايه البنت و مضايقين عشانها و كلامهم معاكي كان مجرد عتاب لان حقيقي انا حسيت ان البنت اتحرجت اوي و اتوجعت

نعيمه…..حتي لو تبقي مين بينا يا نادين عشان يقفوا قدامي عشانها ده جزائي يعني اني خايفه عليهم

نادين…اكيد لا يا نوني مش كده بس هقولك حاجه و متتعصبيش

بصتلها نعيمه و مردتش

نادين….ااا بصراحه يعني انتي مش كويسه و عصبيه زياده عن اللزوم حسيتك ضغطتي شويه علي البنت و كمان فهمتي عتابهم ليكي غلط غير ان انا من بدري حساكي مش تمام قرار شغلك و انك تسيبيني كل ده يخليني احس انك فيكي حاجه