لقاء كارثي

ايمي…..بضحكه جميله كنت تجنن

رشيد….بضحك والله العظيم انتي اللي تجنني و بموت فيكي يا ايمي

ابتسمت ايمي و ضمته جامد

وقدرت تغير موده و مودها و جنانهم عدي علي خير.

………………

اليوم عدي و جه تاني يوم اللي المفروض اخوات ليله هيزوروها

اليوم كان ماشي هادي و سعيد جدا علي نسمه و سليم كانوا مبسوطين اوي و هي كانت عامله زي الطفله طول الوقت بيطمن عليها بيدلعها مبسوط بيها..

تقي وعدي كانوا برضوا مبسوطين و رجعوا تاني لشاقوتهم و حبهم و دلعهم بعد ما اتصالحوا ..

ايمي و رشيد نفسيتهم كانت افضل كتير بس رشيد كان عنده وسواس كل شويه يسألها انتي كويسه فيكي حاجه وحتي لما راح الشغل كل شويه يتصل عليها

ليله كانت مبسوطه ان اخواتها جايين و في نفس الوقت حاسه انها مكسوفه اول مره هيجولها البيت و هي عروسه متوتره شويه حاسه ان الموقف جديد عليها ان حد يجيلها البيت يزورها و عشري كان عمال يضحك عليها.

نادين اتصلت بنعيمه تكلمها ردت عليها بس لما لقتها هتفتح في الموضوع قالتلها مش عايزه تتكلم في حاجه

سلمي و ايه كانوا مضايقين من البلزك اللي هي عملتوا بس سلمي قررت انها تخلص من الموضوع ده عشان ميكبرش و نزلت تعدي عليها قبل ما تروح الشغل لكن ملقتهاش حاولت تتصل بيها يمكن تكون فكت البلوك بس مفكتش اتصلت علي نادين تسألها قالتلها انها متعرفش انها نزلت بس كلمتها و طلبت نادين منها تسيبها لما تهدأ و هي هترجع تكلمها تاني و تعرفها انها راحتلها..

ريهام منزلتش الشغل اخواتها قالولها تقعد وترتاح اكتر عشان متتنكسش و اضطرت تسمع كلامهم و بعتت رساله لمحمود عرفتوا و هو قالها خليكي براحتك وارتاحي و اتكلم معاها شويه و هزروا زي العاده

ايمي بعتت للبنات علي الشات بتاعهم انهم هيروحوا بكره لليله و اتفقت معاهم نعيمه كانت بتشوف و مش بترد بس اتصلت علي ايمي قالتلها تمام

و تقي اتفقت مع نسمه انهم يروحوا يوم لوحدهم

……………

في مساء اليوم اخوات ليله وصلوا كلهم دخلوا وسلموا وقابلهم عشري و كان مبسوط بيهم اوي و خرجت ليله واول ما اميمه وقمر ومها شافوها مبطلوش زغاريط كانت عماله تضحك ومكسوفه كانوا جايبين معاهم حجات كتير اوي

عشري خد وليد واحمد وسامح و ولاد اخواتها الولاد و قعد بيهم في المجلس

ليله…..هو ايه بقي اللي انتوا جايبينوا ده كله يا اميمه بجد