لقاء كارثي

سلمي….بابتسامه ااا اساعدك في ايه يا حمودي

احمد….ولا اي حاجه روحي اقعدي مع البنات متسيبيهمش لوحدهم

سلمي…..لا ماهما مشيوا

احمد…ايه ده مشيوا ازاي

سلمي….سلموا عليك من بعيد بس قولتلهم اكيد مش سامع

احمد….وده اسمه كلام طب نادي عليا يا بنتي عيب

سلمي….يا بابا هما غرب ما هما عارفين انك علي طول واقف في المطبخ او في اوضتك بتقرأ المهم اساعدك في ايه

………………

نزلت نادين نعيمه كانت واقفه قدام العربيه و باين انها متعصبه قربت نادين منها.

نعيمه…..بغضب انتي فين كل ده يا نادين ادام عايزه تفضلي قوليلي وانا همشي

نادين….بهدوء حقك عليا بس كنت بسلم عليهم والله معلش

نعيمه…..طب يلا افتحي

فتحت نادين العربيه و ركبوا واتحركوا..

…………………

دخلت ايه الاوضه و اول ما دخلت لمحت نغم بتمسح دموعها بسرعه و بعدت عينها عشان متشوفهاش بس شافتها

ايه….ايه ده في ايه نغم بتعيطي ليه؟

نغم…بأبتسامه لا لا مفيش بس رفعت رجلي مره واحده و وجعتني

ايه….رجلك وجعتك ولا أضايقتي من كلام نعيمه

نغم…بأبتسامه لا خالص صدقيني و بعدين هي معاها حق هي اكيد متعرفنيش كويس و يمكن مش فاهمه اوي او مش قادره تصدق ان في ناس ممكن تبقي وحشه اوي كده

ايه….علي فكره يا نغم نعيمه طيبه اوي والله هي متقصدش هي مشكلتها بس انها مش بتعرف تجمل الكلام و لا بتبقي عارفه ان الكلام ممكن يزعل حد منها بس هي طيبه والله يمكن هي خايفه بس علينا او فاكره ان ممكن حد يكون لحقنا و يتعرضلنا فهماني

نغم….فهماكي والله و صدقيني مش مضايقه من كلامها انا مضايقه من الموقف اللي انا فيه مضايقه عشان حاسه ان مفيش حاجه في ايدي اعملها عارفه يا ايه انغام اختي هي اه كانت اكبر مني بس هي طول عمرها بتقولي انا بستقوي بيكي انغام كانت طيبه اوي و حساسه جدا و بتاخد كل حاجه علي اعصابها الكلمه البسيطه كانت بتأثر فيها اوي و ممكن تدخل في اكتئاب بسببها لما كان حد يعمل معاها مشكله علي سبب تافه كانت تفضل تعيط زي العيال الصغيره مريم كانت بتطلع فيها كل طالعه وطالعه حتي لو هي مش غلطانه مكانتش بتدافع عن نفسها كنت انا اللي اتكلم وادافع و ارد بدالها بس والله يا ايه يمكن انا عمري ما قولتلها كده بس انا اللي كنت بستقوي بيها لاول مره احس اني ضعيفه و مش عارفه اتصرف و لا اعمل حاجه مره واحده الدنيا فضيت من حواليا فلوسي مع مريم و فلوس اختي في ايد جوزها معنديش بيت معنديش حد اقدر اروح عنده مفيش شغل حتي حق اختي مرهون علي تصليح تليفون