لقاء كارثي

عدي…. ابتسم و هو بيدور العربيه و يطلع غيريني لو عايزه

تقي….بابتسامه لفت ايدها علي دراعه مقدرش انت قدري و من غير تفكير و جنانباسته بوسه سريعه من خده و نامت علي كتفه

عدي….بصدمه ضحك ايه ده

تقي…بابتسامه احراج سوق وانت ساكت

عدي….طب افهم

تقي….بضحك مش لازم

عدي….لا ماهو انا مكنتش مدي خوانه طب نعيد تاني طيب عشان ابقي مركز

تقي….بضحك لا مش هنعيد يا قليل الادب و كمل يلا و بص قدامك

ابتسم عدي و رفع كفه علي خدها وهي سانده علي راسه

عدي…..بحبك يا مجنونه

تقي…..بتنهيده جميله حضنت دراعه اكتر و انا بحبك اوي

……………….

في المطعم جوه المكتب..

محمود كان فاتح فيلم اجنبي و بيتفرج علي اللاب توب سمع صوت اشعار رساله..

فتحها بهدوء لمح اسم ريهام قام اتعدل بسرعه و هو مش حاسس بنفسه.

ريهام…ازيك يا حودا اخبارك ايه بجد شكرا اوي علي كل اللي عملتوا معايا مع انها جات متأخره بس كنت تعبانه والله

ابتسم و بعتلها بسرعه

محمود….يا شيخه حرام عليكي عايز اطمن عليكي من امبارح بس مش عارف هو انا ينفع اتصل عليكي؟!

ابتسمت ريهام و فضل محمود باصص علي الشات مستنيها تكتب بس فجأه لقاها قفلت و مبقتش متصل سكت شويه و بعدين لقاها بترن عليه.

ابتسم و رد بسرعه.

محمود….اهلااااا بالمريضه بتاعتنا

ريهام….بضحك و صوت باين عليه التعب ايه ده انت بتعايرني ولا ايه يا عم انت

محمود….بضحك يا نهار اسود ايه صوتك ده لا انا لما روحتك كان الصوت مقفلش كده

ريهام….بضحك لا ما انا جسمي بيمر بكل فصول السنه برد و حر و سخونيه و قافله مهببه من البرد و انت مضطر تتحمل صوتي لحد ما اقفل

محمود….بابتسامه يا ستي و لا يهمك المهم طمنيني عليكي انتي كويسه.

ريهام…..احسن كتير و الله يا حودا

محمود …..بس صوتك ضايع خالص

ريهام….اه برد بقي ورشح و في التهاب في زوري مخليني حاسه ان حبالي الصوتيه متغيره

محمود….بضحك لا متمثليش هو ده صوتك من الاول

ريهام….بضحك الله يكرمك طب جاملني متبقاش متنمر

محمود…..انا برضوا اللي متنمر ده انتي واخواتك متتوصوش

ريهام….اه وانت مصدقت بقيت مريضه و قولت اروقها شويه بس خد بالك التنمر طبع يعني لو بموت ممكن اقوم اتريق عليك و اموت بعدها عادي

محمود….بضحك يا ستي بعد الشر المهم بجد انتي احسن حاسس انك تعبانه والله عايز اطمن عليكي من امبارح و مش عرف بصراحه اتصلت علي ميدو طمني عليكي انتي وسلامه