لقاء كارثي

سلمي…..يا نعيمه افهمي مش بنحاسبك بس كل واحد فينا عنده مشاكل و ضغوطات يا نقول كلمه حلوه يا بلاش نجرح بعض و نزود وجعنا انا مش بحاسبك انا بس البنت صعبت عليا

نعيمه….وانتوا مش صعبان عليكم نفسكم لما تبصي تلاقي حد بيتهجم علي ابوكي وايه و انتي و تامر مش هنا هتتبسطي لما ترجعي فيهم حاجه وقتها بقي البت دي هتنفعك لو خوفي عليكم مزعلكم اوي كده انتوا احرار اعمل ا اللي يريحكم بس لما يحصلكم حاجه بسببها متبقوش تتصلوا بحد فينا و تقولوا الحقونا

سلمي…..بصدمه ابتسمت هو ده كل اللي شاغلك يا نعيمه اننا هناصل نقولك الحقينا مش هنبقي نقول ياستي متقلقيش و لو فاكره اني زعلانه من خوفك علينا تبقي غلطانه
انا بتكلم عي الطريقه مش اكتر

نادين…..نعيمه هما ميقصدوش هي بس البنت صعبت عليهم مش اكتر يعني انتي اكيد خايفه عليهم بس يعني جايز طريقتك مع البنت مكانتش الطف حاجه.

ايه….ايوه هو ده اللي نقصده البنت مكسوفه اوي من وجودها هنا و من امبارح مخرجتش من الاوضه بتخرج بس بالعافيه عشان تاكل فا سؤالك احرجها اكتر حست انها تقيله

نعيمه……ده بجد سؤالي اللي احرجها طيب ماهي تقيله فعلا يا ايه انا مش فاهمه انتوا شايفين اللي انا شيفاه ولا لا مكسوفه ايه بالله عليكم دي واحده قاعده في بيت ناس غريبه متعرفهمش و لا يعرفوها و بتقوليلي مكسوفه

سلمي…..مضطرررره يا نعيمه مضطره انتي لو مكانها هتعملي ايه هتباتي في الشارع

نعيمه….اه عادي هبات في الشارع مش هدخل بيوت ناس معرفهاش

ايه…..لا يا نعيمه انتي بتقولي كده عشان انتي مش في نفس موقفها و بعيداً عن انها ملهاش حد هي هربانه يعني وجودها في الشارع خطر عليها انا اللي شوفت الرجاله و هما بيجروا وراها شكلهم كان يرعب و لو كانوا مسكوها بعد البلاوي اللي مسكاها عليهم واللي هي حكيتها دي كانوا فعلا قتلوها

نعيمه…وهربتوها و بعدتوها عنهم خلصت خلاص ادوها فلوس و كده تبقوا عملتوا اللي عليكم وزياده

سلمي…..نعيمه انا بجد مش مصدقاكي بنقولك البنت ملهاش حد ابوها علاقته بيها مقطوعه بسبب انه اتجوز و الله اعلم لو كلمتوا هيوافق يقبلها عنده ولا لا

نعيمه….يعني ابوها مش ممكن يقبلها وانتوا عادي تلبسوها ليها ربنا يا سلمي افرضي ابوها فعلا مقبلهاش هتفضل عايشه معاكم انتي ناسيه يا سلمي ان اخوكي موجود معاكم هنا يعني في راجل في البيت غير ابوكي طبعاً عادي هي هتقبلها علي نفسها انتوا بجد مصدقينها