لقاء كارثي
لقاء كارثي
ليله….بضحك اه انا اللي كلمتها عشان تنقذ الموقف و تيجي تتكلم مع اخواتي حاسه اني مكسوفه
عشري….بضحك بجيتوا بتتجفوا مع بعض يا ست امينه ده انا لو اتصلت عليكي و فضلت اتحايل تطلعي و لا هتعبريني تتصل هي تسمعي كلامها علي طول
امينه….بضحك مالك غيران ليه بتي و مجدرش ازعلها
عشري….بضحك والله طب خدي بالك هتدلع عليكي
امينه….بكيفها اني راضيه
عشري….ماشي ياستي الله يهني سعيد بسعيده تعالي سلمي.
ليله…..بابتسامه ازيك يا فاطمه
فاطمه….الله يسلمك يا ست ليله الف مبروك
ليله….الله يبارك فيكي بس تاني ست ليله مش اتفقنا
ابتسمت فاطمه و سكتت
ليله….تعالي يا فاطمه.
دخلوا جوه مع بعض .
امينه…..السلام عليكم منورين بيت عروستكم
اميمه…اهلا بست الكل
قربت سلمت عليها هي و قمر و ومها و وقفوا الرجاله
وليد…..مبروك يا حاجه امينه لعشري
امينه….مبروك علينا احنا يا وليد
احمد…..ازيك يا ست الكل
امينه…الحمد لله يا ابو حمزه
سامح……منوره الدنيا يا ست امينه
امينه…..منور بيكم عقبال ولادكم جميعاً يارب
ليله….اااا بقول ايه تعالوا بقي احنا نسيبهم و نقعد براحتنا بعيد عنهم
عشري…..بابتسامه ماشي روحوا انتوا هناك فاطمه تعالي خدي الحاجه دي وديها جوه وسيبي دول
فاطمه….حاضر
خدتهم ليله علي المجلس التاني و كانت مبسوطه اوي ان امينه عماله ترغي مع اخواتها و مها حست انها شالت عنها حما نظراتهم و كسوفها منهم فاطمه بقت راحه جايه بين المجلسين تحط حجات و تشيل حجات الجو العام كان يجنن و كانوا مبسوطين اوي و بعد وقت طويل مشيوا اخواتها واجواز اخواتها و اتبسطوا مع بعض جداً و حست ليله ان ضهرها اتسند بوجودهم
راحت وقفت هي و فاطمه في المطبخ تساعدها و تحاول تلاقي مكان للحاجه دي كلها.
امينه كانت قاعده مع عشري ..
عشري…..منوره يا ست الكل
امينه…بنورك يا نور عيني اسمعني زين يا محمد
عشري….قولي يا غاليه
امينه….حط مرتك في عينك يا محمد الله في سماه لو زعلتها تاني قلبي مهيبجاش راضي عنه
عشري…بضحك الله الله في ايه يا امونه هي البلطجيه دي هتقلبك عليا ولا ايه
امينه…..لاه بس الشهاده لله انت خابر ان محبتها في جلبي كبيره تعرف تخليك تحبها من غير اي حاجه و انهارده اتصالها عليا فرح جلبي يمكن انا مكنتش رايده اطلع و كنت حابه تجعد مع اهلها براحتها بس كلامها دخل جلبي وحسيت كنها بتي بجد و بتستنچد بيا فرحتني و حسيت انها مطمنه بيا رغم اني خابره ان هي واخواتها جريبين من بعض بس انها تتصل بحماتها و تستنچد بيها تيچي تاخد بحس اخواتها حسيتها عيله صغيره و عروسه مكسوفه حسيت كاني امها و اني بجولهالك تاني الله في سماه لو زعلتها ولا نيمتها زعلانه جلبي مهيبجاش راضي عنيك اني في ضهرها جدامك
